我想放棄&忘記一個人

人越係要忘記一件事
就越係忘記唔到
冇可能一朝一夕就可以忘記到

唯有將注意力集中係其他地方
例如妳而家f.1
可以放多d時間係學業或者朋友度
又可以去學下野
發掘下其他興趣
將生活既重心轉移到另一d地方
等時間慢慢將妳對佢既感覺沖淡
妳會比較容易去丟淡一段感情

而妳d貼紙相之類
可以先用盒放埋一二邊
呢d係屬於妳的回憶
當妳將來睇返
呢d都係好妳人生既一種經歷

而家要妳忘記一定冇可能
我都係過來人
要放棄一段感情唔係容易既事
慢慢來吧
總有一日妳會發覺"他"只係妳人生中一個過客
加油

你好!你令我諗返我中一時,又係中意左個男仔(我倆有拍拖,但唔夠兩個月因我嘅任性而結束),到我後悔時佢已有另一個,所以我想忘記佢,但估唔到17年後,唔止忘記唔到,仲好掛住佢!不過已昇華到另一種層次!
我唔知你係咪第一次喜歡一個人,或之前有冇拍過拖!但話你知,以我依家嘅年紀同拍拖經驗,都仍然做唔到你所講嘅忘記!尤其當你成日提住自己:忘記佢忘記佢!咁反而仲日日提醒你去諗佢!忘記係要自然,冇得夾硬!但都有方法嘅!可能會有人認為我咁講會教壞你,但我都曾經好似你依家咁樣,我明白到係好痛苦!
你依家忘記唔到係因為呢件事仲發生緊!係PRESENT TENSE!任何事情只要經過時間,就會沖走,到時就算你好努力想去諗返,都未必會記得!
若問題或事情仍在PRESENT TENSE未變PAST TENSE時,你只有等時間過,期間會係痛苦,你話可否將個時間撥快d,要點做先可將痛苦減低?就係轉移視線(搵過另一個意中人,但唔一定成功,亦唔太建議咁做,但呢個係叫做可幫你盡快忘記一個人而又係唯一辦法,)!叫你將時間放在學業上,你應該都好難辦到,分分鐘你依家都可能冇心機上堂,到小息又會心掛掛咁想走去見下佢,或走去佢班房嗰層扮刻意經過,個心又可能鬧自己,點解咁冇用,明明應要忘記但又做埋啲咁嘅嘢!若你真係好似我所講的話,你千其唔好鬧自己!你冇錯的,喜歡一個人有咩問題?只係佢唔中意你!仲有你憑咩肯定佢唔中意你姐,肯定又點姐,或者佢遲d,當相處耐左了解你多啲之後,會慢慢開始中意你呢?佢又唔係話對你完全冇好感架!否則唔會同你影貼紙相啦!唔好同我講佢當你細妹而咁做,我覺得冇咩可能,但佢會否係嗰d見有低年級fans而做d咁嘅行為去釣住你嘅,我就唔清楚(如真係咁,呢d人應該拉出去斬)!總之我覺得佢對你應該係有少少好感,或許因為你太細個,佢怕同你溝通唔到掛!仲有佢依家有女朋友嗎?有意中人嗎?
其實我嘅建議係,就算佢唔中意你,你都唔駛因為咁而同自己講去忘記佢!你咪繼續中意囉!冇問題架,何苦要迫自己去做些自己唔願意,遺背自己內心嘅事情呢?咁好痛苦架,阿女!我講你知,當年我中四,有位中六嘅師兄於外校轉入嚟讀,我唔識佢嘅,唔知點解會中意左佢,而佢又唔靚仔又唔高大,基本上我係個好唔知醜嘅女仔,若我喜歡對方,我會做主動嘅,自問不太醜,都有追求者,卻偏偏中意嘅又唔中意自己,全學校就連阿sir都知我中意佢,可惜佢就係對我唔知點咁,呢種關係同感覺一直維持到雙方畢業!期間於中五嗰年,我有試過去接受其他追求者去拍拖!有一段時間以為自己真係投入左呢段感情,但好快就知道根本冇呢回事,原來我對師兄仍念念不忘,所以就同嗰個男友分手,你話幾無謂吖,無端端傷害左另一個人!so我話唔建議你咁做就係咁解,但有d人可能會從此真的愛上了這;愛的替身!咁當然係好事啦!就算呢段關係係由愛的替身,由你嘅自私而開始!但若因此而搵到個分分鐘係你一生最愛嘅人,咁都算係可喜可賀吖,當然點都唔可以比男方知道啦,對方一定會有條刺兼會令你地嘅感情染上污點!
到我大個出嚟做嘢,又中意左個人(簡稱W),W係我朋友嘅朋友,我地又係唔識嘅(只知有對方存在),咁耐以嚟都冇講過兩句嘢,但就愛上左佢,同樣又係全世界都知,什至大家經常有眼神交流,我感到W係有意思,但唔知點解佢依然唔肯行多步,踢極唔郁,最初誤會自己係咪自作多情.但認識我倆嘅朋友都話W係對我有感覺,唔明點解W唔表態!我做女仔,要行要做嘅都行晒做晒,我真係好upsad,期間試過放棄,但咁樣迫自己仲辛苦過W唔同我一齊,同時亦好忟好憎自己,又唔係冇人中意,點解要做到咁,W中意去機鋪打機(日日都會响機鋪打機),每日我放工就立即撲落機鋪見佢,試過突登OT,並同自己講放工馬上返屋企,但途經機鋪,又忍唔住去偷睇佢响唔响度,結果又死左入去!亦有諗過嘗試接受其他追求者,但怕重蹈中五嗰年嘅覆轍!
今次比起師兄嗰次維持得更耐,足足3年半有多,可能因為時間關係,等左佢咁耐,都慢慢心淡,唔係話開始唔愛佢,剩係覺得有少許心灰意冷姐(就係之前我講嘅現在式係會比時間沖走變成過去式嘅例證)!加上當時有個追求者(佢知我中意W但依然對我表白),我最初都冇咩點睬佢(眼中只有W),但唔接受佢做我男友並唔代表唔可以做朋友,當開始做朋友後,發覺都幾好傾幾夾,慢慢對佢產生左一種好感並嘗試同佢發展!
問我有冇掛住W?有!但只限於頭幾個月,當時我同我好朋友講怕自己會重蹈覆轍,點知佢地話我比以前開心左好多,一點都唔似中五嗰次咁,慢慢,我再冇諗過W,幾時開始我唔知,係不知不覺間,好自然地忘記左W同冇再懷疑自己係咪當我男友係愛的替身等問題!點知一拍就四年!期間亦有撞過W,但已經冇感覺了!
我仲記得當W見到及知道我同我男友一齊後(我BF當時特登喺W面前搭我膊頭同拖住我隻手),W好似好嬲咁即刻拎起件外套走左去,成晚都未見過佢!應該話跟住嗰兩三個禮拜都冇見過佢喺機鋪出現過

