✔ 最佳答案
唔同意樓上網友towinghan既講法,希望網友唔好介意及可留意一下:
1)新手唔建議養小灰霸,小灰霸係好惡既品種,就係因為佢夠惡而被命名為小灰"霸"
2)唔建議依賴鼠店去養鼠,鼠店係做生意既地方,易會想你買野而亂答,鼠店亦唔會話你知有咩零食佢地賣緊係冇益,有咩玩具係危險
3)鼠鼠係唔可以日日沖涼,咁會令抵抗力下降,易生病
多問題唔緊要,最緊要係對鼠鼠好,但因字數有限,唔想縮減唻答影響鼠鼠,部份回答煩請參考其他我回答既知識,已附上連結,謝!
A.千萬唔好一籠兩鼠,倉鼠係獨居動物,唔習慣同第隻鼠一齊生活,打交只係天性既驅使而做出唻,再乖既品種亦一樣一齊住就打交or因壓力而生病
野生既鼠都係一隻自己住,絕對唔會覺得悶,一般人話養一隻會悶,多數都係主人睇住一隻鼠覺得一隻好似冇咩好做咁會悶,自己睇又睇到悶,要了解及愛錫鼠鼠感受,一定要從鼠鼠角度去睇,千萬唔好將鼠當人咁諗,鼠同人係唔同既
就算兩隻同一胎既鼠b,都唔係可以一齊住,野生既鼠到戒奶後就會各散東西,完全冇家庭觀念,就算同一胎都一樣會打生打死or易因強行改變鼠鼠天性而生病
我細個唔了解鼠鼠,一直都係一籠兩鼠,唔同既組合都試過唔少既次數,都有繁殖鼠鼠好多好多次,兄弟or姊妹相殘係好常見既事,印象最深刻既係,試過一籠放兩兄弟,個籠好大,有2間屋仔,2個瞭望台,好多野都有兩樣,平日佢地會一齊訓,會互舔身體,唔會咬人,照睇應該算係好馴好乖,點知有一日我外出一陣,返到睇到打到一隻腸出左唻,另一隻頭都甩埋,可見就算係再大既籠,同性唔同性,係咪同一胎,其實都會打既
兩隻女鼠唻講,曾經試過一胎四隻女b,其中兩隻未戒奶就打生打死,無奈又唔分得籠,最後捱到分籠,一隻b耳仔冇左一部份,一隻就癲左咁成日大叫,又亂撞,唔食野,隔一段時間情緒定落唻之後,佢地都一樣好乖
如果你有留意其他發問,相信唔難發現有好多鼠鼠打交既問題,就算唔相信鼠鼠獨居,當佢只有50%會打交,亦要好好考慮清楚,係咪值得用鼠鼠既生命去博佢地唔打OR唔打死?買左之後就算唔打死,打傷既話係咪可以馬上分籠帶鼠鼠睇醫生or買藥?打死打傷既話自己又會有咩感覺?用唻代表愛情既話,見到佢地打交,甚至一隻食一隻既話,又會有咩感覺?
如果真係喜歡鼠鼠,唔好因自己想而用鼠命去博吧鼠鼠同人絕對係唔同
建議一籠一鼠詳細原因及男女鼠分別可參考:
http://hk.knowledge.yahoo.com/question?qid=7009110800515
B.新手可考慮短毛熊仔鼠同小紫王,熊仔鼠貴d,大隻好多,壽命較長,一般可以2-3年,而小紫王就係細品種唻講算係好乖既,壽命約2年,當然首要尊重返鼠鼠獨局既天性,一籠多鼠既話,買咩品種都會好惡
如果想養熊仔鼠,有幾點要特別留意既:
1)倉鼠本身係獨居動物,而熊仔鼠比其他品種既鼠更早會攻擊同類,所以買既時候要檢查清楚有冇受傷.雖然買咩鼠都要睇真d,但熊仔鼠係打得特別勁既,連寵物度都好難話一個地方放好多隻.放到都受傷不淺,之前我去買熊仔鼠就見到好多好多都係咁
2) 因為熊仔鼠好大隻,所以所需空間都比較大,空間太小會令鼠鼠有壓力既.而轉輪都要大d,唔係大左就玩唔到架啦.
3)有d人會覺得細隻既鼠得意d,隻鼠大大下就會冇咁鍾意,所以要諗清楚係咪真係鍾意大大隻既熊仔鼠.
