如果自己1人去大澳,,有咩要注意?

你想行路定點?
其實樓上既建議的確唔錯,但係去消閒,1個人去總唔係咁好,冇癮..

我建議你去「行山」.

東大古道 東涌至大澳
事實上,全條路徑都係石屎路,最高點亦不過100米,基本上都可以好輕鬆咁5小時行完.沿途都能欣賞到香港寶貴既鄉郊景色,途經(石散)石灣,沙螺灣,深石村,深屈村.在沙螺灣村,有兩棵300年的老樟樹,值得閣下一去遊覽.另外,在深屈村有數家士多,都有不同可口的小吃,好似有機生菜,豆花,海帶綠豆,豆漿等等,價錢10蚊起.(已經預多左)
到大澳後,我就提議你係市集果邊搵串燒食,而係大澳小學果邊,有檔砵仔糕,有桂花味等等(另一種唔記得),而沿石仔埗街走,好快就會見到右邊有間寮屋賣茶果,上次我去既時候係有茶飲的,消毒解熱.過橋,直行轉左,右邊有一間豆花鋪,有多種味道選擇,我就覺得幾唔錯,有一個標記,就係佢地有提供太極豆花,不妨留意一下.

糯米糍都好好味呀。建議你可以乘360由大嶼山行完，然後乘巴士往大澳，再由大澳返回東涌。