我個bb係咪已經冇佐

問題 : 我個bb係咪已經冇佐
同時可否將你資料講清楚呢,例如:
1)你幾時去驗孕同喺邊度照超聲波,照完後有冇再驗多次?
2)當你懷疑有冇驗錯,點解你唔立即去第二間驗多次,呢D咁嚴重緊要嘅事,為何咁輕視?
3)以你咁嘅情況,當你發現肚同盤骨間唔中痛,點解唔去睇醫生?
4)你所指嘅28號,係一月(即前幾日)又好定上年十二月都好,之前已有懷疑,加上家陣仲有血出.個肚又開始痛,話之你得勁小血又好,個肚有冇痛都好,既然喺度自己估,攪到自己提心吊膽,點解唔去診所或醫院,問個明白?反而喺呢度去問人意見,就算有個專業婦產科醫喺度回應你問題都好,始終冇驗清楚,單憑你喺網上呢幾句說話,根本都唔可以百分百話你知究竟係咩事?
雖然我唔係醫生,或者我都講下我意見啦!
第一: 若係前幾日嘅28號開始有血出,我覺得你今日起身之後,唔好再等任何答覆,你先去診所或醫院睇左醫生先,可能你會認為,若然你會去睇醫生,依家就唔駛喺度問問題,而我亦唔會答緊你野!若你真係咁諗,我想知點解囉?冇錢?唔方便?
第二: 你問邊度驗孕準,基本上邊度都一樣,我都試過懷孕(雖然最後都選擇唔做媽媽),但我記得第一次驗,係先買驗孕棒自己驗一次,跟住怕唔準再買多支唔同牌子嘅驗孕棒再CONFIRM驗多次,之後再去家計會同私家診所驗,到做手術前又喺醫院驗多次兼照超聲波,前後共驗4-5次,照左兩次超聲波!所以我覺得邊度驗都一樣,最重要嘅問題係,起碼驗多一次或以上(分別於兩個唔同嘅地方),咁就一定準!至於你話因BB太細所以暫時未照得出,有冇呢個可能性呢,我就唔清楚,所以唔敢比意見!
第三: 另外你問平嘅方法,平極都要幾十蚊,其實去診所都唔會好貴,我指嘅診所,即平時你傷風感冒去睇嘅家庭醫生嗰種,所以你可預計返,你平時睇傷風發燒睇開幾多錢,都應該差唔多嘅姐,若都係覺得貴,你可去家計會,我記得年幾前,去到同佢講我想做終止懷孕手術,佢就比張表格我填,然後交低$60,就同我度高磅重取小便驗孕等!而最平最平係自己去萬寧買驗孕棒!由$29-$80不等(藥房可能會貴啲兼會尷尬啲)!但係$29同$80都冇分別,所以唔駛買咁貴都得!但始終都要買兩支驗兩次會穩陣啲!
第四: 唔怕老實講,我都試過你咁情況,不過有少少唔同嘅係!當我做完終止懷孕手術後,等左成兩個月都未嚟(醫生於手術前已清楚解釋過,大約手術後一個月左右便會回復經期),然後即刻睇家庭醫生話佢知有咁嘅情形,佢當時話有可能手術後,醫生刮宮刮得唔徹底,引致啲荷爾蒙唔知點樣(唔記得左)而令M未嚟,於是開左D藥我食加速子宮啲咩,總之有催經作用,最衰手術後嗰一個月期間,有同男朋友行埋,我就諗係咪又中招!於是買驗孕棒驗,又話冇,直到M到,我又見肚痛並流血(咁多年嚟我都唔會經痛),所以懷疑究竟係M定係流產,之後立即睇醫生,醫生話係M,因為如果流產,係冇可能會忍受到行到落街睇醫生,正路入左醫院,可能因為手術後子宮唔知點收縮(又唔記得佢點講),而令我有經痛出現,叫我唔駛担心!之後大約4-5日就冇血,先知真係經期!
但我唔清楚你依家嘅痛楚程度,又或會否同我CASE一樣,只係經血,之前擺左烏龍呢?所以我就叫你講多少少資料,如上次嚟M係幾時,期間幾時有性行為等!
第五: 不過我覺得你擺烏龍成數多!純粹估計,並唔肯定!因為十多年前,我仲讀緊中學,嗰時我個女朋友,佢有左,由於仲係學生,佢只可去D無牌診所度落,嗰陣我同佢男友陪佢去,個所謂醫生比左D藥丸佢,話食完之後冇耐會有類似月經物體會嚟,叫佢用定衛生巾,之後佢男友陪佢回家並一直陪住佢,而佢地大約每隔30分鐘就打電話比我報告個情況如何如何,大概個幾鐘後,佢地話開始好痛兼開始有血流出,之後更於M巾度發現有PAT好噄嘅嘢,我當時並無懷孕等經驗,於是我問我媽媽,應該點算(我媽媽於生我前曾試過小產加上話晒係媽媽級,對方又唔可以問佢自己媽媽),我媽就話應該係杯胎,雖則我媽鬧到我地痴肺,話咁細個攪埋D咁嘅野,但始終係好危險,所以我媽都焗住教佢地點做!
綜合以上兩點,所以我覺得你未必係流產,不過最恐怖係你話照過超聲波,照得嘅即係喺醫生度照,即代表醫生認為你有左啦!ANYWAYS,我都認為你唔好再等,當你睇完我呢篇回答之後,唔好等其他人回答,第一時間去睇醫生,若真係經濟唔許可,都先買支廿幾蚊嘅驗孕棒驗清楚先,之後再去睇下其他人嘅意見吧!

