尋找營養餐單(老人家-曾做通波仔手術及中風要戒口)

(A)本人爸爸於兩個多星期前做過心臟手術(通波仔),大約相隔數日後,不小心跌落床而引致中風!而當做完心臟手術後,醫院嘅營養師就約我,跟我講解當我爸爸出院後,必須要戒口同埋於飲食上,有咩要注意!
(B)基本上我爸爸未發病之前,佢同我媽咪一直都食得好清淡,皆因七八年前,曾試過膽固醇超標,所以戒口,之後正常返,STILL KEEP住食得好清淡,早餐就食餅乾或麫飽(普通豬仔飽,永遠唔食有餡料嗰啲,如菠蘿飽等),午餐食一碗飯,烚菜(從不落油炒兼多數烚),蒸排骨(有時會加少許豆豉,不過啲排骨好大舊肥膏),另外飯後果,橙或蘋果或蕉!晚餐跟LUNCH差不多,只係多左蒸魚!而食咩都好,從來都唔撈任何汁,點任何醬(如豪油,喼汁茄汁等),間唔中會食米粉,從來唔食罐頭或公仔麫之類,大約一個月先會斬料一次,好少出街食或叫外賣,一年都唔知有冇兩次,就算煲湯,都會先將豬骨,豬展等先出水!多年嚟,我屋企都未試過炸野食,同埋從不會打獻!我從未見過我爸爸食公仔麫,杯麫呢啲食物,十年都食唔到一次炸野(我指我爸,我媽媽同我都間中會食),鷄皮都唔食,只係間中斬料,食下燒肉皮!
(C)根據以上所講,都應該睇得出兩位老人家都食得好清淡!但營養師卻說要更清淡,由於對方只簡略咁講過有咩一定唔可以食,但之後都有好多FOOD,我都唔知究竟適唔適合我爸爸?所以想喺度請教各位一啲關於餐單上嘅問題!

(1)通心粉算肥嗎,而河粉同蝦子麫係咪比米粉肥?HOW ABOUT烏冬?
(2)醫生話我爸爸好嘅膽固醇比正常人偏低,相反壞膽固醇卻偏高!所以應多食抗氧化食物同植物固醇食物!請問有咩係屬於係抗氧化同植物固醇食物?
(3)營養師說,餅乾係屬於棕櫚油,所以唔可以食又或一個星期只可食幾塊,想請問除餅乾外,仲有咩食物係屬於棕櫚油!若然真係要食,係咪應該食維他消化餅?梳打餅OKAY嗎?
(4)由於我爸爸正在戒煙,所以會有煙癮,同埋食得藥同粥多,個口好淡,成日想食華梅等口笠濕,但係呢啲冇益嘅野唔想比佢食,同埋香口膠都唔係太好,所以想問有咩食物係健康而又可以解決以上問題!
(5)由於好多野都唔食得,另外有啲又唔知食唔食得,所以依家只allow佢食粥,爛飯,魚同蔬菜,有時落幾片瘦肉,而我記得營養師講過煲粥唔可以落缸瑤柱,另外我同我媽媽煮咩都唔敢落鹽,only蒸魚會比丁丁丁丁丁咁多豉油而已!由住醫院直到出院,足足半個月有多,一直都係食啲冇味野,呢樣嗰樣唔准食,所以個人都會好忟,我都明白係會好悶同埋好慘,SO我媽媽叫我編張餐單(我減肥嗰陣編左張餐單比自己),然後佢每日跟餐單煮比我爸爸食,邊d食得嘅就編排下,星期一至日點分配,可以唔駛咁悶,但問題係,我減肥都仲有好多可以食,只係份量減少,但依家我連我爸爸可以食啲咩都唔清楚,只知上面幾項,同埋個煮法-烚同蒸!請問除以左下幾項之外,仲有咩其他選擇OR有咩可以取代:
-瘦肉,蔬菜,米粉,魚,麫,橙,蘋果,麥皮
(6)於營養師比我嘅飲食手冊內,分成:I)單元不飽和脂肪;II)多元不飽和脂肪,營養師話唔應該食II),因會降低好膽固醇,應食I),但我見I)包括橄欖油及芥花籽油,正確啦,因為係健康,但點解花生油,牛油果都屬於單元不飽和?唔係好肥嘅咩?
(7)係咪如果於任何食物包裝上背面,飽和脂肪/反式脂肪/多元不飽和脂肪係高嘅話就等如唔啱我爸爸食呢?另外水溶性纖維又包括咩食物?
(8)飲普洱或壽眉可以嗎,綠茶係咪一定要綠茶粉,道地會否唔夠正宗呢?
(9)聽聞合桃可降低膽固醇,係咪可以多食都唔怕?而有咩生果係屬於糖份高?

THANKS SO MUCH!