請問由天水圍點去鍘漁涌華蘭路華蘭中心?

方法一
搭港鐵由天水圍站去鰂魚涌站 (南昌及香港站轉車)車費成人八達通$22.7, 車程約1小時。
步行去華蘭中心有兩種方法:
a) 於鰂魚涌站A出口出到地面轉右直行, 跟住搭扶手電梯上行人天橋過對面馬路油站果邊, 之後沿電車路直行到第一個街口(濱海街)轉左直行到尾, 跟住轉左第一幢大廈就係華蘭中心。
b) 都係於鰂魚涌站A出口出到地面轉右直行, 跟住搭扶手電梯上行人天橋,即住直行入太古坊寫字樓大堂, 一路直行到康和大廈先落地面, 對面就係華蘭中心。
兩種方法步行大約5-6分鐘。

圖片參考：http://farm5.static.flickr.com/4046/4288936491_57b106c43e.jpg

方法二
搭城巴969 天水圍市中心- 銅鑼灣(摩頓台) 車費成人八達通$21.4, 車程約70分鐘。
上車地點: 1)天恩路輕鐵天榮站對面(即天水圍市中心總站), 2)天華路天晴商場外, 3)天葵路嘉湖山莊美湖居外, 4)天城路天水圍天主教小學外(即景湖居巴士站), 5) 6)天榮路嘉湖山莊翠湖居第6座外, 7)天瑞路天瑞商場對面, 8)天瑞路天水圍公園外, 9)天瑞路天水圍公園外, 10)天耀路天耀邨耀民樓外, 11)天福路天祐苑祐康閣外
落車地點: 干諾道中怡和大廈外
或搭城巴967 天水圍(天恩邨) – 金鐘(西) 車費成人八達通$21.4, 車程約70分鐘。
上車地點: 1)天瑞路天恩商場內(即總站), 2)天華路天悅邨多層停車場外, 3)天華路天晴商場外, 4)天葵路天晴邨晴雲樓外, 5)天秀路天富苑能富閣外, 6)天瑞路天澤商場外, 7)濕地公園路俊宏軒第6座對面, 8)天葵路12號香港青年協會李兆基書院外, 9)天葵路嘉湖山莊美湖居外, 10)天城路天水圍天主教小學外(即景湖居巴士站)
落車地點: 干諾道中大會堂外
兩架車落車後都係喺同一巴士站轉搭新巴2號 港澳碼頭 - 西灣河(嘉亨灣) 車費成人$4.1 , 車程約30分鐘。

落車地點: 英皇道1037號惠安苑A座外
落車後向車尾方向直行到第一個街口(華蘭路)轉右, 直行過咗港島東中心, 下一幢就係, 步行約3分鐘。

圖片參考：http://farm3.static.flickr.com/2735/4288936647_f550ed2054.jpg

補充: 搭港鐵到太古站落車都可以, 用B或 A1出口都得, 用巴士附圖可以睇到。