我想問養倉鼠的一些東西

1)鼠用品總數要幾多錢就較難計,要視情況而定,買鼠時要買既物品及大約價錢:
a)鼠籠(數十~數百都有)
要揀一d地板,樓梯係冇一間間既,因為一間間既地板好易會卡住鼠鼠,我細個時就係因為咁而有隻鼠因為咁而死.鼠鼠好多都會咬籠,如果怕佢地成日咬,可以買一d較密封既籠.
b)水樽
多數籠都包埋,每次換水時必須用手試下係咪出到水.最好買普通有粒珠在出水位既水樽就可以了
c)沖涼粉($30~65)
千萬唔好買有味既沖涼粉,有味既比較易令鼠鼠過敏,一星期沖一次,太熱時最多兩次,唔可以用水沖涼
d)磨牙石($10)
唔磨牙會死既,所以一定要有,普通既同鹽磚都ok,如果鼠鼠唔咬,就最好買d木制玩具俾鼠鼠咬,唔係隻隻鼠都會咬特定既野,因為佢地唔知樣物件係點用既.
e)轉輪(較大$30~55)
都係多數籠會包埋,但都要留意唔好係一間間有隙會卡鼠腳既,唔係都會好危險.球體轉輪會令鼠鼠有壓力,都係唔適合鼠鼠鼠鼠好需要活動,而大多喜歡轉輪,所以都係必需品.倉鼠係夜晚活動,日頭訓覺,怕嘈既話可以用一d安靜既轉輪,又可以搽d牛油落去個軸度,當然咁整要成日洗下個轉啦
f)鼠糧($30~40)
買一包咩都有d既混合主糧,唔需要買零食,我個人經驗係愈少雜食,鼠鼠身體愈健康,可以去到年老都冇病.唔好俾鼠鼠食蔬果,因為易肚瀉,又可能有農藥等問題
g)乾草or草磚 ($15-40)
鼠糧外可再買草俾鼠鼠食,而草磚有隻只係草既色,呢隻我好多隻鼠都唔會食,可以試下買有幾隻味既草磚
h)食物盆($10~60)
最好就用一d咬唔爛既食物盆啦,買一d大既不秀鋼食物盆之類就幾好用,大到可以放得落成隻鼠,食物唔易飛出,而且鼠鼠好鍾意成隻坐晒入去咁食野既,雖然會貴d,但好耐用又安全,我既鼠用開既,都用左好多年了
i)木糠($5~30)
可以既話買d較貴既木糠,因為冇咁碎,碎既木糠易令鼠鼠有呼吸道問題,而有味既木糠就唔好買啦,加埋鼠既排泄物味,係會好臭既,都易令鼠鼠敏感.
j)屋仔(跟籠or自買,約$30~50)
有屋仔會令鼠鼠住得安心d,較有安全感,唔好買草屋,陶瓷屋之類易爛既屋仔,唔係會整親鼠鼠
k)玩具(視情況而定,可以唔買)
除左轉輪,鼠鼠玩既玩具最好係鼠鼠專用既木制玩具,因為自己整既木易有刺,可以俾鼠鼠爬唻爬去,鑽唻鑽去既就多數都會玩,但要留意,買熊仔鼠既話,因為體形會較大,就唔適合買鑽唻鑽去既玩具,避免大左玩唔到or卡在內
唔好買波波球之類(有d係成架車,車上有個球,類似既玩具),都算係危險既玩具,因為通風做得比較差,而且鼠鼠被困入面,會令鼠鼠感到壓力,想像下你被困一個咁既物品入面,行極都出唔到去有咩感覺?所以呢款玩具唔係幾適合鼠鼠玩既


2)可以,,但要封好,最好係拎去垃圾房較衛生
鼠死處理要留意既事可參考:
http://hk.knowledge.yahoo.com/question?qid=7009090600442


3)唔可以用紙袋養,太細,連基本既設施都冇,鼠鼠好易病甚至死亡,亦易咬爛個袋而走出唻,咁養既話同虐待鼠鼠冇咩分別,如果係喜歡鼠鼠而想養,何必要令鼠鼠咁慘?


