NEXT STEP ASIA (NSA) 個centre係尖沙咀, 我個friend o個日聽完佢個friend個talk 之後, 就即刻問人借2萬蚊去讀個course, 佢話好值得, 可以改變同啟發到佢好多野, 個course 有分3個level, level one $4xxx, level 2 $8xxx, level 3 $5xxx, 我話好貴wor. 佢即o係話”值ga! 真係值ga!” 但o係我o個一刻感覺佢好似俾人催眠咁….咁我就冇理佢la~ 心諗”只要覺得好咪得lor!”
到佢讀完level one, 有一個畢業禮, 佢就叫我去睇, 咁我就去睇la~ 一入去, 入面有好多人, 男女老少咩都有, 報完名, 咁我就入去個禮堂坐, 要我地off 哂d 手提, 唔俾我地拎住個袋, 咁唯有放o係locker 度lor. 搵個位坐低, 個talker 係一位保險小姐, 叫我地一齊玩遊戲, 認識朋友, 玩完遊戲就開始派畢業證書(當然唔係政府認可既course la!, 不過唔知出到去拎出黎搵唔搵到d 好工), 之後o個班人就叫我地d 嘉賓組埋一齊分享, 傾傾下冇幾耐, d 人就開始拎d 報名表過黎, 話如果想改變, 就行動la, 真係幫到你ga. 咁我話冇錢, 太貴la, 之後我個friend 話, 你仲有d 基金ga ma, 賣左佢lor. 我話唔得ga. 之後又話”咁你係咪想改變先, 係就唔好俾藉口自己la!” 就係咁…一直推就一直有人黎講, 1個, 2個, 3個, 4個, D人多到你唔信, 個個都夾住你, 我話唔想, 佢又講, 一直咁推佢地, 由9點幾一直推到11點幾, 事問我一把口又掂講得掂咁多把口, 我開始好累, 於是我就企左o係度, 點都話要走, 最後可能因為都咁夜, 佢地都放我走, 我以為已經甩難la….點知…..
到左聽日我收到佢地NSA其中一人既電話, (我覺得好奇怪點解佢會知我電話, 原來係我個friend 俾佢= =) 咁我聽到就同佢講, 我考慮下la, 點知佢又叫我賣左d 基金, 我話唔想咁做lor, 佢又話想唔想改變之類既野, 我cut 左佢線~ NSA 班人真係好有肯心, 日日係咁打, 唔聽佢電話都要打, 到最後, 我忍唔住同我個friend 講, 叫佢地唔好再打電話俾我, 我好嬲好煩~ 終於冇再打黎, 咁我放鬆哂!! 問題都仲係未完結, 我個friend join level 2, 今次佢真係改變左好多, 仲要搞到我地就黎冇friend 做, 就係因為呢個course~ 我同佢既距離開始拉遠左, 佢開始覺得我唔係真心對佢好朋友, 講好多野都唔上心, 覺得係我既問題~ 不停咁講我有問題 (佢d 朋友仲搞笑, 話自己讀呢d course, 可以去讀心理degree = =!! ) 又叫我讀呢個course, 日講夜講, 話題離唔開NSA ….唉…而家都唔知點算好, 好似俾人洗腦咁~好煩呀! 但我個friend 唔覺得俾人洗腦, 話好開心搵到真正自己~今日, 佢上level 3 la
更新1:
tuffigrl, 係呀, 真係好慘, 我個FD 而家日日都用唔同既方法叫我JOIN 呢個COURSE, 日日都問我幾時JOIN, 真係為左我好, 平時約我出黎, 我唔會覺得有咩特別, 但係而家我好反感, 好煩~ 而家每次出去都會講佢既course, 返到屋企, 又msn 問我對佢講既野有咩睇法, 我唔理佢, 佢又話我唔好~唔真心! 我知佢唔會放過我, 因為佢想我借錢去上呢個course~ o個班人真係有病ga~ 我唔想冇左個fd, 不過有時叫到出去, 我又冇辦法推, 心知都唔可以一世避開佢, 唉~
