請問讀設計可做什麼工?

呢個問題在你報讀前，有無問過人呢???

一般開課頭幾堂，
D 阿sir or Miss 大概都會講讀完後會係做到咩工作，
就咁睇你講話「創意設計高級文憑課程」，
唔係好清楚係邊方面的創意設計，
一般就平面設計多，
我估你的課程多數都係一般平面設計多，
因為我上港專個網都唔見有呢個課程~!!!

最主要係睇返個課程教你咩，
先可以知道讀完後可以做咩工作，
無理由你讀設計，跟住叫你去做搬貨架，
不過現時一般設計工作都不離電腦，
而現時的平面設計工作又多數要求識埋整網頁，
基本上要識好多野架，
想快入職接觸設計呢行，
平時功課就要做好D，到時見工就快D比人請，
因為無工作經驗的人，在見工時就是睇功課~!!!!

如果有多少少你讀緊的課程資的話，
咁就易評估到設讀完後的工作方向~!!!!

2010-01-23 01:44:52 補充：
基本上個課程有好全面的內容，
以目前的市場需求來講，
讀完後可以應該八成搵工的要求~!!!

而睇到尾段有寫到提供實習機會，
呢到係比你試下自己的實力，
睇下有無人欣賞你做出嚟野~!!!

尾段的畢業生出路，
已經講明你讀完後可以做到的工作，
因為佢地搞一個課程出嚟，就一定會有出路比學生去入行，
但問題就在每屆的畢業生有幾多人入到行呢??
呢D實際數字校方通常唔會公開的~~!!!!!

個段有美化出路的工作，
什麼多個行業中擔任平面設計師，
你千奇唔好以為職銜叫平面設計師就好正啊，
唔係個個行業都懂得欣賞設計，
基本上，真係做設計的公司請人，
你唔夠料就隨時走人~!!!

2010-01-23 01:45:09 補充：
而其他不相關的行業又點解要請個平面設計?
因為要型、慳錢，
好多呢類公司會請一個咁嘅位，
係方更自己公司做宣傳時做D稿用，
因為比人做就要次次比錢人做，
改野又唔方便，就開始多左呢類寄生型的設計位啦，
呢個位名就型，實際內容係有野你就做，
無野做就自己搵野做，一係就做埋同設計無關的野，
我過往經驗就覺得人工低、工時長、有種被挷住的感覺，
又要做埋一堆不相關的野，試過要幫個會計去銀行入票，
唔做開就無事，一開左個頭就會變左係你要做的，
試過扮病唔去一次，就向老細投訴，即日就比人照肺~!!!

2010-01-23 01:45:26 補充：
所以呢類型嘅職位就自己小心啦，
另外有一種近年新興趣的設計位，
就係因為某大噴畫公司造成，
多左好多小型噴畫公司出型，
而呢類公司就請識設計、識用設計用的程式就得啦，
跟住就會不停比野你做，設計技巧不要求，
求快符合個單job 個價就得啦，
我亦入過這類公司做過，
試過用多少少心思砌份稿，就比上頭話唔使整咁多野比佢，
要睇返個價錢啊，仲有下次做快少少啦~!!
呢類公司係可以做下嘅，但時間唔好長，
用呢操下程式上的熟習幾好，一日要做六、七份稿，
份份都得一兩日時間，你想唔快都難，
有後遺症，就係唔想係街見到自己的作品，
原因你諗下啦~!!!

2010-01-23 01:45:31 補充：
以上全是本人入行六、七年的經驗談，
希望可以幫到你啦~~!!!

室內/外設計師!!!!!!!!