亦唔建議偷養鼠鼠,就算好想養都一樣,希望你能明白,想做既野未必一定做得到,要考慮好多細節先得既
養鼠唔係話夠錢買齊野就代表養得,要明白鼠鼠都有生病既時候,睇一次醫生基本診金都要接近$300,仲未計藥手術之類,就算可以自行處理既問題,買藥都要一百幾十,到時係咪又真係可以應付得唻?
而且家人同意係十分重要,睇過不少偷養既例子,極大部份既鼠都冇好結果,多數係整左隻鼠or俾家人掉左,真係好想養既話,捨得鼠鼠有咁既下場嗎?
對你唻講亦有好大既問題,父母反對都去做,被發現既話會點?佢地會更加唔俾機會你養鼠,會感到失望同難過


可先了解鼠鼠先,確定真係照顧到鼠鼠又想養既時候,可同家人相量,了解返家人因咩唔仳你養
怕難打理既話.可以同佢講,會照顧好鼠鼠,會打理鼠鼠,唔會好臭都唔洗籠,唔會三分鐘熱度,照顧寵物可以培養責任心
養一隻鼠既話,用既錢其實唔係好多,第一次買用品係會用得較多錢,可儲定一筆錢,用自己錢買家長較易接受
同時表明就算鼠鼠生病都唔會唔理鼠鼠,鼠鼠睇一次醫生唔平,所以會為鼠鼠既生活同醫療做好準備,為鼠鼠儲錢,咁就可以培養儲蓄呢個習慣
當然,同家人咁講既同時,都真係要做得到,我家人怕鼠,都覺得臭,初初都係唔俾我養,最後就係傾好晒,先俾我養,不經不覺都養左十幾年了


4)得到家人同意之後亦要了解多D鼠鼠先好買鼠
養前要考慮既事及飼養方法:
http://hk.knowledge.yahoo.com/question?qid=7009121001450
揀鼠要留意既事可參考:
http://hk.knowledge.yahoo.com/question?qid=7009062502420

2010-01-30 15:12:12 補充：
唔同意網友cherry.chan9981既講法,希望網友唔好介意及可留意一下:
1)沖涼粉係有好多隻味,但有味既沖涼粉及木糠都易令鼠鼠過敏,嚴重過敏係會致命
2)唔建議同朋友輪流養,不斷轉換環境同人,會令鼠鼠受驚,受驚就易生病,亦難同鼠主熟,較易會咬人;如果同人一齊養,而被家人掉左隻鼠時,到時點同朋友交待?
3)千萬唔好用筆袋養鼠,鼠鼠冇咩地方郁,又焗,同虐待冇咩分別

2010-01-30 15:12:16 補充：
真係希望大家都唔好偷養,偷養易出事,鼠鼠生活環境又一定會好差,甚至被掉,家人又會唔開心,真係喜歡鼠鼠既話,又黠捨得用鼠鼠生命去博?鼠鼠有咩事,自己都會好唔開心
都要明白,好多事自己想做既事未必一定可以做得到,做唔到時,唔好勉強,試下冷靜地慢慢解決問題吧

1)用品
我住元朗呢頭,,D用品比較平.
木糠(15蚊)
有一大條,有排用.
瓜子同果仁 (8蚊)
有一包,可以用1-2個月
水樽(8-10蚊)
有粒珠仔係入面,,幾好用
摩天輪(唔洗錢)
係個籠入面有得送,
不過買唔買都得..
磨牙石(8-10蚊)
可以幫佢磨牙..
排牙冇咁利
沖涼粉(25蚊)
有好多隻味可以選,
最好選1D白色ge..
比較天然.
箱/籠 (50蚊)
通常可以買一個膠箱仔,
有透氣洞果D,,養魚果D箱都得,
咁樣唔怕佢地偷走
但唔可以用紙ge野嚟比佢地住,
上次我隻野住紙箱,結果偷走左.
大約總花費係 : 90-100
不過箱/籠果方面可以多選擇D,
去買魚ge地方買可能會平D..

2)身後事
呢樣係得ge,,不過你都好係放遠D好D,
你都唔想有條屍係屋企架..
仲有,倉鼠死之後49日可以幫佢回魂
想知詳情可以右我MSN : [email protected]

3)父母
如果覺得呀爸呀媽唔比養,
可以同人一齊養,
第一可以分擔金錢..
第二可以輪流養,,冇咁辛苦.
要養唔可以用紙袋養..
連紙盒都唔得,佢會偷走..
可以用筆袋,
但如果屋企真係唔準養,
最好都係放棄.
因為比父母發現左會扔左隻鼠..
大家都唔想結果係咁.

70-200
千祈唔好貪平呀!!
-木康 十幾蚊
-食物 十幾蚊
-倉鼠籠 平d30-100 貴d100-300
-磨牙 十幾蚊
-轉轉輪 二十幾蚊 可以5買不過倉鼠會好悶
-水樽 十幾蚊


倉鼠死後可將倉鼠的屍體拋到自己家中的垃圾筒 (可能會發臭)


如父母們不準養，5可以直接用紙袋養,後果佢會咬爛,走佬