入大學年長生一問....

你既情況, 用年長生身份申請大學/ive 比較適合. 一般只要開學個日你年滿25歲就可以.

在下冇年長生入大學既數據, 不過幾年前有個朋友, 佢冇會考, 英文又唔係好得, 用年長生身份加工作經驗申請理大某個part time HD, 都收左佢, 不過當然係讀得辛苦過人啦.

照計周圍既HD課程都會收年長生, 特別係part time課程, 好多都係好似你咁做左幾年野, 發覺唔讀唔得. 建議你都揀呢類課程. full time 唔係唔好, 不過你就會同一班中五, 中七畢業既後生仔一齊上課, 競爭下未必有著數. 而且, 有工返梗係keep住有收入好過啦. part time唯一冇咁理想既係修讀年期較長, 不過向好個方面睇, 就每期學費少好多啦, 係咪?

揀學校方面, 大學資助委員會既大學梗係水頭充足, 設備資源等都好, 不過英文上課就免不了. 唔好淨睇interview, 要諗埋入學後既日子點捱呵.
而各大學都有持續進修部, 係自負盈虧課程, 比較大學本部, 容易d入, 由大學認證課程, 質素一定得, 只係... 好可能都係英文上課!
港大:
http://hkuspace.hku.hk/web_course/course_search.php?content=big5

理大:
http://www.speed-polyu.edu.hk/coursefind.asp

OU較同行既學費貴, 呢個係事實. 平d的話...
IVE可能比較啱你, 不過酒店個類高級文憑又全都係全日制, 證書課程都有D係兼讀. http://www.vtc.edu.hk/admission/chi/index.html
至於明愛亦有好多http://www.cahes.hk/chi/main_page/index.aspx

然後到借錢讀書方面, 如果你就快過25歲, 借專上學生資助計劃, 就一定要讀全日制, 都只係借到1年. 而且有入息審查, 你返過工既多數唔會批架啦. 建議你借免入息審查個種, http://www.sfaa.gov.hk/tc/schemes/pst.htm
視乎你報咩課程, 大部分有得claim 持續進修基金, 每人一生中可以向基金拿最多1萬元, 詳情check呢度 http://www.sfaa.gov.hk/cef/

最後, 講到英文程度, 其實院校豁免年長生學歷要求, 都預左有部分學生語文水平未必達標, interview一定起碼中英並用. 有d院校如果係英文授課, 會係收左你之後提供[補底]課程, 最多咪交多少少學費囉, 好過跟唔上課程嘛.



2010-02-02 23:29:39 補充：
免入息審查個種係無年齡限制, 在下有朋友30幾歲都借到, 搵一個18歲以上既擔保人就得.

你可以試試公開大學，冇年齡資歷限制，上去參考一下。