主動向男生表示但他沒有回應, 怎辦?

我識左佢幾個月, 見左幾次面, 每次出黎都係食下飯打發下時間, 通常都係我做主動搵佢, 平時只會msn傾計, 唔會sms/tel傾無聊野!! 第一次見面印象唔差, 後來識落對佢有好感, 有次因為教佢一d野才上去佢屋企, 個次佢家人都係度的~

佢性格除左工作之外就好懶, 又好易累, 唔係出去做野就係在家訓, 佢既工作冇固定時間, 所以我都好難捉到佢幾時係屋企~

直至前日, 我因工作關係要由朝到夜晚, 中間時間有個break, 就去搵左佢, 上左佢屋企歇下, 佢個時仲未訓醒, 其實佢應該要起身, 但佢去完廁所仲係張床度, 佢預左個位畀我咁, 我就hea左一陣, 我原本上黎恰下, 但冇諗過要同佢訓, 佢個廳係冇梳化之類畀我休息, 唯有就入佢房訓~ 佢就問我怕唔怕唧, 我話咁又點, 佢話想唧我, 之後就唧左我幾下, 我好驚, 我縮埋一舊交叉手擋住心口, 個一刻係feel到佢想周圍摸既成份, 我就起身, 佢就shop左話訓覺~ 跟住大家就恰左一會~ 佢alarm響起要起身, 佢係咁賴床唔起, 我叫佢起都唔願, 佢就越訓越埋, 佢唔起我就起喇~ 之後佢就好趕換衫衝出門, 到樓下就say bye~

我事後想番起件事都覺自己好衝動, 做乜要上去同佢一齊訓? 而且佢又未係我男友, 當時既反應仲係大家試探緊大家咁~ 到了第二天佢msn/tel都冇, 我做到咁出真係一d反應都冇? 定係佢唔識做還是懶到咁? 真係唔知佢想點~ 直至昨晚都在msn同佢講左幾句, 話昨日其實我好尷尬, 我唔係一d咁隨便既女仔, 佢既反應係叫我忘記件事, 又問我想點, 我冇答, 跟住就一味叫我忘記, 我真係好失望, 點可以咁架? 究竟我好唔好再落去? 定係等佢既回應? 好煩呀~

岩岩佢用133打畀我, 我喂佢又收線, 我好肯定係佢, 因為佢通常搵我都係唔會顯示電話, 加上接通左係會"卡"一聲的, 在msn問佢有冇打佢又答我冇囉~ =.=

請各位畀d意見我喇~ 我呢方面真係經驗唔多~