傾禮金和酒席, 仲要傾咩??

要幾多禮金, 幾多圍酒席, 要唔要唐餅(如要又要幾多), 要幾多西餅, 過大禮又需要什麼, 回門要乳豬定燒豬(我有朋友因為冇問清楚,結果係婚宴上鬧交)
告訴女家你屋企需要女家回什麼禮, 當然你梗係事先問定啦!

**記得帶定簿仔同筆mark低, 最好梗係你地各自探吓口風先, 同屋企人有共識先啦!

祝你好運!

2010-01-20 19:00:19 補充：
仲有結婚日期, 時間, 上頭, 出門, 回門嘅時間.

2010-01-20 19:17:45 補充：
係邊度擺酒? 酒樓定酒店? 想近邊區?

2010-01-20 19:19:50 補充：
去唐餅店攞定唐餅嘅catalogue.

2010-01-20 19:27:51 補充：
仲有最重要嘅, 千萬唔好自己問, 叫女朋友私下係屋企問, 就係D人情點分? 係女家收番女家親朋好友嗰份, 定係連你女朋友D同事, 同學, 朋友嗰份都收埋? 還是唔收都冇所謂?
**千萬唔好俾人知係你想問, 叫你女朋友千萬唔好出賣你喎!**

我是已婚漢, 你話女方家長傳統. 咁你要在這一兩天問清楚, 再了解男家能否做到. 雙方家長一齊食飯, 一早有暗盤達成共識, 總好過面對面講數.

家陣不是你做功課, 係如何去滿足雙方家長辦婚禮,
對方要什麼, 不等如你一定做到, 但須要對方接納.

傳統, 係可以是一件很多很多的形式, 我的目標是尊重並盡力簡化傳統. 因為我想用最簡單的方式娶老婆和令外父外母接受我.

唔使咁煩既..就叫佢地一次過比錢(包禮金,酒席),唔使分咁多樣.
過大禮個0的,你要問你阿媽想要幾多LAW..因為有0的人.唔想煩都係要現金.

如果你阿媽想派餅.咪問下幾多担先夠.過禮個日(要有既野通常係海味...如干謠柱,飽魚,發菜...等等..最好加洋酒..記住就係..每樣都要買2份,去到女家屋企, 女家會回番一份比你).過大禮通常用金豬唔會用乳豬既.

回門先用乳豬.

仲有出門時間丫~上頭時間等等....呢d 到媽媽會識做架啦~