鎖車與刑毀

男朋友整斷鐵鏈, 已經係刑事毀壞. 你有3個做法:
第一當然係向警方供出當時係你男朋友揸車. 呢個係合法合理嘅做法. 男朋友始終要為自已嘅行為負責.
警方會控告佢刑事毀壞. 如果佢認罪兼求情, 話當時一時氣憤, 而家好後悔, 願意賠償, 咁就只會罰錢, 唔係好大件事. 留案底就少不免啦! 但你供佢出嚟時, 最好先同佢講聲, 否則分分鐘反面.
第二就係話唔知當時司機係邊個. 條車匙放喺屋企, 唔知邊個揸架車, 問過亦無人肯認. 警方係有可能會告你刑事毀壞, 但事實上, 告你嘅機會好細. 因為刑事毀壞係公訴罪行, 唔同超速駕駛呢d簡易治罪罪行可以揾唔到司機就告車主. 而且就算真係告你, 上到庭你有不在場証據, 錄影帶影到果個亦唔係你, 一定告你唔入.
但係, 你話唔知司機係邊個, 一定要好肯定唔會被人踢爆. 警方好可能已經有你男友嘅樣貌(錄影帶), 只係唔知佢係乜水啫. 你供唔供佢出嚟, 都會要去警署落口供. 到時警方好有可能會俾你男友嘅相你認. 咁你答識唔識佢吖?? 答識又死唔識又死…你講大話, 俾警方發現, 你會係落假口供 / 妨礙司法公正, 比刑事毀壞大鑊好多, 正式一身蟻.
第三就係你認係司機去負責. 但你無聽過謝霆峰單頂包案咩? 你兩個中硬妨礙司法公正, 坐硬!
照小弟愚見, 都係將警方找你呢件事同佢講, 然後話俾警方知司機身份. 一人做事一人當, 佢真係愛你, 唔會要你講大話害死你嘅. 罰錢啫, 咁小事案底, 3年後就無咗啦.
最後提醒你: 屋苑報咗警, 佢哋而家係証人. 你絕對唔可以接觸佢, 試圖私下搞掂, 否則你就係妨礙司法公正!

此案已由警方跟進，在這裡公開問答，此乃妨外司法公正。各位，你們（包括問及答）都已經觸犯法例了！！請停止再發問或回答。

問的人，請妳到法援或找附近的區議員查詢。問問題是不用錢的。找適當的顧問是不犯法的。

其府有明文規鎖的類型，照你所講用鐵鍊一定不合付規格，所以你去差管落口供時你可以話，唔知比什麼人鎖車，懷疑有人非法鎖車，只為他們使用的鎖並不是政府規定的那種類型，所以自行剪鎖
要打官司多數打得甩


2010-01-20 15:52:43 補充：
http://image.wenweipo.com/2007/08/12/hk0812c4.jpg
合法的鎖車用鎖

2010-01-20 16:02:07 補充：
http://www.discuss.com.hk/viewthread.php?tid=9248254&extra=page=2&filter=0&orderby=dateline&ascdesc=DESC&page=2

有關的資料

2010-01-24 17:17:41 補充：
我不是妨外司法公正，而是提出合理的辯護理由，如果唔係，向新界呀貓呀狗都可以鎖你車要你比幾百元開鎖？

2010-01-26 13:41:04 補充：
仲有刑事毀壞都要睇下乜野動機，我將把鎖，鎖向你隻腳度，你整爛就告你刑毀得唔得？