canon350d

那要視乎你用來影甚麼題材多.選微距鏡最大考慮除咗價錢外,就係工作距離.微距鏡頭幾乎都是定焦設計.需要靠拍攝者移前移後去決定放大率.
如果係影模型一類唔駛下下1:1的近攝題材,其實60mm都OK,尤其室內空間小,用長焦距180mm嗰啲可能唔夠位退後.但如果影昆蟲一類會受驚走開或者會飛走的題材,咁我覺得越長越好.唔好以為180mm就好長,可以幾個身位外咁影,昆蟲唔同人咁大件,你要走到好埋先影得夠大的,以180mm微距鏡為例,在最大放大率1:1時工作距離其實只有九至十吋左右.加埋遮光罩更加冇.100mm微距鏡就得翻四至五吋,加埋遮光罩分分鏡撞到被攝物.60mm更加只有二至三吋.一定要除遮光罩,有時甚至會阻到光源.
長焦距另一好處就係壓縮感大,即使在放大率不太大時,背景仍然比較簡潔.不過長焦距也有長焦距的問題,就係比較容易手震,增加手持怕攝的難度.好多時要依賴腳架或者閃光燈.所以好多人會揀中間,即係100mm左右焦距,最近推出既Canon 100mm f2.8 IS macro就好多人追捧,既係L鏡,又有防手震,但就要成七千蚊.
其實微距鏡來講,副廠質素絶對OK,尤其影微距多數要縮光圈,基本上冇邊支鏡係唔靚的.多用途的可以考慮Tamron 90mm f2.8 macro,約$2800.影昆蟲的就可以考慮Sigma 180mm f3.5 macro,約$6250或者短小小的Sigma 150mm f2.8 macro,約$4630.Tamron都有支180mm f3.5 macro,約$5250.不過就冇超聲波摩打,對焦比較慢,雖然影微距多數係手動對焦,但有時唔係影高放大率或者影下第二樣咁對焦快都係好的.