本人和男朋友拍拖都兩年了，其實本人是很想結婚的，但無耐男友會以無屋住為由拒絕結婚。我說可以搬出來租屋住，他便會說租屋不是長遠之計，我又說可以申請公屋，他又會說公屋始終不是自己屋，其實我在未認識他時已申請了單人公屋，但以單人名義申請係要排好多年才能配到屋，我曾說以二人申請會快些，但必須以夫妻名義申請，他聽了也是無動於終，我又說過可以租屋住住先一路等公屋，他便會說這樣會減低儲錢能力。其實他只是想我倆一齊供一層樓，私家樓或居屋都好，總之是屬於自己的屋。
講真一般打工仔要供一層樓又談何容易﹖幾十萬首期去邊度搵﹖換言之一日供不起樓就不會結婚，我覺得他鐘意一層樓多過鍾意我，當然他會說不是，點解做人唔可以撇脫些﹖為何要將一個重擔加於身上﹖如果真係真心相愛應該好渴望結婚一齊生活，走進一生另一個階段，點解要為左一層樓去拖累大家時間和金錢﹖難道無樓就不成人﹖至於本人就算租屋也好，申請公屋住也好都無所為，我只在乎同鐘意既人一起生活便可，我唔需一層樓這個枷鎖。
我地就呢個問題爭拗過無數咁多次，一直不能達成共識。就呢件事真係令我好煩惱，一想起這個結就會哭了出來，時間拖得越久某程度上我個心會越淡…
本人想很想聽多些別人的睇法、辦法和意見，謝謝!
結婚和住屋問題
2010-01-27 9:02 am
回答 (6)
2010-01-27 10:04 am
✔ 最佳答案
本人睇法同你相似不願一層樓枷鎖壓在自已身上.你是相當理智一早就申請單人的房.很多人還不識這樣做.就算不是真的要住也可綠.白表再申請會有很多選擇.住私樓最怕失業.生個仔都要計計先.做了有牌太太都難逃落仔惡運.更不再說情愛.你也不是不會打算.男友有他的角度.我猜這是未準傋有結婚打算的藉 口.相信你都feel到.而共同生活不只講愛實際生活裡很多不同處住在一起才是真正開始認識當面臨經濟困難各自有一套理念,就吵駡多過吃飯這樣生活你不會不在乎.
首期你們有冇相量怎樣儲.請不要用聯名的戶口.管錢不等如管心.會有很多煩事.總管走自己的路.男的有興趣自會加入.這就是講實力的時侯.有錢住邊冇問題.冇實力就聽你的安排.多條出路總是好.執呃只會傷感情.而想結婚.離不開儲錢.儲錢方式.才是要相量的主角,住咩地方現不是談的一步.
你們這樣談是冇結果的.因為心急左.
2010-02-03 23:10:33 補充：
樓下貓公主.其實注冊不是感情的保險單但係注冊係有真正用意.現在你應該知道其重要性好高.不緊是解決住房申請而還有很多用途只是你還未接觸到,
2010-02-02 8:20 am
公屋都係屋,有乜叫唔係自己屋?住公屋有唔會無故俾政府收番,清拆會俾返一間你,維修又唔駛俾錢,呢個年頭,有資格申請公屋既人竟想去買樓,實在不智!住私人樓,水費電費等,都比公屋貴,每月管理費,垃圾費等,不比住公屋交的租少.就只是住公屋,要養狗不可以,其它的我都看不到和私人樓差別有多大?總不成你男友想買一層600尺私人樓,2個人住吧?!
你無講你有幾大,你男友又有幾大,照我想,如果你男友不過35的,我想他可能認為只拍2年拖,或自己還年輕,不想現在結婚吧?先去了解他的心意,不要只在住屋問題上糾結,如果他真的根本還沒打算結婚,你有再多的辦法也沒用.
你無講你有幾大,你男友又有幾大,照我想,如果你男友不過35的,我想他可能認為只拍2年拖,或自己還年輕,不想現在結婚吧?先去了解他的心意,不要只在住屋問題上糾結,如果他真的根本還沒打算結婚,你有再多的辦法也沒用.
2010-01-30 9:11 pm
佢系咪吾夠錢結婚 ? 未必系吾想同你結婚 !
( 結婚大大話話都要十萬 , 除非你咩都吾攪吾擺酒 )
可能佢想儲多幾年錢隠定d 先.
因為佢如果有錢 , 點會只想住公屋 ?
可以供一層平平地樓 .
( 加上佢可能驚失業供吾到落下, 住公屋冇甘擔心) !
吾好再喊 , 一齊傾諗辦法去解決!
( 結婚大大話話都要十萬 , 除非你咩都吾攪吾擺酒 )
可能佢想儲多幾年錢隠定d 先.
