教我點樣照顧隻倉鼠

唔同意第一位網友zxyuzx及第三位carlchanya既講法,希望網友唔好介意及可留意一下:
1.唔好用毛巾蓋住個籠,原因如下:
a)如果係通風式既籠,鼠鼠會接觸到毛巾,鼠鼠好易會去抓毛巾,咁就有機會抓出毛巾既線,線纏住指甲就好麻煩,好難整得甩
b)放毛巾去阻擋光線,會令鼠鼠對日夜分唔清,咁會令鼠鼠身體產生混亂,失眠,情緒出現問題等負面影響
c)如果毛巾一時放一時唔放,就好似不斷去改變鼠鼠既生活環境,易令鼠鼠不安
2.食蔬果易令鼠鼠肚瀉,其俾鼠鼠食既野要留意既事詳細可參考:
http://hk.knowledge.yahoo.com/question?qid=7009080600917
3.鼠鼠喜歡儲糧,如果只係俾一天份量同日日清,會令鼠鼠冇安全感,更難熟,只要俾既係鼠糧,又唔水果糧,係冇咁易變質既
4.長期飲用蒸餾水會令身體既礦物質冇得好快,咁就好易生病


A.鼠鼠習慣,所有行為都未定落唻,而家會去訓同排泄既地方必會係長久會做既事,千萬唔好強行抱鼠鼠去控制佢地咩地方做D咩,就算鼠鼠同你熟左,咁都係唔會有用,只會令鼠鼠怕左你
想鼠鼠在固定地方訓同排泄,最基本需要有屋仔之類同鼠廁所,在屋仔放大量木糠同鼠棉,較易令鼠鼠選擇呢度訓覺;
唔係隻隻鼠都識用廁,小紫王酬要較多既耐性,而且因為鼠鼠會用排泄物唻霸地盆,所以識用之後亦會在訓覺既地方排泄,但用既話衛生會好d,教鼠鼠用廁所既方法可參考:
http://hk.knowledge.yahoo.com/question?qid=7009092600558


B.一星期沖一次涼,太熱時最多兩次,沖太多會令鼠鼠抵抗力下降,易病;買一般冇味既沖涼粉就可以,有味既話易令鼠鼠過敏(木糠亦一樣),嚴重會致命
你同鼠鼠熟之前,同鼠鼠沖涼,可試下以下既方法:
1)用龜缸之類既野幫鼠鼠沖涼,將少少食物放入龜缸,將缸口對住鼠籠既門口
2)叫鼠鼠既名,都可用裝食物既袋發出聲音引起鼠鼠注意,等鼠鼠自己行入去
3)唔敢掂鼠鼠既時候,可整沖涼粉落鼠鼠身上,等鼠鼠自行整走D沖涼粉,因為不經接觸,所以要放多D,等鼠鼠底部都沖到,但要小心唔好倒左D粉鼠鼠既眼耳口鼻
4)沖完涼再將缸口對住籠既門,鼠鼠就會自己行返入去
5)另外,如果鼠鼠係驚既話,在許可既情況下,唔用手套去捉鼠鼠較好,唔係就易令鼠鼠受驚,受驚有機會誘發甩毛肚瀉等疾病;但如果係需要檢查身體之類,怕被咬則可用手套抱鼠


同鼠鼠熟左之後沖涼既方法及沖涼要留意既事:
http://hk.knowledge.yahoo.com/question?qid=7009090100221


C.新鼠未咁快可以同佢玩,一定要有耐性,愈急愈會嚇親鼠鼠,鼠鼠受驚就易病,而且會令鼠鼠更怕你,日後就要花更多時間令鼠鼠同你熟
新買鼠之後要俾佢靜兩日,再試呢個方法慢慢同鼠鼠建立關係,以下既步驟唔係幾日內就做到晒既事,唔好太心急,唔係反而對鼠鼠唔好:(耐左都同鼠鼠唔熟,都可以試下做)
1)你可以隔住個籠叫多d佢,在籠邊拎d野食引佢埋唻(主要係想有食物袋既聲音俾佢聽到),隔住個籠俾野食唔會咬到你,唔洗擔心;唔一定要拎零食引佢,拎主糧入面既野食都ok架啦,唔食零食會健康d.日日叫佢都有野食既話,佢好快就會記得你把聲or裝食物既袋既聲音,我覺得鼠鼠認食物袋既聲比較快
2)叫鼠鼠既名時,最好用疊字,會令鼠鼠更易記得,平日對鼠鼠既指令,例如叫鼠鼠食野之類,都最好用疊字或簡單聲音,鼠鼠係聽唔明你講野既內容,只係會記聲
3)等到你地熟d,做到你一行過佢就行埋唻or冇咁驚你,之後你可以試下伸隻手入籠隻俾野佢食
4)再熟d再試下俾野佢食既摸下佢頭or身
5)佢都唔抗拒之後,可將食物放在手心,等佢行上唻食,慢慢佢會習慣左你既手
6)再熟d就可以抱佢,抱既時候唔好忽然由頭or從後抱起佢,咁會令鼠鼠以為有敵人攻擊,最好慢慢叫住佢先抱佢,如果抱唔到,可以用乾淨既杯唻俾佢上去咁樣抱


