公務員離婚後宿舍會否被收回

你好!
老實講,由於我試過問過好多條唔同類型嘅問題,成日都冇咩人回答,個感覺唔係咁好!所以我依家每逢見到冇人答嘅問題,我都會去試下,睇下可唔可以幫到人!就算比唔到個實際答案,只係比啲意見研究下都好吖!我亦都唔係話貪啲咩分!只係有少少愚見,若你認為對你冇幫助嘅,希望你唔好介意!
(1)首先我唔清楚會否收回!但我覺得,無論公務員又好,私人公司又好,當初若講明係已婚先可申請宿舍的話!咁好自然地若你離婚當然會收回啦!私人公司都仲有情講,但我諗嘅就未必喇!但個重點係,你會唔會比佢地知道你已離婚,我意思指,雖則我唔清楚你嘅申請程序同埋係由邊個批核,若由你上頭幫你申請,咁咪同你上頭傾下囉!總之唔好自己報上去,扮冇回事,直到佢地發現收返為止!不過我覺得班審批嘅,唔會話無端端去check你有冇離婚,全港咁多工務員宿舍,咁咪好唔得閒?但正常都會收回,你諗下啲公屋,好似我朋友佢一家四五口住係一個三四百呎公屋單位,但自佢阿爺名麻過身後,只剩返兩三人,房協都要即時收回佢地嘅大單位,比返間細嘅佢地!但你房署點解會知道或check到,就不得而知!
(2)另外,你問小朋友跟邊個會好啲?雖則我未結婚又未做人父母,並於正常家庭下長大(我父母已經結左婚40年)!但唔知點解,身邊最好嘅幾個朋友同男友,統統都係嚟自單親家庭(咩款式都有),況且大都識於微時一齊長大,唔多唔少都會知道佢地對父母嘅睇法!
a)但首先要知道,你太太有工作嗎?如有,咁你同佢邊個人工高啲,或前途上邊個份工係好啲,比較穩定?
b)你地係和平分手嗎?
c)小朋友平時痴邊個多啲?
d)本身你同你太太,邊個爭取得緊要啲(你知啦,有時有啲後生嘅媽咪或daddy可能有另一半,所以唔會太爭,好似我前男友咁,兩邊都冇人要冇人理)
e)小朋友嘅爺爺麻麻外公外婆尚健在嗎,可幫手湊孫嗎?
f)有打算再婚嗎?
g)問心,你地心底都有個理智嘅答案?
(3)唔好意思,咁多問題,我並非八卦查家宅,只因要了解個背景,先可以清楚分析!同埋有咩得罪請多包涵!
(4)好老實講,我覺得,如果得3歲,始終都係跟媽媽好啲,除非你太太係好事業型女性,咩都係交比工人湊的話就另計,否則細路仔呢啲時候,跟媽媽會好啲,因為我總覺得啲男人係好粗心大意,唔夠媽媽細心溫柔!so跟媽媽比較好!但到小學,開始懂事,有自我照顧能力的話(我指唔駛再用紙尿片嗰種)就可以跟返爸爸,尤其你小朋友係男仔的話,我發覺小學呢個階段係好緊要,基本上可斷定父母於小朋友心中,係點樣嘅一個人!點講呢!好似我best friend(係男仔)同我前男友!我發覺佢地於小學時,父母做啲咩,都會好深刻咁印於心中,永遠記住,eg,假如小學時期,小朋友跟媽媽住,若媽媽又不斷於小朋友面前,係咁數爸嘅不是,從此,於小朋友心中,爸就係衰人,對媽媽唔住!就算事實係相反,根本係媽唔啱都好,爸爸一世都係負心郎!或者你會覺得當小朋友長大,會有分析能力,識分是非黑白家嘛!但我唔覺囉,我都係因為見到我啲朋友係咁(仲要係所有),所以我先咁講!就算佢地知道爸冇錯,係阿媽衰,都依然會死撐並維護媽媽說,都因為老豆對媽媽唔好在先!所以我先問你係咪和平分手?
(5)我前男友!佢兩歲幾,爸媽已離婚,佢媽嗰陣廿歲冇能力照顧,唯有將兩兄弟交比佢老豆,但佢爸因爛賭而避走荷蘭多年,將兩個仔交佢父母同細佬妹養,若干年後就於日本落地生根!廿九年嚟都冇寄過一個仙返HK當作佢兩個仔做生活費,基本上,我男友同佢哥係由佢阿麻出力,姑媽姑姐出錢湊大,so兩兄弟細細個就受盡所有人白眼兼聽左好多難聽說話!因而令到我前男友到依家都好自卑,成日覺得自己好冇用!成日覺得人地睇佢唔起!
(6)我好朋友簡稱A,A未出世,親生爸爸已走佬,so A從未見過佢爸爸,直到小二嗰年,佢媽嫁左依家嘅後父!細個述小學都冇咩點提佢屋企,只係知有日小息後,老師宣佈A由姓梁改姓陳,當時小二,我唔知點解,只覺得好怪!改名就有姐,邊有人改姓架!到讀中學嗰陣,先知原來A一直都好憎佢後父成日打佢阿媽,有時又一巴巴咁摑A!但奈何當時A只係讀緊中學,冇能力還擊,做唔到啲咩!身上所有一切連條under都係用佢後父,A好無奈!之後A去英國升學,佢同我講喺嗰邊打工因唔想用佢後父錢,當時我好支持佢,覺得A有骨氣!但我問佢放得低未,都咁耐,點都係佢養大你!但A仍然放唔低!依家都三十歲喇,A依然好憎佢後父!
(7)講呢啲例子係想你知道如果處理得唔好,會影響到個小朋友一世!但我認為,可以的話,兩個都輪流跟下係最好!例如細個就跟媽媽,小學就跟爸爸,中學就等佢自己選擇,我諗咁係最好!同時我問你心底係咪有個理智嘅答案,係因為我怕,有時大人鬧交鬧離婚,少不免會火遮眼,雙方都可能只因掛住啖氣而去爭撫養權,實際上忽略左,忘記左,原先個出發點,究竟跟邊個,先會對小朋友好,有幫助呢!

2010-02-12 17:36:54 補充：
最後,雖則唔知你地離婚原因,但點都好,可以的話,嘗試心平氣和咁坐低,傾傾仔女嘅問題!儘量比返個正常嘅家嘅感覺比佢啦!