女同性戀感情問題，請解答!送20分!

✔ 最佳答案

你好!
首先,我並不是同性戀者,但我絕不歧視(因為我BEST FRIEND都係,不過佢係男同性戀者),我之所以強調,係因怕以下內容,可能會有啲說話會得罪左你地或是講者無心聽者有意,因為我都係一個過來人!我都患過抑鬱症,都有食過抗抑鬱藥(但已康復左好耐,4年前已經不用食任何藥),多年嚟都經常自殘而令自己今時今日滿手都係疤痕,脾氣亦好臭,試過有次發脾氣,一拳打爆塊玻璃結果打斷左自己三條手筋,雖則已康復,但脾氣依舊好燥,加上身邊所有人都好寵我而令我有大小姐性格!所以近年拍親拖都係衰同一問題,就對上兩次(一個拍左三年半有多,另一個四年),兩段情所嘈嘅交都一樣,兩個男友所話我嘅問題都係一樣!而最初我都會喊晒口咁話唔會再犯,之後咪一樣江山易改!ANYWAYS我想講嘅係,我曾經同你地一樣,所以好明白,有抑鬱症嘅人,好多時對人地每種行為,每個動作每句說話都好敏感,,而我又直腸直肚,所以好怕產生誤會,若有咩得罪,請多多包涵!
首先有幾個問題想攪清楚!你地大約幾多歲啦!唔同年紀會有唔同諗法同做法,我驚會比左啲唔適合嘅意見你地(但我諗我應大你地好多)!另外我想知你另一半(為方便稱呼,以下簡稱A,希望你別介意)之前佢本身係咪同性戀者!呢點好重要,可影響晒成件事嘅睇法!
當我睇完你地相識嘅概括,我覺得個問題都唔在於你地係咪同性戀,就算你地係一男一女吖!A有好多嘢都好令我懷疑!我有兩個睇法!
1)先講個複雜啲,你話返去探佢,由於A媽媽知道你地關係而令到A開始對你態度冷淡兼疏遠你,咁你點知係因佢媽媽而引致佢咁對你呢?最衰就係唔知你地幾多歲,因為我想話,都咁大個人,唔係細路仔,如明知媽媽唔中意,你總有辦法可以唔比佢知,就算知都可死撐同否認,呃佢話大家只係好姊妹而已,若係我,我連死撐都唔會,係咪係囉,咁又點,傾得埋而好自然咁一齊左又點姐,犯法嗎?若性向本身如此都冇計架!你都識話你愛佢而特登令自己入院都要見佢一面,家陣又唔係要佢好似你咁偉大咁做啲咩,只係同佢媽媽死撐抗衡下姐(就算佢孝順唔抗衡咪溫和啲否認,呃佢只係好朋友都得架)!A咁都唔肯做?仲有如果佢係愛你嘅,明知你為佢入院,就算要同你分手,咁都可以以朋友身份去探下你掛!唔係話阿媽唔比去嘛!要是有心,求其作都作到個藉口去探你啦!A誠意都好有限姐!再者到你地復合先至話你知原來唔係怕阿媽,係怕院友眼光,喂,點解當時唔講姐,唔方便講?咁咪用電話SMS講囉,唔係話我知,院友會知佢SMS比你下FA?一時話阿媽一時賴院友,冇樣真?連作個好啲嘅藉口都懶作,哼!最離譜係佢話姑娘講你壞話,唔該啦!1歲細路都唔信啦!A竟然可以咁去呃一個單純愛自己嘅人佢呢啲咩態度,當你白痴呀!你又係抵打嘅!咁都信,至於你話A因你發左一次脾氣就同你分手!我更慶!根本佢就乘機,然後仲扮晒嘢講到已經好努力呀,懶偉大,咩若愛佢就放佢走!呸!我直程想打巴佢!呢啲咁嘅人,根本自己想咁做,但就卸晒落你度,咁佢咪唔駛做衰人囉(即誰叫分手或誰做錯引致分手者是也),真PK我諗佢應該唔只拍過一次拖!呢啲屎橋我都有得出賣,呃你呢啲初哥就得!我地呢啲老屎忽一聽就知啦!我唔係扮勁,但以我經驗(連細個讀書加埋共拍過十四次)都夠資格講句掛!
怕人講是非所以唔方便探你,講到好似好有苦衷咁!我呸!又係嗰句啦!你唔識用電話問候嘅咩,你話你先主動打嚟解釋都話可以撐下吖!家陣喺臨尾兩日又SMS又打電話先搵到A,然後先講埋啲大話,搵鬼信咩?傻妹,你試下嗰次唔打比佢吖!睇下會否復合?仲有,你唔會諗下點解姑娘要講你壞話,拆散你地姐!你得罪佢咩?喂!你話A怕媽媽就話姐!院友喎,姑娘喎,就算真係咁呀,佢係錫你保護你嘅就會鬧返啲人轉頭啦!應該同啲院友講,關你地叉事咩!你唔好再講我女友壞話,否則我對你唔客氣架!佢家陣冇咁做不特止,仲好似埋怨你令佢蒙羞,有冇攪狠錯呀(愈講愈嬲)!趁你發脾氣而乘機分手,我已好慶,而你又真係好自責咁認為自己冇食藥而發佢脾氣係你唔啱!我仲慶!你傻嘅,好似我之前嘅男友,無論我幾野蠻同無理取鬧都好,佢地會忍我因為佢地話愛我,知我有病,我都唔想,好體諒我!何況A自己本身都有病,更應體諒及了解你感受!但反而咁分手!哼!佢都幾好野喎,不過都唔夠你好野吖!你咁都信又幫住佢你仲犀利啦,真係比你激死!
2)另外嘅睇法係,佢咁做,有三個可能性,一)係因為發現自己接受唔到同性戀!所以一開波就問你佢本身係咪孿嘅!所以我話呢點好重要!二)係佢發現自己仍然好愛兼忘不了舊男友!三)另結新歡,或者呢個新歡喺你出現前已存在,而雙方一直有好感,但基於前男友關係而令佢地未能發展,可能近期撞返對方,所以依家就…