2010-02-01 04:42:27 補充：
基本上,我嘅例子就講完喇!你可當作一個參考,但你無須要迫自己,希望盡快做到我某d階段!都係嗰兩個字啦!時間!你依家會否有點明白,點解好多人對感情事都話隨緣啦!
至於是否繼續保留你地之間及你送比佢嘅所有嘢!我就覺得冇所謂(但都傾向無須要)!雖然話睹物思人!但你好好好好問心,你認為當你比返晒D野佢之後,真係可以忘記佢嗎!講真你都自知,想好絕但又唔捨得!咁係好事嚟嘅,成件事我感到最安慰嘅係,你冇呃自己,唔似有D人,會話比未比囉,我睇得好開架等,呢D人好可悲,掩住自己良心在死撐!講真,愛一個人,點都會有痛苦嘅時候,無論相戀單戀明戀暗戀,亦冇人會做到話唔愛就唔愛,做到嘅,一係就根本冇愛過,一係就冷血嘅!

2010-02-01 04:43:23 補充：
但有個問題唔係好明,想問吓你!點解你話你送嘅吊飾,都比返佢呢,你送比佢嘅,唔係應該喺佢度嘅咩?定你仲未送呢?同埋咩原因令你覺得佢係唔會中意你呢?佢一直以嚟有冇比過任何SIGNAL你呢?
希望以上嘅內容,你唔會覺得太深,最重要嘅一點係,真係可以幫到你,如果你有咩唔明,你可隨時EMAIL比我,我會盡量去幫你分析,聽你傾訴!okay?
[email protected]

忘記一個不喜歡自己的人???
把所有他的東西,物歸原主???


太幼稚啦!!


既然煩的,就不要理~~

為什麼跟"煩"做朋友???

既然不捨得,那妳就應該好好珍惜!!!!

如果妳真的是下定決心要忘記..
請妳不要在保留妳所有[他]的物品..
人就是這樣,當下定決心忘記一些人/物時,
只要想起/看起,自然會開始想起妳和[他]一起的日子,
當這樣想時,自己便會開始想;[為什麼當初我要做這樣的選擇]
可是你認為只要保留妳和[他]的物品便能保留[他]的心嗎?
請妳也不要在去找他了,
因為妳自己也知道;[我和他..沒可能..]
妳自己能真的下定決心嗎?
妳能確保妳忘記[他]之後,
心裹不會難過嗎?
可是我想,當妳看到我這樣的回答時..
一定下不到決心把所有[他]的事物掉去吧...
人常常名以為;[要忘記一個人,話都冇咁易]對吧?
但當真的想忘掉時,會覺得可惜...
要忘記一個人也需要時間的,
但當忘記後,在次看到[他]的樣子時,
妳會覺得十分心痛...
所以,請問妳能真的忘記,真的能放棄妳現在所擁有[他]的事物嗎?
請妳真的下決心吧,
本人信相妳的.

2010-01-23 13:42:04 補充：
幫助;妳可以多和朋友玩/行街,因為和朋友一起的時光往往都會令人忘記痛苦的時光...

也不要做太多運動,妳一定會問為什麼吧..當人在一個底落時期時過量運動,右腦會發出一種像是[灰塵]的電波,右腦會因心情波動激發起心中的不足.

多睡覺,睡覺能令人停止思考,令能人在一個好的環境中仁休息,當起床會,會覺的煩惱會小了點.





請下方不要抄.