4)熊仔鼠我覺得係最怕人既,我一向都係養熊仔鼠多,有時熊仔鼠既牙掂到我,佢都會即時彈開.熊仔鼠咁細膽,所以佢驚你既時候就唔好勉強佢,但我覺得都好快熟到既
C.其實只係俾混合主糧同時都可以加d鼠專食既牧草or草磚已經好足夠;人食既食物都唔好胡亂俾鼠鼠食
俾鼠鼠食既野要留意既事詳細可參考:
http://hk.knowledge.yahoo.com/question?qid=7009080600917
C.隻隻鼠鍾意玩既玩具都未必一樣,只係轉輪係可以話隻隻鼠都玩的,買鼠玩具要留意既事:
http://hk.knowledge.yahoo.com/question?qid=7008102301296
D.籠係愈大愈好,而安全係最緊要,買籠要留意既事:
http://hk.knowledge.yahoo.com/question?qid=7008101301450
玩具唔一定要同時放好多入籠,買2,3樣,間住一星期換一樣,等鼠鼠較有新鮮感都可以
冇話幾多日要洗一次籠,個個籠大小唔同,都已經唔同,籠大d就冇咁快污糟,覺得污糟就要清理一下,洗籠要留意既事:
http://hk.knowledge.yahoo.com/question?qid=7009112901080
E.沖涼要用鼠專用冇味既沖涼粉,有味既話易令鼠鼠過敏,嚴重係會致命(有味木糠都係);一星期沖一次,太熱最多兩次
2010-01-31 15:56:10 補充：
字數有限,下文再續:
F.同鼠鼠熟之後可以放鼠出唻玩,放鼠出籠要留意既事可參考:
http://hk.knowledge.yahoo.com/question?qid=7009111801635 第3/項
如非對鼠鼠係特別既過敏,被鼠鼠咬到係冇咩危險(但傷口一定要處理既,所以記得消毒同貼膠布,但如果出現過敏反應就要睇醫生處理),所以唔需要怕
鼠鼠咬你時可以既話試下放鬆你自己被咬既地方,鼠鼠較易會放口,不過多數人被咬本能反應都會縮手,縮手鼠鼠都唔會夠你大力,但小心摔跌鼠鼠,我細個時就試過被咬後一縮,隻鼠就飛左落地,之後就自己練習被咬後唔縮
2010-01-31 15:56:28 補充：
了解鼠鼠咬人既原因可減少被咬既機會:
http://hk.knowledge.yahoo.com/question?qid=7009111301632
G.細心留意鼠鼠平日係點,只要行為同身體狀況異常,就有機會係有病,檢查鼠鼠有冇病可參考:
http://hk.knowledge.yahoo.com/question?qid=7009063002064
唔同既病要留意既事都唔同,基本要留意既事,鼠醫生資料及睇醫生要留意既事可參考:
http://hk.knowledge.yahoo.com/question?qid=7009031901757
2010-01-31 15:56:34 補充：
H.鼠用品資料及價錢:
http://hk.knowledge.yahoo.com/question?qid=7009112801771
買鼠仲要留意既事:
養前要考慮既事及飼養方法:
http://hk.knowledge.yahoo.com/question?qid=7009121001450
揀鼠要留意既事可參考:
http://hk.knowledge.yahoo.com/question?qid=7009062502420
2010-01-31 21:44:47 補充：
唔洗客氣,有咩問題請再補充
麵包蟲即係麥皮蟲,我就唔會俾鼠鼠食,唔建議俾鼠鼠食麵包蟲既原因可參考:
http://hk.knowledge.yahoo.com/question?qid=7009102101618
請問你決定養幾多隻熊仔鼠?
熊仔鼠同一般倉鼠一樣咁養,特別唔同既就如之前講既咁,想知多d熊仔鼠既野,有關熊仔鼠既詳細資料,可參考以:
http://hk.knowledge.yahoo.com/question?qid=7007121402487
2010-01-31 21:45:06 補充：
較少有好細既熊仔鼠賣,如果見到熊仔鼠同其他品種既鼠差唔多size,就可能係剛戒奶21日大左右,甚至未夠日數就被拎出唻賣,咁就較易身體弱d,熊仔鼠約一個月大,已經明顯比其他品種大,去到60日左右先大定
未戒奶既鼠都只係可以盡力照顧,其實唔容易睇得出,鼠店正常都未必會話你知,但有d鼠店的確賣一d明顯未戒奶既鼠,我就覺得係好過份既事,未戒好就拎出唻賣,鼠b易死易病
買一般較大既size就較安全
