有關結婚禮金問題?

坦白講
係你有問題
因為唔係男家娶新抱係你娶老婆
我果時都係自己搞掂晒d數
成個婚禮都係自己plan
當然啦
屋企有錢o既好多父母係會俾錢對新人辦喜事
之但係如果你o地個婚禮係靠你o地自己去做o既
會唔會更加開心呢

題外話:
果時由於雙方父母都冇出過錢所有錢都係我o地自己出
所以囍帖我o地唔落雙方父母名
淨係落返自己名
個feel都幾好o架
一個"真正"屬於自己o既婚禮

唔好諗咁多喇
開開心心結婚啦~

如果你是新娘 > 作為一個聰明的新娘, 唔應該介入老公同佢阿媽的金錢瓜葛, 因為尤其係而家籌備的階段, 以免日後反目, 和尷尬. 如果個畢錢好大, 而未來奶奶真係 無心/ 無能力出, 咁唯有同老公另作打算; 例如其他方面的開支減省番, 或者老公的酒席方面, 奶奶老爺會唔會分擔一部份 (始終老婆係個仔娶的, 酒席他地都有份, 負擔一部份就講得通了); 我之前都有近似的情況, 原來奶奶老爺想係新居同酒席方面幫手, 禮金我地女家都考慮番新郎的能力, 而婚禮有部份我都自己幫老公分擔番. 始終個婚禮都係2個人的事, 唔想太差, 又唔想老人家貼晒d退休/醫療金出來. 唯有自己省得就省...
如果你是新郎> 籌備方面真係花好多錢的,尤其是基於傳統上的壓力,各種洗費唯有 量力而為, 多d同老婆担白你的能力, 二小口好好在中間找個平衡點. 如果真係力不從心, 可以好好同家人傾下, 可能他地都有自己的難處. 如果他地畢錢可能真係留來養老的, 而你又真係等錢才娶到個老婆, 睇下可唔可能老人家借住先再還law . 到時酒席收到人情再還比父母,睇下有無商量. ?! 或者睇下女家會唔會體諒你, 用禮金的部份補貼下酒席上的開支, 拉除少補,可能都搞得成的 ~
加油 !

其實呀媽唔比番係有道理的,因為即使你以為媽媽沒有駛過錢,其實期間亦會有D開支架係你唔知的,我結婚時我都因為咁跟媽咪嘈過,後來先知有D野係呀媽出咗無話你知,所以佢收返D禮金都係幫補下啫。何況,結婚真係唔好指望用D禮金來幫補(當然幫得到梗係好啦),所以,呀媽比番你係人情,唔比返你都有道理架!