普通DC相機可否做到散景效果?

做淺景深不外乎大光圈,長焦距,近對焦距離及遠背景.
St1000由於感光完件細,實際焦距係頗短的,雖然可以做到等效175mm焦距,但其實真正焦距只有31.5mm.而且zoom到盡光圈只有f4.8.影人等大件物體都可以有一點點淺景深效果,但一定冇單鏡嗰種化晒既感覺.
你可以用人像模式等相機將光圈大(St 1000係冇得較光圈的),zoom到最遠,盡量影近啲,即係唔好影全身,最好影半身甚至大頭效果就最明顯,工作距離會比較遠,但係都冇乜辦法.
另一個方法就係影微距,這是最容易做到淺景深的方法,所以在網上見到的微距照片都係淺景深的,不過這方法只適用於細小物件,大物件好似人咁係行唔通.
以下網頁有部相機既規格
http://www.dcview.com.tw/forums/camlist.asp
不過即使拍攝微距,主體跟背景距離也不能太近,例如從上方向下拍攝在枱面上的手提電話便不會有太大效果,把手提電話豎起,用起碼一呎外的東西做背景,水平角度拍攝效果便會很明顯.

2010-01-27 19:07:32 補充：
其實嚴格來講DC係出唔到滿意淺景深的,如果你主要係影淺景深,都係買單鏡機吧.
有啲超長焦距DC例如去到四,五百mm焦距嗰啲效果會明顯小小,但焦距咁長容易手震,部機又大部,又要冇雷公咁遠影埋去,不如買單鏡機來得實際.