2010-02-01 06:56:24 補充：
其實我諗我係第一個答你,但因本人中文打字實在太慢,結果攪到排第三,其實我意思想話,想解釋返點解我叫你唔好再等其他回答,快D去CHECK清楚嘅意思!
同埋,希望你唔好覺得我多事,我諗緊其實你係咪好細個,仲讀緊書,因為我見你話要平,又唔知點處理,應該都係學生嚟,!ACTUALLY我冇其他意思,只係覺得,若係學生,我應該要點幫你,皆因係學生,對於呢D問題,可能好多都唔方便做!例如去醫院等又或經濟上或者唔容許你…,處理方法亦有好多限制!SO,希望你唔會覺得我多事!
ALSO我想同你講聲唔好意思,可能你會覺得我開始時嘅態度好似好惡,其實我唔係架,我只係睇完你問題,好戥你緊張,担心你身體狀況而已,並無惡意!

2010-02-01 06:56:34 補充：
點都好有任何難於開口嘅問題,可EMAIL比我 : [email protected]希望以上答案及意見可以幫到你! GOOD LUCK!

你有左BB意架見有血做咩唔快d去醫院呀可大可小架

如果有血出既話就要即刻去睇醫生.
如果吾系好嚴重 .又或者可以冇左.
不過就算有冇你刀要去睇一睇穩陣d; 好d

請問當你知道自己懷孕時, 大約有幾多週? 如果你懷孕係約4-6週前, 有機會照唔到個胎囊的. 因為要到6-7週先可以照到的.

但係你有作小產現象, 如果你有肚痛或者流血, 有機會小產了. 如果係咁, 你就要即時入院檢查.

你去醫院驗, 都係100元. 如果你想check埋個胎, 就去婦產科醫生睇. 唔使普通診所都有得驗孕.

長話短說
..............

立即去睇醫生

檢查清楚啦！

蔡照榮醫生 (婦產科)
電: 2382 6789
地址:九龍城侯王道39-43号地下

仲係度問人?!問醫生啦!去睇次婦科呀,唔係普通西醫呀!幾多錢都要睇啦!超聲波無理由照唔到,我月經遲左3星期都照到吖.