2010-02-01 22:34:11 補充：
雖則寧教人打仔莫教人分妻,但冇理由佢咁呃你我都仲叫你中個頭埋去掛,就算A唔係呃你,但愛極你有限!或者係我誤會佢啦!唔怪得我咁諗佢,佢嘅行為!試問同任何人講,都會同我一樣!當然我態度係,凡事唔可以只聽單方面,一隻手掌拍唔響,我由頭到尾都冇聽過A解釋,對佢係有啲唔公平!
而我亦想知你同A係咪因初戀有不愉快經歷,令你對男仔失去信心而變成同性戀?究竟你地係咪只係一時嘅感同身受加上空虛而走埋一齊?又係唔知你幾歲啦,若未過廿歲嘅,我肯定你地係後者,咁就算A係男仔, 問題都一樣發生,就算係前者,都未必一定會以後都同性戀,可能第日遇到個好男仔,你地就唔會再陷入所謂世俗不認同嘅戀愛,就唔會咁痛苦吧!

2010-02-01 22:34:24 補充：
臨尾想同你講,當你睇完我呢篇嘢之後,你唔好太介懷,覺得A對你唔好,你記住你冇錯嘅,係佢唔識貨唔識咩叫戀愛姐!你唔駛唔開心!或者可能係我誤會佢都唔定!嘗試用你個心去觀察去感受,唔係我呢啲外人講幾句你就要信,同樣A講咩都好,你都一樣要憑感覺去領悟佢究竟對你係點!最後再講多次啦!希望你唔好介意我踩A,我並唔係講佢壞話亦唔係慫恿你地分手!我只係照事實分析同好肉緊咁戥你不值!希望你唔好介意!如果你唔介意,日後有咩關於感情上嘅問題,唔知同邊個講,又或搵唔到人傾訴,你可SEND EMAIL比我 : [email protected]

2010-02-01 22:44:14 補充：
SORRY!我真係好大頭蝦,由於當答完你問題後,CLICK CLICK下又發覺,咦!點解唔見左我答案嘅,我又懞懞下咁以為自己冇答到你,於是又答多次,跟住冇耐,先發現原來你有兩篇嘢!所以你可能會見到兩篇相同嘅答案,真係唔好意思!我仔細咁諗過,應該係答你就快到期嗰篇先嘅!但由於唔知你會睇邊面嘅答案先,所以我兩邊都留左呢個訊息!唉!我真大懞,唔好意思呀!

女同性戀感情問題，請解答!送20分!

回答 (2)