如果想係農曆年去廣州附近浸溫泉...

我自己去過3個溫泉

1)古兜
地方適中, 溫泉地方都幾大, 而住既地方好特別, 係一座座既別墅, 如果一大班人一齊去都幾好玩, 而且可以放煙花, 好好玩.
食物方面都係一般啦, 選擇唔係太多. 而搭車時間較長, 如果搭船就好似得一班早船, 要就岩時間.
價錢就比較平

2)雲來客棧
地方特別新淨,溫泉地方就唔係好大, 而住既地方就好特別, 日式感覺, 係訓"他他me", 如果三幾個去一間房都好. 佢地都可以放煙花, 但唔係自己放, 你果到d人幫你點, 你就得個睇字.
食物方面中菜都係幾好啦, 選擇可以. 但要搭船再轉車, 時間約2.5個鐘, 價錢就一般, 唔係特別平

3)海泉灣
地方好新淨,溫泉地方好大, 而住既地方好好. 感覺自己係去左渡假村/酒店.
食物方面好多選擇啦! 而都係要搭船再轉車, 時間約3個鐘, 價錢就比較貴. 但要注意好好好多內地朋友陪你去.

套票我會見意你去中旅、油麻地、星晨問下, 三間我自己都買過平既套票, 睇下你去邊間, 通常都包來回船票、接駁接送、溫泉門票、住房及早餐

最近廣州的是從化溫泉，永東有從化碧水灣溫泉渡假村的套票出售，包括來回車票+溫泉門票+雙人房+早餐，詳情：

http://www.eternaleast.com.hk/package.htm

可以經澳門去海泉灣,在拱北關的中旅客運站有套票賣,海泉灣好干淨,但套票唔包食物,係入面要自費食野