關於倉鼠的問題 杰入唔該!!!!!!!!!!!!!!!

三隻鼠係一籠一鼠定係點分籠既呢?白倉你係指咩品種既鼠呢?紅眼鼠定係小銀弧?
多問題唔緊要,最緊要係對鼠鼠好,有咩問題請再補充
1)鼻有聲並唔係正常,除非隻鼠天生有病,唔係既話唔會咁;鼠店係做生意既地方,店員亦唔一定會有足夠既鼠知識,所以鼠店講既野最好聽左都要再自行分析,特別係鼠鼠有異常及生病時,如果鼠店唔想你退鼠,又或冇適合既藥,就可能會胡亂答,亂叫人買D唔合用既藥,我間中都會搵D問題問下鼠店,好多都答錯

呼吸道有聲,要留意以下既可能:
A.環境問題
檢查下會唔會係d木糠好碎,沖涼粉整到入鼻,放左沖涼粉入籠(係唔可以既),又或周圍好大塵令鼠鼠個鼻唔舒服,係既話最好買d質素好d既木糠,令鼠鼠敏感既話都會好危險
用木糠要買d貴d既木糠,冇咁碎對鼠鼠好d,唔好買有味既木糠(沖涼粉亦一樣),一來加埋鼠鼠既味會好臭,二來好易令鼠鼠敏感

B.感冒
氣喘or打乞嚏既話可能係感冒,雖然話冇感冒,但初起感冒病徵較少係會比較難發現,就算而家冇流鼻水之類,都一定要密切留意,細心觀察
感冒係會有鼻水,呼吸困難,唔食野唔飲水,仲會好累,甚至會流眼水.如果連同打冷震,打乞嚏既話,嚴重起唻會係肺炎,咁既話就一定要睇醫生處理,鼠醫生資料及睇醫生要留意既事可參考:
http://hk.knowledge.yahoo.com/question?qid=7009031901757

睇醫生同時可以做以下既事:
a)有第隻鼠既話要分籠,唔係會傳染(鼠鼠本身係獨居動物,冇事都係分籠會對鼠鼠好d)
b)籠與籠之間放遠d,所有鼠物品分開洗,掂完一隻鼠之後一定要洗手後先掂第隻(有冇病其實都要咁)
c)保持周圍既環境衛生
d)留意溫度變化,如果鼠鼠有身凍既問題,就唔好俾風直接吹到鼠鼠,要鼠鼠保持溫暖,凍天要留意既事:
http://hk.knowledge.yahoo.com/question?qid=7009111301092
e)俾一d有營養既野佢食.可以試下俾d麥片or白麵包佢
f)如果鼠鼠唔食野唔飲水,就用手直接餵,都係唔食既話,就要俾d耐性試多d,鼠鼠唔舒服,又會好累咁,係冇咩胃口既
g)除檢查及治療之外唔好攪鼠鼠,鼠鼠生病,會對外界更加驚,而且需要多D休息
h)如果你或你既家人有感冒,都唔好接觸佢,唔係又會令鼠鼠更加易再受感染.(鼠感冒唔會傳人,唔洗擔心)

2)鼠鼠發情期大約係4-5日,其中既4-12小時,多數都會在較夜較活躍時發情

3)冇話鼠鼠一年等於人既幾多歲既,勉強去除返人既歲數,我就覺得唔係咁好
鼠鼠過左一年,身體機能就開始衰老,但有d網頁會用人既100歲去除返鼠鼠3年,一年就只係30多歲,照睇就好似係壯年,咁就好易忽然左鼠鼠開始老要注意既事,所以可見咁計唔係咁準
其實點解要計返即係人既幾多歲呢?順其自然咁去計鼠鼠活左幾耐,咁先更準確,大家都生活在同一時空,冇必要以人做中心

4)一般我都會統一當鼠店既鼠係一個月大左右
正常鼠店既鼠年紀都唔會好大,你可以問下鼠店d鼠幾時到達店舖,一般到鼠店既鼠大約廿一日至一個月大左右;但有鼠店會將未戒奶既鼠b拎出唻賣(咁係好差既行為,鼠b就算唔死,都易體弱),有d會收棄鼠,呢兩類就較難知道係咩年紀

5)除非指甲長到彎向腳底,唔係既話都唔需要幫鼠鼠剪既,剪過反而要keep住剪,因為剪過一次之後,指甲會長得好快,而且鼠鼠指甲入面係有血管,又好難要鼠鼠完全唔郁,如果剪得過長就會流血,萬一出現流血既情況,就必須搵獸醫處理
除非你有同小動物剪指甲既經驗,又十分有把握控制鼠鼠,又有人幫你手,如果唔係就最好唔好剪了,真係過長就可以搵獸醫幫鼠鼠剪,咁就安全得多

其實鼠鼠平日都會周圍抓野,唔係咁易長到出現問題,不過等到過長既時候要自己幫鼠鼠剪or要睇醫生幫鼠鼠剪既話,不如試下以下方法預防一下:
a)俾一d木玩具俾鼠鼠,鼠鼠喜歡抓野,抓既話就可以磨爪
b)可以用幼砂紙放入一個地方,俾鼠鼠每日行幾分鐘至十多分鐘

6)咬籠係會磨到牙,但唔好由佢,一來咬甩d油食落肚唔好,二來咬得多好易令鼠鼠鼻下同咀下甩毛甚至損,外傷再受細菌感染就會形成膿瘡,就一定要睇醫生先處理得到
咬籠其實主要係因為鼠鼠牙痕,而緊張or感壓力都會,所以要留意鼠鼠牙齒既情況,同埋鼠鼠唔會受驚受壓,如果一籠多鼠,鼠鼠都會較易咬籠(鼠鼠本是獨居動物,有第隻就會感到壓力OR打交),有第籠放得太近都可能有影響,呢D原因既話就必須先改善問題,唔係點做都冇咩用
鼠鼠咬籠要留意既事及教鼠鼠唔好咬既方法,可參考:(必須唔係新鼠,唔係生病受驚中,又同你熟先可以教)
http://hk.knowledge.yahoo.com/question?qid=7009080501822

7)額外想問下係咪想繁殖呢三隻鼠?
倉鼠天生就係獨居動物,根本唔適合同其他鼠一齊住,一齊住就易打交or因壓力而生病,而混種繁殖更加係好易生出畸胎,所以最好就係一籠一鼠

2010-01-28 19:53:24 補充：
字數有限,下文再續:
建議唔好繁殖既原因:
http://hk.knowledge.yahoo.com/question?qid=7010012701565
混種繁殖問題:
http://hk.knowledge.yahoo.com/question?qid=7009122802033

8)而家我只養緊一隻男熊仔鼠叫b仔;我唔係在寵物店工作,只係熱愛倉鼠,細個時唔識養,盲目聽從鼠店及長輩既教導,害死過十分多隻鼠,大個d資訊發達d之後,就睇好多唔同既資料,了解多d鼠鼠,盡量俾最好既生活俾我既鼠鼠

2010-01-29 16:35:07 補充：
就算同性別,對天生係獨居動物既鼠鼠唻講都係唔好,易打交同生病

可能而家佢地好地地唔會覺得有咩問題,但就係好多人因為咁一籠兩鼠,鼠鼠年幼地盆心態冇咁重可能未會打住,而對鼠鼠既壓力唔係咁易睇得出,最後就出現好多問點解相處得咁快都會打死打傷

趁而家未有事分籠,點都好過有事先處理,唔同品種既肩打起上唻,死亡機會更大

建議一籠一鼠原因可參考:
http://hk.knowledge.yahoo.com/question/question?qid=7009122401367