✔ 最佳答案
一般可以當普通天線照插照睇,包括普通台和高清台,但舊有業主一般好難申請取消,一般留下「蘇州屎」等下一手解決
入伙前請先確認有兩件事:
1)解碼器被收回,收唔到有線台
2)入牆天線信號為正常,包括高清信號
以下為小弟的經驗:(一講起我就火滾!)
有線出名「易請難送」,申請容易,取消難過登天,同「客戶服務部」申請取消只是「紙上談兵」,實屬「空談」,而且服務態度亦「差到離普」。唔親身前往荃灣總部當眾黑口黑面「省佢」都唔得,出動「消委會」解決亦只懂「射波仔」,根本不能解決。
「客戶服務部」一般有幾招令人感到麻煩:
1)「拖字缺」:一般向「客戶服務部」申請取消都只是敷衍了事,搞取消要成個幾兩個月,但取消唔睇期間,錢就照收,根本只是「紙上談兵」罷了!
2)好彩成功取消到,解碼器被收回亦要面對另一問題:大厦的公共天線收唔到電視或受到嚴重干擾,加幾個「放大器」亦失敗收場,問究竟發生咩事,有線話「唔裝番佢地個解碼器就信號變差」,經過一位做電工ge朋友查探後,原因是有線耍「陰招」,剪o左條入牆天線,導致收唔到!
到時候真的出現上述問題,就要請回舊有業主解決(是舊有業主的責任)。
如果失敗收場,就要在窗口搭「魚骨天線」收番信號,但相信信號一定「超差」(加幾個「放大器」亦是如此,是因為附近「屏風樓」擋住信號收唔到)