倉鼠痾左軟便便..搞到patpat都係..=口=

唔同意樓上網友cslkaty既講法,希望網友唔好介意及可留意一下:
鼠鼠係唔可以用水沖涼,咁好易令鼠鼠感冒,而用肥皂沖涼,除左易洗得唔乾淨有機會俾鼠鼠食到,仲可能會刺激鼠鼠既皮膚,人同鼠係唔同既動物,好多野都唔可以共用,而肥皂好多都會有香味,令鼠鼠過敏既話,嚴重係會致命,實在冇必要為左抹乾淨而搵命博
唔建議俾鼠鼠水沖涼及游水詳細原因可參考:
http://hk.knowledge.yahoo.com/question?qid=7009122100380


A.鼠鼠走過佬,出去之後可能會食左污糟野,而且咁會令鼠鼠受離,受驚特別易誘發腸胃及皮膚既疾病
分辨肚瀉:
1)嚴重既好易分,會明顯地見到鼠鼠既便便爛同濕,如果初期既肚瀉就較難去分
2)你可以拎鼠鼠既排泄物上手咁下,最好係佢排出唻冇耐(過一陣,1分鐘度啦,即摸好易係好林),睇下會唔會好林,唔洗擔心,佢身體冇咩事既話唔會好臭.其實最好係成日咁樣去檢查鼠鼠既排泄物,因為如果之前你冇掂過,就好難分係咪特別林or硬左,我成日都會咁做
3)留意鼠鼠肛門一帶會唔會成日濕濕地,但便秘都會濕,但應該唔難分佢係肚瀉定便秘
4)清晒個籠之後,再仔細留意佢既排泄物係咪真係比平日多左,如果平日冇留意既話,就較用呢個方法難分,不過多數之前講既方法已可分到


B.肚瀉既要留意以下幾點:
1)買d止瀉藥加入水度俾佢飲(Gimborn 止瀉藥OR SUPRA-CELL N700止瀉素幾好)
2)可用極少既微暖水同鼠鼠抹下尾部污糟既地方
3)有第隻鼠既話要分籠,患病既鼠被第隻鼠乘虛打死(鼠鼠本身係獨居動物,其實咩情況都係一籠一鼠較好),亦避免傳染,加上多一隻鼠易令生病既鼠多一分受細菌感染既機會
4)接觸鼠鼠之前之後都洗乾淨手,自己有唔舒服既就唔好接觸or靠近鼠鼠咁多
5)保持個籠衛生,有第籠鼠就要分開洗籠及用品
6)鼠鼠既用品同籠都要用牙膏or動物專用既消毒劑消毒
7)仔細檢查鼠鼠既食物會唔會有變壞or生虫之類既問題,有問題既話可先俾白米(生)俾鼠鼠食,再盡快買返鼠糧
8)唔好食零食之類,蔬果更加唔可以食啦.食鼠主糧,都可以俾d白麵包or麥片佢食.(好少量),其他人既食物當然都係唔好俾鼠鼠食啦,鼠鼠正常時都唔可以,好返都要戒口一段時間
9)如果呢兩日有轉過糧,最好可以食返舊既糧先
10)留意鼠鼠有冇飲水,如果鼠鼠冇咩力去飲,就要餵鼠鼠飲水,同時將水樽放近鼠鼠,都係唔飲既話可將水整落籠邊or用品上(當然要先清潔好),鼠鼠好多時都會去舔
11)如果鼠鼠有身凍既問題,就唔好俾風直接吹到鼠鼠,要鼠鼠保持溫暖,凍天要留意既事:
http://hk.knowledge.yahoo.com/question?qid=7009111301092
12)鼠鼠有唔舒服係會特別怕人,都唔好打擾佢咁多
13)密切留意下佢既排泄物變化,留意鼠鼠尾部會唔會成日濕晒,如果濕既話整乾淨又會唔會再瀉返,長期濕就可能係好嚴重既濕尾症.而濕尾症就多數好難會好得返,好快會死.最好就盡快要睇醫生
14)買唔到藥,肚瀉不止(2,3日左右)or瀉得嚴重,就最好去睇醫生,鼠醫生資料及睇醫生要留意既事可參考:
http://hk.knowledge.yahoo.com/question?qid=7009031901757


