關於投考警察,麻煩有經驗既人幫幫小弟

本人21歲，HKCEE 15 分，考完2次AL入左大學讀學士課程，踏入2010因為屋企既問題，我迫住要輟學

我除左幫人補習補左4年，暑期工外就冇其他工作經驗



我由細到大都想入force，諗住讀完大學就去考，點知.....唉

不過我到而家目標都冇變過，問題係得中七學歷，我覺得考警員都好"蚊"水

同埋，我有5百度近視，想做激光過視力TEST。



Plan A

我諗住，23歲去考，用2年時間儲錢做激光同埋報part-time degree讀，起碼去考個陣都可以同人講我就讀完丫，重有既係，真係想知道，車牌、first aid、拯溺呢一類既證書係咪會加分的?

不過23歲會唔會太老，同埋，據了解，警隊入面既文員，係唔使經過視力體能測試，亦都唔使入學堂，如果我想搵呢個職位既工，想知多數請唔請人，同埋可以去邊度申請呢，唔該



Plan B

用而家中七既學歷去投考警員，不過學歷唔夠，當我有筆錢做激光，我自己本身又冇咩一技之長，就算過到體能，又冇咩人冇我有既野(e.g. 車牌、first aid、拯溺呢一類既證書)，所以成功機會係咪好微?



Plan C

做一年野，去其他大學用non-jupas報full-time degree讀，如無意外，26歲畢業去考，只係26歲會唔會已經太老，講真考inspector難度好高(聽講)，唔係有個學士學位佢就請我，到時26歲inspector又考唔到，警員佢又嫌我老，雖然考唔到警察都可以做其他野，不過做唔到志願，唔多唔少都會有D遺憾





我自己prefer Plan A，因為以我既認知呢個方案比較可行，但係畢竟我人生閱歷比較少，我既親戚朋友又冇邊個係做警察，所以希望你地比下意見小弟

P.S.近幾年聽到好似警方話需要資訊科技既人才，我未輟學之前都係讀關於呢D野，不過唔屬於人才，因為業都未畢。

Thank you