算不算刑毀?應如何處理?

男朋友整斷鐵鏈, 已經係刑事毀壞. 你有3個做法:
第一當然係向警方供出當時係你男朋友揸車. 呢個係合法合理嘅做法. 佢始終要為自已嘅行為負責. 警方會控告佢刑事毀壞. 如果佢認罪兼求情, 話當時一時氣憤, 而家好後悔, 願意賠償, 咁就只會罰錢, 唔係好大件事. 留案底就少不免啦!但你供佢出嚟時, 最好先同佢講聲, 否則分分鐘反面.
第二就係話唔知當時司機係邊個. 條車匙放喺屋企, 唔知邊個揸架車, 問過亦無人肯認. 警方有可能會告你刑事毀壞, 但事實上, 告你嘅機會好細. 因為刑事毀壞係公訴罪行, 唔同超速駕駛呢d簡易治罪罪行可以揾唔到司機就告車主. 而且就算真係告你, 上到庭你有不在場証據, 錄影帶影到果個亦唔係你, 一定告你唔入.
但係, 你話唔知司機係邊個, 一定要好肯定唔會被人踢爆. 警方好可能已經有你男友嘅樣貌(錄影帶), 只係唔知佢係乜水啫. 你供唔供佢出嚟, 都會要去警署落口供. 到時警方好有可能會俾相你認. 咁你答識唔識佢吖?? 答識又死唔識又死…你講大話, 俾警方發現, 你會係落假口供 / 妨礙司法公正, 比刑事毀壞大鑊好多, 正式一身蟻.
第三就係你認係司機去負責. 但你無聽過謝霆峰單頂包案咩? 你兩個中硬妨礙司法公正, 坐硬!
照小弟愚見, 都係將警方找你呢件事同佢講, 然後話俾警方知司機身份. 一人做事一人當, 佢真係愛你, 唔會要你講大話害死你嘅. 罰錢啫, 咁小事案底, 3年後就無咗啦.
最後提醒你: 屋苑報咗警, 佢哋而家係証人. 你絕對唔可以接觸佢, 試圖私下搞掂, 否則你就係妨礙司法公正!

2010-01-20 16:00:55 補充：
不會有影響. 有案底只係唔可以做上市公司主席或董事 (重要睇吓犯乜罪, 唔係完全唔做得). 對私人公司無影響(除非法庭持别下令禁止). 而且咁小小事, 根據罪犯自新條例, 佢3年後可以有條件下 "洗底".

2010-01-25 23:07:34 補充：
eric兄可能耐無接觸刑事案, 亦可能我用 “證人” 兩字唔多啱, 令你誤會. 唔好意思!
我想指出, 而家搔擾complainant, 亦算做 obstructing the course of justice. 並非一定要上court及有verdict先算係妨礙司法公正. Police bail 嘅 conditions 一定有 “不可搔擾任何有機會出庭作證人仕” 一項.
用第三者, 同自已 “出手”, 並無分別, 一樣係妨礙司法公正.
如有請錯, 請多多指教!

peterchan 知識長的意見絕對是真知灼見，建議發問者和男友面對現實！

勿因小失大，試圖以一個會造成更大傷害的謊話，去掩飾一個原本不算嚴重的過錯！

屋苑閘口多數有閉路電影錄影,可能已經拍到妳男朋友個樣,去到差館果陣警方實問妳識唔識佢,如果妳答唔識,咁就係誤導警務人員同妨礙司法公正,勸妳都係從實招來好d

首先你再到現場, 拍下你認為對你地有利的證據- 入口的各樣問題. 你男友可以唔出現, 因為費事俾人扯開話題. 搜集沒有明確指示; 無人當值..等的證明後, 就同佢地傾下- 以第三者角色了解, 是否誤會?

有無其他解決辦法? 唔好咁快話- 賠償先! 因為蝕硬招, 大數對方行政失當!- 因為真係唔清唔楚, 先會咁. 因為佢地話唔告, 攞多份澄清口供, 應該擺得平! 最蝕就係你個fd- 攪完又走埋人!

不過唔緊要, 差人方面都係靠嚇, 响依個情況, 你地攪得掂..佢唔會拿屎上身. 平常心; 拜下神, 走去同佢地傾下啦...無事既!

2010-01-19 20:10:22 補充：
....差人未擺上法庭既CASE, 保安仔只係- 舉報人; 或叫投訴人. 所謂口供- 都叫調查報告...可以唔查都得! 踏入法庭照紙讀後- 先叫證人身分. 到入罪後法庭有個叫HEARING RESULT, 由警方檢控自己代行通知報案人, , 保安仔都被視為- 舉報罪行. 上文曾建議, 用第三者去了解保安仔立場, 有D可能話- 撞爛賠錢...為的係金錢賠償都唔定. 了解後再講!