同男朋友一齊3年4個月,岩岩發現有bb,點算?

首先你要知道，你肚入面係一條生命，所以你做任何決定都會影響佢一生，請三思！
以下係我既分析同經歷
個性會唔會變，冇人知，更加唔會有人知道結婚後、生仔後會唔會令你地更和諧。所以你千其唔好以為自己身處童話故事入面，幸福唔係必然。男人唔同女人，女人或多或少都有母愛，係懷胎十月後生個b出黎係會有所改變，變得更成熟、更顧家，呢點你講得出既話，我都覺得你會做到。但男人唔會知你佗緊b果時有幾辛苦，生bb果時有幾痛，就算睇住你生都未必體會到，所以你唔好諗住你為佢生左個b，佢就一定會改晒你覺得佢唔好既地方
拍拖既時候有唔同意見而嗌交好平常，結婚生子後嗌交就更常見，加上你有左而結婚，會有好多突如其來既問題出現，例如雙方父母既問題、金錢上問題、bb出世後既問題，要預左會為好瑣碎既事嗌交。拍拖時嗌交可以分手，分完手再係番埋一齊都得。但結左婚、生完b之後，有嗌交就唔可以話分就分，因為你地會變成一家人，一分，成頭家就會散，亦唔多會再一齊番
若果佢性格比較大男人，你就要預左付出多一d，加上床頭打交床尾和，最緊要你要明白退一步海闊天空呢個道理。當然你地都一定要坐低傾，唔可以淨係你一個人付出晒。只不過男人要改女人認為唔好既地方，係需要時間。佢又煙又酒既話，你唔可以要求佢"結左婚之後唔准再去"
講左咁多，其實大前提都係要你自己同你男朋友商量好，佢肯去負責任。佢肯負責就容易啦，有咩問題都可以一齊面對，金錢上既問題咪最多自己慳d用，未有心理準備既，就係你懷孕既十個月準備啦。但萬一佢唔肯負責任，咁呢個男人都真係好極有限，你堅持生的話，你就要有心理準備母兼父職，金錢上亦有壓力
當你地一齊睇住個bb成長，付出幾多都會覺得值得既

未預備好做媽媽就唔好做啦！
1. 會影響到你個bb
2. bb生左既話，可能會對你有好大影響
落左唔代表你地會少左鬧交！
佢唔想同你結婚可能佢唔想成擔一生一世都要照顧你同bb
佢可能會離你而去，唔理你同個bb
快d找社工啦！佢地既方法一定好過我地既方法！

呢d野你唔可以問我地!!
個bb係你的~你係咪要想下:
1.個bb係生命來的~落唔落好?
2.我有冇太多$養佢?
3.爸媽同意左味呀?
4.男朋友係咪會願意養個bb?
5.唔想結婚,係咪唔中意你??
6.又煙又酒~可以變姐=.=?
7.100%完美~佢係知道冇可能架?
8.你有信心姐~佢可能冇呀?
9.如果佢唔要你,你有冇$先?
10.你味ready好的~你去搵社工啦!
11.男朋友佢要想下~女的傷害有多大呀?
我都係希望你生~~
因為係一個小生命~~~

如果我係你,應該會落, 唔好害下一代,如果未ready做媽咪既..就真係唔好要

生完bb後,你每月開支都要成3000至4000蚊...
奶粉..bb病左,既醫藥費,.......照顧佢起居飲食..
又要睇住餵奶既時間，半夜無啦啦哭．．．基本上時間比晒佢...