養金魚的水同養孔雀魚的水有咩分別﹖

大家對水質都無咩特別不同,
可以話接近~

孔雀ph要求 : 7.0-8.5
金魚ph要求 : 中性偏弱鹼

通常養金魚既人都係清缸養,
即係唔會放沙石做底、唔放任何裝飾品,例如沈木、造景石、人造物品等
而養孔雀既通常係放黑鋼沙、珊瑚骨,甚至唔放,
因為放沙有個壞處,就係會積聚魚屎,水質可能會變酸同變差~

兩種魚大概都係一樣養法,
除食糧方面唔同外,其他都係一樣既~
只要買返金魚糧就可以~
而暖管可以考慮裝唔裝,因為金魚都比較耐寒,
係網上睇過一段片,一個魚場露天養金魚,而冬天,水面結上一層冰,
老闆鑿開冰再拎魚上黎,條魚仍然好生猛,仲係咁掙扎,
所以暖管唔係話非常重要,但對皇帶魚黎講可能係需要~

濾水器就要買強力少少,因為金魚屙屎能力係好強,
可以選擇濾桶,而流量就選擇較高既,你可以計計 :
魚缸一升水 比 濾水器流量十五升
以上既標準對養金魚係較佳~

養金魚其實好簡單,但係都好易發病,
我都養左好耐,近來先開始穩定返,無死魚,
多數係因為新買既魚自身帶病而入缸後傳染比其他,
而常見令魚死既都係爛尾、白點病等等~

要注意一點,
唔好經常換水,初初開缸養時,可能要勤少少換水,
保持水質穩定,之後就開始減少更換次數,
水質已經穩定起黎,所以唔需要頻密換,而且金魚愛舊水~

再有其他問題,歡迎到我blog=]

2010-02-05 19:26:41 補充：
金魚唔一定要日日餵,甚至任何魚都係,
每種魚其實自身都可以忍耐數日不食,
以病魚為例,通常都唔食野,最後死因都係病死,並非餓死~

我自己就每日餵一次,當然果日餵唔到就算數~

水就都係水喉水, 換水加新水劑就得,
但水溫就唔同,
孔雀魚要加暖管, 佢地會好怕凍,
金魚就反而怕熱, 唔好放暖管, 水溫十幾度都無問題!!