被有精神問題的鄰居滋擾多時 有何解決方法?

逃避唔係一種方法， 因為唔可以保證在新居沒有令你煩心嘅事。 你嘅解決方法就係唔好【忍】而係化解自己嘅憤怒同憎厭。

因為忍就係壓制憤怒， 憤怒會令你血壓升高， 內分泌失調， 你每一次聽到佢開始鬧人， 就俾佢禁咗個憤怒掣， 佢鬧一次， 你就憤怒一次， 然後將憤怒壓抑， 你為咗一個病人嘅行動而傷害自己， 係非常不值得。

專家講過： 你唔可以改變環境， 就要改變自己 。

唔可以改變嘅事實 係：
1. 個婦人係一個病人， 你地開門嘅聲音好似一個鬧鐘， 一開門， 就叮一聲， 禁著咗個鬧人掣， 開始鬧人， 佢鬧人係無理由， 無目的嘅， 與你地無關 。因為係佢 病發 。
2. 你唔可以改變佢 ， 唔可以醫佢， 亦唔可以叫佢走
3. 你要住喺佢附近

可以改變嘅就係 ：
1. 你知道佢係一個病人， 每次佢鬧人， 你就對自己講， 我係唔可以俾一個病人激嬲， 唔可以俾去激到自己唔舒服。
2. 你都知道佢唔係鬧你地， 佢係亂鬧， 如果你在街上見到一個人喺度亂鬧， 或者一隻狗喺度亂吠， 你會唔會忍無可忍？呢個情況同你嘅情況一樣。所以你根本唔使忍。
3. 你聽到佢鬧， 就對自己講， 佢而家係【病發】， 或者當做聽緊一個外國電台， 你唔使句句聽住佢講乜嘅話。

講唔定，你或者會將對佢嘅 憤怒變成可憐 佢， 因為佢唔知自己有病， 唔去睇醫生， 做出令人憎厭嘅事。

解決方法 :

1) 找第二條路行 , 就吾會見到佢

2) 可以聽住音樂走出門口 , 直行直過吾理佢

3) 遷去同村其他單位住

4) 集合同村居民 , 向村長投訴

5) 報警 , 等警方處理

你的狀況,只好向房署申請調遷,但房署亦需要有充足的理由才會接受申請.所以要多的向房署投訴,要約見房署事務經理,表達你精神上受到極大困擾,甚至安全受到威脅,亦可向區議員求助,睇下有無建議,又或者幫手向房署施壓,以正視你的境況.