寫喜帖 , 急

1) 我要寫喜帖比爸爸的親家 , 係用爸爸名義出咁應該點寫 :
a)姻親xxx先生夫人+闔府統請
b) 姻親xxx先生 + 闔府統請 ( 太太在世的)
答：a)、b)都可以，都有人咁寫，以b)較多人用。

2) 我的兄弟姊妹又駛唔駛寫帖比佢地呢?
答：如果父親名義是無須發帖俾自己未婚仔女，發帖俾外嫁女，寫賢婿XXX闔府統請，就自然請晒佢全家；已婚兒子可發帖可不發帖，住埋附近經常見面一般不發，直接視作主家成員，通知聲就可以，住得較遠又少見面會視作已分家，就要發帖通知，父親發帖給兒子直接寫名字就可以，無須寫姓，加埋闔府統請。如果你自己是發帖人未婚兄弟姊妹唔使發，同是一家人的他們也是主家身份，已婚兄弟姊妹是視作已分家，就得發帖，兄、弟就寫大哥、二哥、四弟(按家中排行)，名字可寫可不寫，不用寫姓；姊姊就寫姊夫XXX，妹妹就妹倩XXX兄弟姊妹是親如手足，有須要闔府統請。

3) 我上左契的哥哥又點寫呢? 但是我要請埋佢媽媽 , 因他的爸爸不在世 ,咁又點寫呢?
答：契哥的媽媽如果承認你和兒子的關係，你就得稱她作誼母，你父親就要稱她作誼親XXX女士，誼親也應該闔府統請，因為能結誼的是親若兄弟關係。如果契哥的媽媽不大認同你和契哥關係，就只好視她作一般朋友，寫XXX女士就可以。