熟左之後先可以同鼠鼠玩,放鼠出籠方法及要留意既事可參考:
http://hk.knowledge.yahoo.com/question?qid=7009111801635 第3/項

2010-01-24 17:08:55 補充：
字數有限,下文再續:

D.其實冇話幾多日要洗一次木籠,個籠大小唔同,都已經唔同,覺得污糟就要洗及清理一下
洗籠可參考以下既步驟:
1)先將鼠鼠放去第度,我自己就會用一個膠缸(養龜用)放住鼠鼠,鼠鼠要沖涼既話就在呢度用沖涼粉沖
2)再用清水洗籠
3)洗完之後用布抹乾鼠籠先再放鼠返入去,唔會整濕鼠鼠既

2010-01-24 17:09:00 補充：
只係以上既方法咁洗較難保持衛生好好,所以可配合以下既清潔方法,詳細情況係以下既咁,當然可以靈活地改變做法啦:
每日:將鼠鼠排泄物集中地清理一下,整走D排泄物,因為鼠鼠好多時都會集中一兩個地方排泄既,不過初養既時候鼠鼠就未必有呢個習慣,要到鼠鼠熟左個籠之後先會
數天:如果幾日就覺個籠污糟,可以只換木糠OR成個籠清洗
每星期:最少一星期成個籠清洗一次
每個月:每個月,又或在鼠鼠生病or死亡時,可以同成個籠用小動物專用消毒劑消毒一下個籠or用牙膏洗籠都唔錯既

2010-01-24 17:09:11 補充：
E.凍既時候,可以用鼠專用棉,同埋用多d木糠,再放鼠鼠去適當既位置就可以了,鼠棉20幾至40幾左右,買d棉有d啡啡地既較好
只要將鼠棉放入籠,鼠鼠就會識得自己拎去做窩,太凍or擔心既話,可將鼠棉放去鼠鼠訓覺既地方,但要記得要在鼠鼠不在時先放,避免令鼠鼠受驚
凍天要留意既事:(包括鼠棉圖片)
http://hk.knowledge.yahoo.com/question?qid=7009111301092

怎 樣才可以令鼠鼠適應我家的生活？其實迎接所有小動物也是一樣，飼主需要有愛心及耐性。 讓他們先有一個寧靜的空間適應環境，因為小動物初到達一個陌生的地方，一般都會比較緊張，要等他們情緒隱定，再嘗試和你的小鼠交朋友！



在未把他們帶回家前，最理想是早已為你的新寵兒預備好一切。 檢查清楚籠子、水樽、食物碗、磨牙石、鼠糧及木糠是否一切預備好，再接鼠鼠回來。原則上，為倉鼠添置基本設備不需太多錢，大約二百元已可買齊鼠仔所需的。

以下是迎接新鼠應該注意的地方：

‧‧保持寧靜‧‧

初到陌生地方的倉鼠通常也會顯得非常緊張、警介性非常高。倉鼠緊張時，通常會到處走及用力跑轉輪。他們通常入到新居便到處看看，把木糠放入大頰袋中，找找食物的位置。

主人在這時間最好是靜靜觀察，別打擾他們。若他們顯得驚慌，作為主人的別以為摸下他們會好一點，反而會弄巧成拙令他們更害怕。正確的做法是把籠子放在寧靜不受干擾之處，好讓他們冷靜下來習慣環境。在他們未習慣環境前，抱他們及打擾他們會令他們更害怕，以後更難教。

若在這時候倉鼠走出籠子，你可以嘗試用小食引他們入廁紙筒，再把鼠連筒一同放進籠子中去。因為初養鼠的人，未必捉到身體靈活的鼠鼠，可能反而令他們更害怕，不知鑽住哪裡去。

‧‧耐心觀察‧‧

小鼠初到貴境會是比較驚慌，很容易打架。如果是一對或多於一隻，他們可能會動手動腳打起來。主人需要多多注意情況，如果打得太利害，主人要用東西把他們分開 (緊記：別用手分開他們，鼠口沒眼唷！)，以免弄出鼠命來。

.‧‧交朋友‧‧ .

