Ricoh gr digital iii 嘅帥兄用家，請幫幫

1.一按即下係一種好差既攝影技巧,除非要影動態物件或者對焦有問題要用手動對焦,否則任何時候最好都係先半按快門確定對焦成功然後才全按拍照.消費者總係希望乜都唔駛理就咁按快門就影到相,為咗要照顧呢類顧客,有啲廠商會設計一個所謂snapshot模式.原理係利用DC長景深既特點,對焦在一個比較常影既距離(例如1.5m),用景深包遠景.冇得對焦既手機就係用呢種方式,方便就係方便,但係影出來啲嘢會硬係鬆鬆地咁.影近嘢更加會矇晒,至於Gr III係咪咁我就唔清楚,不過建議唔好用.
2.建議用晒P mode影,輕便DC又28mm定焦,冇乜景深效果玩,尤其滑雪唔方便較來較去.而且DC仔最佳光圈都係徘徊在最大光圈附近,冇需要考慮收光圈去改善畫質.不過要留意雪地反光容易令相機測光出錯影暗咗,要視乎環境加翻EV.如果你
搞得掂,其實最好用M mode, 鎖死光圈同快門值,唔駛成日搞來搞去.唔知部機有冇人面對焦,有的話影人時可以用.
3.多點對焦就即係成個畫面對焦,懶人同完全唔識影相既人最啱,相機自動幫你搵對焦點,不過缺點係有機會搵錯,單點對焦即係只用一個對焦點對焦(通常係中間),要先用對焦點半按對準目標,然後保持半按再構圖,係最常用既方法,至於手動對焦就係在自動對焦失效時用,例如光線暗,物件對比度低等等.通常有兩種方法,一係估距離輸入,一係就靠睇個mon直至變清楚為止.
4.如果你冇諗住事後會執相的話,咁影Jpeg, fine啦.即刻用得,如果諗住執相的話最好影raw,但係要留意其他人係睇唔到你部機既raw的,亦唔可以直接用來晒相,影咗就一定要用軟件轉翻Jpeg先用得.
以下網頁有部相機既規格
http://dcfever.com/cameras/fullspecification.php?id=1202