請問Honda VSA 的指示燈著了代表什麼?

Honda 的 VSA, 全名為 Vehicle Stability Assist, 係控制汽車轉彎時當打滑偏離軌道時汽車電腦透過剎車及引擎降低輸出而將汽車拉回正常行車路徑嘅一個安全設施, 建基於ABS 剎車防鎖死系統及 TCS 抓地力防打滑系統上.

如果係駕駛途中突然盞燈閃咗幾吓, 即係架車當時係打滑, 系統自動作出適當動作去救車. 當一切回復正常就熄燈, 冇事.

但如果你架車係冇一個按扭可以控制 VSA 開關, 而盞 VSA 燈長著之餘旁邊亦有感歎號 ( ! ) 的話, 那就顯示 VSA 系統出了問題. VSA 系統係靠不同嘅感應器去分辨駕駛者轉彎的意向同車轉彎嘅角度究竟有冇偏離, 例如: 軚盤角度 sensor, 行車橫向加速力 sensor, 獨立輪圈轉速 sensor 等. VSA 警示燈長著, 可以表示任何一個 sensor 或有關部件出問題. 要攞去車房用電腦讀 code 先可以知道問題喺邊. 當然喺維修之前, VSA 系統係冇作用.