過了二至三天的冷靜期後，便可以慢慢和倉鼠交朋友了。和倉鼠交朋友並不太難，他們是天生的貪吃鬼，利用小食去取得他們信任是最好方法。

初時，鼠鼠可能對你的警覺性很高，甚至想咬你。不用擔心，是正常的啊！你要多用溫柔的聲線與他們說話，讓他們認識你的聲音。
開始用手餵他們吃小食，葵瓜子及栗米片也是他們的至愛。你邊餵他們邊與他們說話，好讓他們認識你的聲音及氣味。
可以開始用手摸他們了！初次摸他們時，最好是在餵小食的時間，趁他們吃小食摸他們。然後慢慢增加次數，令他們對你的介心慢慢減少。
到與他們相熟一點才可以開始抱起他們！第一次抱他們，最好是雙手形成一個碗子把他們抱在中間，好讓他們更有安全感。之後，慢慢增長抱的時間及可以把他們在手上玩，完全讓他們成為一隻貼服的小寵物。

2010-01-24 14:22:47 補充：
飼養動物最基本的工夫都是餵飼料吧！倉鼠每天主食一餐飼料，而蔬果只是附加食物，每天餵蔬果是會比較健康，但也不一定每天要餵。主人每天也要把吃剩的飼養棄掉，換上新飼料。因為吃剩的飼料因為已接觸水氣和空氣，比較容易發霉滋生細菌，所以吃剩的飼料一定要棄掉。 如果你是用熟水給鼠鼠，要每天更換！如果是用蒸餾水，可以二至三天才換一次水。 如果你家鼠鼠是用廁所，最好每天把結了塊的廁所沙剷出來。這樣其實比較衛生！

2010-01-24 14:23:07 補充：
by carlchanya ^^

你可以抱佢去唔同ge地方~~e.g 佢想sleep你就抱佢去sleep ge地方~~
得閒抱佢去D沙到沖涼~~
如果你怕佢自己沖得唔乾淨~你可以抱佢出黎~自己用D沙幫佢沖(ps. 其實唔需要咁做~)都無話邊款好邊款唔好~只要你買得到就ok~~買左返黎唔好咁快抱佢住~~等一個星期~~佢無咁怕~你先好抱佢~唔係佢會咬你~
最好一星期清潔一次個籠~用清水洗下佢之後抹乾就得~
怕佢凍~你可以買D棉花~如果唔識你可以問個售貨員~20~30$就有~唔好買咁多佢一次用得好少~你每次攞少少~整鬆D~ 放落個籠到~等佢自己拎入間屋到~

你要日日都叫下佢個名~~得閒比D有你ge氣味ge野佢文下~~咁你抱佢果陣時咪唔怕佢咬你囉~

其實鼠鼠一開始唔習慣係因為身邊的味道唔同左,

覺得冇安全感,

佢去洗手間係四處去的,唔洗話一定要係邊個位,

訓覺你應該買間屋仔比佢,等佢知邊個係佢的地方,

最近比較凍,你可以去d寵物店買d寵物專用的綿花,放係佢間屋到

等佢曖d,你整一d落佢間屋到,佢自己會整到岩佢訓,

沖涼你夏天每2-3日就一次,冬天就3-4日,佢地沖涼係用一種

叫沖涼沙的野,去好多寵物店都有,你用一個高d的盆放d沙落去,佢自己

會沖,唔洗理佢,5-10分鐘就可以放佢返屋企,果兩樣都冇話邊種好的,

都係差唔多架喳。

至於你話幾多錢我就唔係好記得,應該+埋綿就應該70到啦,

每3-4日就好洗佢個籠啦,用水洗乾淨每個地方,唔好+任何洗潔精

你應該有買木屑果d放係佢個籠到,果d你洗籠果陣,你留返小小比佢,放返係個籠到,

等佢有返d自己的味,冇咁唔習慣,

如果你想同佢玩,你等一星期先好同佢玩,等佢覺得安全d先好同放佢出來,

但係你千萬唔好係後面捉佢呀,佢會驚,你應該比多d你的野佢聞下先,

等佢知道你係佢邊個,你唔係陌生人,如果你想佢冇咁凍同咁驚,

你可以用毛巾or布放係佢個籠上面,等佢暖d同可以習慣環境,

你可以+我msn,如果有野唔明,就+我啦