懷孕半個月.

你好!
先介紹自己,我大你一個輪!你可睇返我嘅記錄,我已經答過好多有關呢類型問題!而我中文打字好慢,但每次都會答得好長篇,雖然每次問題差不多,但我盡量都唔去COPY,咁做會嘥好多時間兼好攰,加上未必有回報,但我唔介意,因為我真係好想幫到你地!我亦曾經好似你咁,好多問題都唔清楚,唔知點算,但隨年紀同經驗日漸增長,所以對呢方面嘅知識多左了解,加上中過招,之後請教過幾位醫生,希望以下資料可以幫到你!,

1)想問清楚你係咪已經百分百肯定有左大概半個月,同埋醫生有冇解釋你知,點解超聲波會照唔到個BB呢?
2)你所問依家落唔落到嘅意思,係咪指依家可否用事後丸嚟落左個BB,但可以話你知係唔得同冇可能!因事後丸嘅用途係,喺未受孕之前,阻止精子同卵子結合,所以事後丸係唔可以幫你將胚胎流出體外,即好似坊間D人成日話食西瓜會令你容易流產一樣!根本就冇呢回事!講真,墮胎邊會咁簡單!大多數都以為,只要將胚胎連胎盤臍帶從子宮取出便是!其實當取出之後,還須要去刮宮,即要將子宮內胎盤所殘餘嘅一切統統刮清刮淨才可!
3)我估你應該大約個幾月左右,其實有數得計!於性行為中,由男方射精嗰刻,如果係中都會即時中,唔會話成個禮拜卵子先受孕!你可計返,對上一次經期完左後,幾時有過性行為而又冇避到孕嘅,正常就係嗰次中架喇!咁你數返到依家大約相隔幾耐就知幾多個月!若然你話基乎日日都有而又冇避孕,咁就難講喇!但醫生就可以追溯到!基本上現今醫學已經可做到,幫你追溯到究竟係邊日發生嘅事!但點追溯,用咩方法又或咩儀器等就唔清楚喇!
4)點解我不斷強調同研究有左幾耐,幾多個月呢?係因為當唔同嘅懷孕周期係有唔同嘅墮胎方法以及危險性亦都有高低之分!如下:(我知道你唔會選擇家計會,但我只係講返我嘅經驗咁解姐),also多數都以週期計算!
a)懷孕四-七週; 係最安全嘅,方法亦係最普通同最簡單
b)懷孕七-十週; 醫生會開始唔多建議,但依然可以照落,都係用吸盤型式咁,將你胎盤吸走,然後再進行刮宮,而家計會做,收費大約$2,800,手術須時唔清楚,剩係記得佢講過半日攪掂!做完後休息一陣就會比你走!
c)懷孕十週以上; 同上述一樣,但家計會唔會再接受過十週以上嘅個案,一定會將你轉介各私家醫院,但只會寫介紹信比你,你要自己打電話去約,而我就因己經十週(係計你排期做手術嗰日計,當時我已9週,排埋期已超過十週)所以冇喺家計會做,雖則我男友想我喺家計會做(因價錢差兩倍),但因為家計會只會半身麻醉,醫院就全身,所以我睬佢都傻!死都揀醫院做,但就揀間最平-港中醫院,若果冇介紹信都可以嘅,你可致電查詢同預約-2522 3141,年幾前我做嘅時候,價錢就7千幾,你當八千啦,連車費等雜項,而手術過程只須15分鐘!當打針後你會慢慢訓著,醒後可能會有d肚痛同攰,視乎各人身體狀況而定!休息4-5個鐘,比啲嘢你食,若冇嘔,就會放你走!大約一個月後會約你覆診!
d)懷孕13-16週以上 -係最危險嘅,方法亦係用催生形式,就咁聽都知應該咩係催生,即係並非用吸盤吸出嚟,而係真係生佢出嚟!但手術詳情唔係太清楚!
總括嚟講,無論喺邊度做,都係愈早愈好!
5)至於你講到你係16-7歲,我當醫院等候登記時,亦都有好多同你差不多年紀嘅女仔,但我聽到姑娘話,要佢監護人埋去登記,所以我諗你都未必會考慮到呢D私家醫院做吧!至於黑市,我只接觸過一次,仲要大約十幾年前!我仲讀緊中學,嗰時我個女朋友中招,由於仲係學生,佢只可去D無牌診所度落,嗰陣我同佢男友陪佢去,個所謂醫生比左D藥丸佢(並唔係好似合法醫院用吸盤吸),話食完之後冇耐會有類似月經物體會嚟,叫佢用定衛生巾,之後佢男友陪佢回家並一直陪住佢,我就返屋企,而佢地大約每隔30分鐘就打電話比我報告個情況如何如何,大概個幾鐘後,佢地話開始好痛兼開始有血流出,之後更於M巾度發現有PAT好噄嘅嘢,我當時並無懷孕等經驗,於是我問我媽媽,應該點算(我媽媽於生我前曾試過小產加上話晒係媽媽級,對方又唔可以問佢自己媽媽),我媽就話應該係杯胎,雖則我媽鬧到我地痴肺,話咁細個攪埋D咁嘅野,但始終係好危險,所以我媽都焗住教佢地點做!叫佢地用個樽仔裝起,然後拎落屋企樓下花園埋左佢,然後UP幾句,對唔住,爸爸媽媽冇能力養你,望你早日安息..等說話,之後再返去刮宮,當然冇任何麻醉,梗係好痛啦,一般墮胎都好傷身體,而黑市嘅整個墮胎過程咁非一般,又冇藥食,真係都幾牙煙!至於依家會否先進D,就唔知喇!
6)而我就冇黑市介紹你,不過我見到好多回答都有人留低黑市聯絡資料,我亦幫你搵左兩個,你可嘗試聯絡佢地!
7)同時我必須話你知,手術做得唔好,分分鐘會影響你一世,可能以後都冇得生,或者你依家唔在乎,但你只得16-7歲,難保你過多兩年後,遇到你摯愛,想組織家庭同生仔,到時就後悔莫及喇!所以你必須慎重考慮,搵多幾個朋友商量下啦!

2010-02-01 10:36:24 補充：
與其每次膽驚受怕,手術費又昂貴,最重要係好傷身,倒不如做好避孕措施!雖則有時話情到濃時會情不自禁,好難控制!但其實家陣有好多避孕方法都好簡單好方便,而避孕並唔係only屬於男性責任,女性亦須担此重任,而方法亦比男性多!如果你有呢方面問題,可EMAIL比我,
最後想講嘅係,希望你唔好介意,覺得我多事,有D你冇問嘅,我都走去答!而暫時我亦只可幫到你咁多!但已盡晒我嘅能力,真心希望幫到你!
-My Email Address : [email protected]

2010-02-01 10:36:30 補充：
黑市聯絡資料
-旺角有得落`價錢平`衛生`安全`有意+msn:[email protected]
-要地址既搵我!係香港[email protected]一定冇問題,我自己都落過~

回答 (2)