杜牙根痛唔痛架......

我都杜過兩次牙根, 兩次的情況都唔同 ...

1) 杜牙根痛唔痛?
第一次由杜個時痛到杜完, 痛足一個月

第二次杜牙根時唔痛, 杜左之後都冇痛過
其實要視乎你隻牙的情況和牙醫生技術好不好

2) 杜完痛唔痛架-_-
現時牙科技術已進步不少, 不用擔心, 多數會唔痛

3) 第一次去果陣係做d咩?
a>先檢查牙齒
b>照x光
c>打麻醉針
d>杜牙根

4) 會唔會食唔到野?(未完成整個過程時候.)
唔會 ... 一定食得野
因杜牙根不是一次就完
進行杜牙根的過程, 你個口會好疲累 ...
杜完回家, 最好休息下個口, 不宜食硬野
如果麻醉藥未過, 最好食粥或軟的食物, 以免咬親自己
晚上早點睡

1. 可以話俾你知牙痛比起杜牙根既痛楚係幾何級數, 牙痛係窩心既, 內在既, 好似入骨入肺咁, 而杜牙根既痛只係開頭打既麻醉針痛, 因為直接打落牙肉...
2. 杜完都要睇情況, 例如醫生技術, 有冇鑲牙套, 如果醫生技術好又鑲埋牙套, 隻牙根本再冇俾你任何感覺既機會
3. (假定個醫生有時間同技術自己幫你完成第一階段) 第一次先檢查確認, 跟住照x光, 循例講解同解析杜牙根既形成同風險, 然後打麻醉針, "車"開你隻牙既表面, 抽取壞左既物質, 再用一支一支微型工具插落牙腳抽神經, 塞入牙藥, 再密封左隻牙, 要等大約幾日隻牙冇發炎先可以繼續做第二階段, 其實只係將一D膠條塞入冇左神經既牙腳度, 再封埋隻牙, 咁大致完成~ 成功左先可以做牙套, 做牙套都只係先印個模, 有成品之後再"車"細隻真牙, 黐個模上去就得架喇~
4. 杜牙根 (唔計做牙套) 起碼要兩個階段先可以完成, 兩個階段中間隻牙又會密封過, 所以一般進食都唔係一個問題
5. 牙套基本上係瓷製既, 唔係咬太硬既野都唔會爛既, 基本上同跟你一世都差唔多, 只要你記住個牙套好貴就會小心食野架喇~ 我第一隻牙套都跟左5年以上, 相安無事~

p.s. 杜牙根最大既問題都係貴同醫生技術, 平既杜一隻用左4星期, 每次半個鐘, 貴既3日, 都係每次半個鐘, 手術成功就當然好啦, 失敗左就要成隻脫架喇~

1)你杜既時候,痛唔痛係根據你果隻牙宜家係咪痛緊
(話說我之前去杜牙痛,痛到仲痛過生仔咁-_-''好恐怖
但第2次去杜又一d都唔痛,因為隻牙已經無點發炎)
2)杜完會有少少唔舒服
3)係會分幾次杜,第一次都係整d藥落去,然後暫時幫你補晒佢
4)唔會

我初頭一兩次係打麻醉針先整
但打完之後都好痛...痛到流眼水....但係果次係因為隻牙發緊炎先係咁

普通唔係發炎既話應該唔多痛

1.first time會落x醉劑, 所以唔會痛2. 醫生係抽出隻牙d神經出嚟, 所以杜完之後, 隻牙冇神經唔會再痛, 就算再蛀都唔會再痛3.照x光4.會同你暫時修補住隻牙先, 所以可以食到野

2010-01-31 22:09:28 補充：
牙套會cover你隻真牙度, 唔會再攞到出嚟, 以後照常刷牙

杜牙根當然有多少痛.杜完牙根之後.要3小時之後才能飲食
這就是食甜品多之後果.早晚要擦牙.牙齒才能健康成長.