因為佢如果有錢 , 點會只想住公屋 ?
可以供一層平平地樓 .
( 加上佢可能驚失業供吾到落下, 住公屋冇甘擔心) !
吾好再喊 , 一齊傾諗辦法去解決!
2010-01-29 12:40 am
你兩的價值觀不相同, 如果要在一起可能須要共識, 你自己想一想, 樓上網友的意見講得很對, 現在要買樓唔係容易的事, 買左之後要比好多雜費架, 我自己都係過來人, 仲有現在樓價一直有上冇落, 佢要等買到樓先結婚, 咁如果一直買唔到, 對你來講就唔公平啦........成世等一個男人就係因為佢要買樓 ?????? 咁不過我亦講番唔係話佢有自己理想係錯, 而係佢沒有顧及到你感受, 我比你建意同佢好好地講清楚, 睇下佢自己要唔要改變計劃, 如果佢真係唔想放棄自己理想, 這個男人值唔值得你去等他, 你還有沒有光音去等他呢 ?? 呢個問題冇人可以幫到你架 ! 自己決定左就唔好再唔開心, 做人向前看, 幸福就在你前面....
2010-01-28 3:12 am
我覺得唔關有冇屋事, 係佢根本唔想咁快結婚, 甚至乎唔想同你結婚。 到你地儲夠$俾首期, 佢又會話人工太少, 供樓會好吃力。 連呢個問題都解決埋, 佢又會話冇$擺酒驚你嫁得寒酸。 總之, 多多藉口。
我有好多男性朋友都係用呢D藉口去逃避女朋友迫婚, 好彩你地只係拍拖2年, 我D朋友拍拖7-10年都係咁耍佢女朋友。 所以, 你都唔駛唔開心。
解決辦法都有嘅, 一係同佢分手, 一係同佢去開聯名戶口, 規定大家每個月要入幾多$落去囉。 又或者襯仲有青春試吓識過第二個, 女人嘅青春畢竟有限, 要好好把握。
其實, 10個有9個男仔都唔會主動提出要結婚o架, 而淨番嗰一個都可能係因為屋企人而結咋。
你要好好諗清楚邊樣啱你, 祝你好運!
我有好多男性朋友都係用呢D藉口去逃避女朋友迫婚, 好彩你地只係拍拖2年, 我D朋友拍拖7-10年都係咁耍佢女朋友。 所以, 你都唔駛唔開心。
解決辦法都有嘅, 一係同佢分手, 一係同佢去開聯名戶口, 規定大家每個月要入幾多$落去囉。 又或者襯仲有青春試吓識過第二個, 女人嘅青春畢竟有限, 要好好把握。
其實, 10個有9個男仔都唔會主動提出要結婚o架, 而淨番嗰一個都可能係因為屋企人而結咋。
你要好好諗清楚邊樣啱你, 祝你好運!
2010-01-27 10:19 am
今時今日要買樓,可以講係有錢人玩意啦!
打工仔就算中六合彩都唔會買都間大屋!
如果你同佢冇共識,結左都[分]啦!
不如你自己諗清楚佢係咪真係可以同你甘苦與共先?
OK,就當你地宜家一齊省D儲首期,淨係注冊唔擺酒,
供樓都用大半人工,仲有管理費,水電煤都要錢,
唔去玩唔去旅行唔買衫唔成日出街食,都冇乜錢剩!
過幾年想生BB咁點算?
結婚其實只不過簽張紙,唔好諗到張紙咁重要啦!
人係會隨住時間環境而變,變好變壞都冇得預計,
傾唔掂又何必免強呢?
我同現任丈夫生左兩個細路到宜家個女歲幾先註冊啦!
唔係要排公屋等兩個細路住好d我都唔會再註冊!
大家一齊開心就得啦!
打工仔就算中六合彩都唔會買都間大屋!
如果你同佢冇共識,結左都[分]啦!
不如你自己諗清楚佢係咪真係可以同你甘苦與共先?
OK,就當你地宜家一齊省D儲首期,淨係注冊唔擺酒,
供樓都用大半人工,仲有管理費,水電煤都要錢,
唔去玩唔去旅行唔買衫唔成日出街食,都冇乜錢剩!
過幾年想生BB咁點算?
結婚其實只不過簽張紙,唔好諗到張紙咁重要啦!
人係會隨住時間環境而變,變好變壞都冇得預計,
傾唔掂又何必免強呢?
我同現任丈夫生左兩個細路到宜家個女歲幾先註冊啦!
唔係要排公屋等兩個細路住好d我都唔會再註冊!
大家一齊開心就得啦!
收錄日期: 2021-04-27 13:46:54
原文連結 [永久失效]:
https://hk.answers.yahoo.com/question/index?qid=20100127000051KK00063