C.困籠既動物大多都會想走出籠,而鼠鼠係逃走專家,跑得快,又識開門,處理唔好就易成日走鼠;鼠鼠成日走佬,一定要盡量避免俾鼠鼠走到,唔係次次都咁好彩安全地搵得返,鼠鼠走佬後,要好好留意以下幾點:
1)怕佢出去食左污糟野,所以呢幾日要特別留意下佢既身體及排泄物有冇異常,一發現有異常就要馬上處理
2)出面污糟都易令鼠鼠有皮膚病,同佢用沖涼粉整乾淨個身,密切留意有冇甩毛之類既問題,同埋要檢查下佢身體有冇受傷
3)鼠鼠識開門走一d都唔出奇,我以前有隻鼠,開到個瞭望台走佬添,個瞭望台連我都覺得好難開!所以閂好籠既門有時都未必有用,但當然都要閂好啦
4)你可以用d鎖匙扣當做鎖咁鎖住道門,我都係咁做既,當然個扣既位唔可以大,大少少都好易走到,我用既扣都係好細個.有d寵物店都有鎖買,都係一d鎖匙扣咁
5)都要留意返個籠仲有冇第d位可以走到,倉鼠係出名既逃走專家,一定要小心
6)放返佢入籠,放去佢平日訓覺既地方,唔好攪佢,唔好嘈佢住,等佢冷靜d先啦,唔好嚇親佢呀
7)冇信心時就唔好再放鼠鼠出唻,放鼠出籠要留意既事及方法可參考:
http://hk.knowledge.yahoo.com/question?qid=7009111801635 第3/項

2010-02-05 22:21:07 補充：
波波球之類(有d係成架車,車上有個球,類似既玩具),又或係球體放入籠內既轉輪,呢d都算係危險既玩具,係屬於危險玩具,因為通風做得比較差,而且鼠鼠被困入面,會令鼠鼠感到壓力,想像下你被困一個咁既物品入面,行極都出唔到去有咩感覺?所以呢款玩具唔係幾適合鼠鼠玩既
其實用個波咁困住鼠鼠,對鼠鼠唻講,真係=出左籠嗎?困在比籠細好多既地方,得少少孔去通風,但又要跑,實在好辛苦,天氣焗熱,唔洗郁有時我都會覺得透氣好辛苦,鼠鼠放入去,就係焗住都仲要跑,就算冬天都一樣覺得辛苦呢

2010-02-05 22:21:11 補充：
壓力就咁睇可能會好抽象,未必咁易睇得出,但對鼠鼠唻講,壓力係有機會誘發甩毛肚瀉,甚至濕尾症等疾病(因生理代謝同心跳快),所以一定要盡力令鼠鼠少d壓力

冇錯，係肚潟！其實唔係唔可以店水，可以店嫁！不過唔可以店到佢個頭＆眼，因為可能會今到佢隻眼有問題，你張d水洗吓佢pat pat，就得嫁啦！如果唔想，你咪問吓寵物店攞，佢哋可能會有仲好既方法幫到你！
　　　

無錯是肚瀉.
其實BB是可以用水來沖涼的, BB還會游泳的.
還有最好一個星期幫BB沖涼一次.
至於如何沖涼, 其實很簡單, 方法如下:
- 首先準備一盤暖生水
- 將BB放進去 (正常BB是會浮起來和游泳的)
- 用清水幫BB清理眼睛 (用手將水抺在BB的眼睛上)
- 再用肥皂塗滿在BB的全身上 (當然頭部不用塗上)
- 然後用手去抺掉BB的身上所有的肥皂
- 再用風筒幫BB吹乾就可以了
你可能覺得很奇怪, 為何沖涼要清理眼睛, 是因為BB眼睛有時會有眼垢或不小心被尿液沾到, 如果不加理會可能會導致瞎眼的.
另外BB是會偷走的, 因為可能籠子太小或者沒有什麼東西玩又或者食物不夠所導致. 不過不用太擔心, 通常只要用食物來引BB, BB便會出來了.