內地升學(醫科)一問

我係2010會考生,有日見到一d內地升學既資料,令我幾有興趣
我知道升讀北京大學讀醫好難
其中一個途徑係咪要考完會考後唔讀預科(中六)而去讀d咩特別班再考個港澳台聯招?
定係邊升讀中六邊讀果預備班?
[以上為問題一,請比足夠資料!]

但係我最想行果條路係免試招生..
最低要求係咪5A(北大)?
我近年來一直既目標既拎7個A去港大讀醫,
讀唔到醫就讀同生物/化學有關既科
但其實7個A拔尖都未必入到港大讀醫,因為好多人最低要求係8A以上
自問我e一刻未必係拎到9A-10A既人,所以即使拎到7A要入港大讀醫亦未必成功
但如果以6/7/8A會考成績,可唔可以入到北大/清華大學?係咪免試招生果類
香港會考6/7/8A當然未必夠內地生揮,但我暫時最想知道既係入唔入到為先
[以上為問題二,請比e方面既途徑資料及方法!]

聞說要入北大與清華大學醫科極之困難,
但難度是否比以拔尖方法入港大讀醫更難?
至少,香港拔尖要求係6A+中英文C以上;但醫科同其他強科要求更甚
北大最低要求列明係5A,收生率雖然唔係幾高(是否?),
但畢竟普遍香港學生未必會考慮內地升學,競爭力仍是可商確吧?

其次,有內地升學經驗既前輩可以給予個人經驗及意見嗎?(如有的話)
其實我一齊既目標都係讀港大,讀自己最鐘意既系(Chem/Bio)
即使未必可以係港大讀醫,亦可能讀一d學術性上既系讀落去做研究生;
但我其實亦嚮往廣闊既校舍,新鮮既大學生活,同埋識一d志同道合既朋友
香港唔係唔得,但社會趨勢上黎睇,大學既生活亦未必比中學更多姿多彩吧?
更遑論能否識到志同道合既人...當然e d野唔可強求
有冇前人可以分享一下感受?學業繁重我諗我仲可以應乎得黎...
因為到e一刻都未真正感到身邊朋友既壓力,自己可進步空間也不小,
但目前成績上來說,雖未及港島名校的上上游,但自問目前亦能位於上游
要逆流而上的話其空間亦不小......
*內地升學有大部份學生只係因為升唔到大學和/或能力有限而選擇內地升學
*但我係其餘小部份人之一:雖或許有變數,但入港大的機會絕對不少
我適唔適合內地升學?
始終我怕"同步化",不想被人以"升唔到香港既大學先揀大陸黎升"的眼光黎睇


當然,我大部份機會都係係香港讀大學,不過也想考慮一下內地升學!
謝謝!

補充小小,
Cert-level既chem同bio我亦唔錯,從學校老師學到的比會考程度亦高出不少
中英文能力中上,表達能力亦算中上,普通話也能應乎(雖未能流暢到隻字不錯)
亦即是說要我用普通話作日常生話語言來溝通也不至於有恐懼......
最重要的是,我對求學熱誠及興趣,尤其科學,係絕對的高!