你快d去睇醫生, 我都試過2次有血,但要立即入院, 醫院會幫你優先處理.
你都想bb生存你就快d去睇呀!

即刻去睇醫生，保持冷靜

有可能食咋糊，期實果D係月經黎，我都試過一次咁嘅經歷；

懷有身孕初頭果幾個月係好大機會會作小產，你流咁多血就如無意外就係小產咗無咗；

家計會驗孕 7 0 元，家計會另設有青少年保健服務，為二十六歲以下的未婚人

士提供性與生殖健康的醫療及輔導服務

青少年保健服務:
保健檢查及子宮頸細胞檢查
- 子宮頸癌疫苗
- 血液化驗及性病普查
- 避孕輔導服務
- 緊急避孕輔導服務
- 懷孕輔導
- 終止懷孕手術輔導及轉介服務
- 個人心性輔導
- 性侵犯輔導
- 戀愛與性輔導服務

醫生評估（青少年保健）
$100（居港權人士） / $150（非居港權人士）

輔導（青少年保健）
$80（居港權人士） / $100（非居港權人士）

女性保健服務（青少年保健）
包括診金、常規體格檢查、盆腔檢查及子宮頸細胞檢驗 $250（居港權人士） / $300（非居港權人士）

人類乳頭瘤狀病毒預防疫苗
家計會已引入人類乳頭瘤狀病毒預防疫苗。凡年齡在9至26歲(最理想注射年齡為11至12歲)、還未開始性生活的就診者，可預約前往家計會診所或青少年保健服務接受注射。 $750-$900 每針 (共三針)

緊急避孕(丸)輔導服務
包括藥物、醫護評估及一次覆診 $180（居港權人士） / $230（非居港權人士）

終止懷孕輔導服務
包括驗孕、手術轉介、手術前兩次及手術後一次之醫護評估及輔導 $420（居港權人士） / $650（非居港權人士）

血液化驗（青少年保健）
包括血球常規化驗、乙型肝炎抗原化驗、乙型肝炎抗體化驗、肝功能化驗、腎功能化驗 $350

性病普查（血液化驗及拭子化驗）
(1) 血液化驗 - 梅毒定性化驗、愛滋病毒抗體化驗。 (2) 拭子化驗 - 尿道及子宮頸淋病細菌培養、衣原體抗原化驗、上陰道滴蟲及念珠菌培養。 $550
解决方法除非相隔得

灣 仔 青 少 年 保 健 中 心
灣 仔 軒 尼 詩 道 130 號 修 頓 中 心 九 樓 902 室
電 話 ： 2575-4799 (敬 請 預 約)
星 期 一 至 五 上 午 9:00 - 晚 上 8:00
星 期 六 上 午 9:00 - 下 午 1:00

旺 角 青 少 年 保 健 中 心
彌 敦 道 573 號 富 運 商 業 中 心 十 三 樓 A 室
電 話 ： 2770-4994 (敬 請 預 約)
星 期 一 至 五 上 午 9:00 - 晚 上 8:00
星 期 六 上 午 9:00 - 下 午 1:00
本 服 務 會 視 乎需 要 而 延 長 星 期 六 的 服 務 時 至 下 午 五 時 ， 敬 請 致 電 查 詢 。

荃 灣 青 少 年 保 健 中 心
荃 灣 青 山 道 264-298 號 南 豐 中 心 16 樓 1621 至 1622 室
電 話 ： 2443-2773 (敬 請 預 約)
星 期 一 、 三 下 午 12:30 - 晚 上 8:00
星 期 二 、 四 上 午 9:00 - 下 午 5:30
星 期 五 下 午 1:00 - 晚 上 8:00
星 期 六 （ 隔 週 ） 上 午 9:00- 下 午 1:00
電 話 ： 2742-8183

「上次係醫院驗到話有佐」<<你如果有左bb而下體出血係好危險 你仲唔快d去睇多次醫生 起碼攪清楚你而家係黎緊m定有左 唔好拖 好嚴重的