BEAUTY TECH 化妝學校

其實學化妝同學任何野都一樣
就算你讀法律, 一樣有人讀完搵唔番做法律架
最重要係睇你自己
當然學校配套都好重要

同埋化妝師唔係一份工
香港絕大部份化妝師都係自傭人士
即係唔係受傭於任可一間公司
而係同化妝公司合作關係
收入係計番工作再同公司對分
所以無話入職起薪點架

如果你話岩岩讀完化妝
我建議頭 1-2 年都要唔好怕蝕底
唔好計較幾多錢, 有冇錢
盡量爭取多 d 經驗同實習機會
呢 d 對你將來好有用架
咁過程又唔係咁慘
你可以接一 d 簡單野做
例如 model 私影, 謝師宴等等
呢 d 都算係簡單 d , 但密密做都唔錯架

至於 beauty tech, 其他學校我唔方便 comment
但絕對唔建議你信晒廣告囉
我有幾個朋友都係睇完廣告報左
而家只係同我講後.........

之前都答過關於化妝學校既問題
不妨參考下, 睇下幫唔幫到你啦

**************************
其實唔同既化妝學校都會有唔同既意見

至於會唔會迫人買野
你可以睇下佢學費包左 d 咩
如果係唔包材料, 你就要有心理準備會 sell 你
有 d 甚至係暗示唔同佢地買就唔合格之類
咁當然你報名果陣唔會咁講啦
如果佢已經包晒要用既材料
咁上堂果陣都無咩好 sell 喇
仲要留意埋包材料既意思係包你上堂用一套大家 share
定獨立一套俾你番屋企呢

基本上所有學校都唔會淨理論
但或多或少都會有, 因為有 d 係理論課
另外除左上堂之後, 課餘時間會唔會有地方俾學生練妝呢
練妝又會唔會有導師可以問呢
呢樣好重要, 上堂固然要實習啦
但化妝係一門技巧性既技能
一定要多練習先得, 學左唔練等於無學過咁濟
如果學校有地方可以提供到地方俾學生練妝就最好啦
但有 d 係會收番好貴既租金, 甚至 100 蚊個鐘
呢 d 計埋計埋都唔少架

至於年齡相信問題不大
而家都愈來愈年輕化
就好似我公司咁, 有個學生 14 已經考到國際認可資格
有 d 學生就 over 40 考到都有
相信呢個唔會係你既問題啦

學生人數都係好關鍵架
就好似政府開辨果類化妝課程
一個導師就 30 人, 每堂算佢 3 個鐘
仲要計埋導師示範
每人平均得幾分鐘執妝
學唔學到野就真係唔知道啦
所以小班教學係好重要
最好係 8 - 10 個人啦
如果有埋助教就更加好
因為有 d 小問題, 助教到幫到手
咁導師就真係可以教得更加好

但要知道小班唔係學校收生唔夠果種小班喎
另外亦要留意明星導師係咪堂堂都出現教晒你呢
定係一早已經講明佢會教幾多堂之類
試過某 d 學校俾學生投訴到明星導師成日唔在場
又遲到又早走, 其他只係 d 師姐睇住練下妝咁
坦白講, 如果個導師本身都好忙, 好多 job
又會抽到幾多時間教班呢
係真係學到野定明星效應呢, 不妨多加留意

至於價錢就太多客觀因素影響
正如我之前講果幾點已經會影響到
例如少班教學, 成本自己會高左
包埋材料亦一樣
所以計學費就唔好單單睇課程
要計晒 total cost, 例如材料, 化妝掃, 化妝箱, acceossories 等等
唔可以單單憑課程學費去評論

除左以上之外, 仲要留意埋前景出路
最好可以報考國際資格
因為呢様會比較有保障
學校自己簽既証書未必個個認同
有機會去其他國家, 人地唔識你間學校又係麻煩
況且間學校又會唔會永遠都多人識, 多人俾面呢
點都係考番個國際資格穩陣 d

另外如果學校幫學生搵好多實習機會
例如演唱會, 舞台劇, 平面廣告等等
定時舉辦唔同類型化妝 show
等學生可以有多 d 舞台經驗就更加好

而家香港化妝師主要工作好多都係新娘化妝
如果學校會定時落婚紗展, 吸納多 d 婚紗客人
仲會帶埋學生一齊去, 呢方面經驗真係好難得架
因為到你離開學校之後, 就未必有新娘妝俾你去跟呀

*********************************************
有咩問題可以 email / msn 我
[email protected]

其實如果你真係想係入行既
要有好既前境既
我建議你真係要唸清楚簡邊間學校囉
每間學校既配套都唔同既
同埋最重要係學完出黎幫到自己既將來
我自己都係讀緊化妝既
當然我唔係你而家講既學校啦
我間學校可以係學校發展
同埋配套有唔錯
可以加我msn交流下既
[email protected]

如果你搵化妝學校....
一定要搵一間前景同配套好ge學校....
要睇清楚會唔會太過明星效應....

因為其實好多間都差唔多....

記緊.....睇學校ge前景配套....

我個時搵學校都好睇依樣野....
因為可以幫助到之後ge發展....
仲有學校會接新娘jod,令到我地更快發展....

記得個時岩岩學已經成日出job...
真係出到有時唔想出....哈哈...
最正ge係學校會搞化妝比賽比我地吸收經驗之外..........
仲會打造一個平台比我地promo 自己.....

可以add我facebook/msn交流下...:[email protected]

我係讀緊化妝的,,
不過我唔係呢間讀,,
我之前都搵左好多好多間
我之後就讀左呢間,,
我覺得幾好,,
化妝品又比埋你(可拎反屋企的)(價值$10000up_
d miss sir都好好..
有好多out job出,,
如果想知多d可以@我^^
[email protected]