牧場物語 - 風之集市問題

1. 我想問下收割ge問題, 每到轉季, 所有ge農作物就會枯萎, game會有提示要提早收割, 係咪用簾刀? 我買左把, 轉季前一日就用黎收割, 但點解, 一割就咩都無ge? 唔係用簾刀ge咩?

其實遊戲系統提示你"提早收割",即係叫你要喺轉季前收成,如果唔係農作物會枯萎(收割=收成)

2. 另外, 我養d貓貓狗狗都正係幫我放一隻動物, 點樣先可以提升佢地ge友好度同埋訓練度, d雞同羊cow,係點樣提算友好度嫁?

訓練:
貓:喺村長道買貓鈴(市集時)
狗:喺村長道買狗骨(市集時)
貓鈴同狗骨係隨機出現嘅...

增加友好度:
除咗日日餵飽佢哋之餘,仲要
貓:用手舉起,使用聽診器,訓練時(?)
狗:用手舉起,使用聽診器,訓練時(?)
雞:用手舉起,使用聽診器
羊:對住禁B,使用聽診器,使用刷子,剪毛,使用牛鈴召集
牛:對住禁B,使用聽診器,使用刷子,擠奶,使用牛鈴召集

3. 農作物ge品質點提升?

可以日日用肥料(紅色商人有售),有咗可以製作肥料嘅風車後可以自己製作出更好嘅肥料,大大提升農作物品質

4. 木材係點樣整嫁?

對住樹枝用斧頭就有木材,石材都係同樣道理,對住石頭用錘頭

5. 點樣提升朋友ge友好度, 係咪要成日同佢地講野呀? 因為我無佢地中意ge野呀. 就算有都囉左去市場日賣lu.....

日日講嘢係會加友好度嘅,不過升得唔多,送禮物最有效提升友好度...其實佢哋鐘意嘅嘢有D喺地上就執到,好似花,香料咁...

2010-01-18 18:26:49 補充：
1.聽診器係用噄睇吓佢哋有冇病嘅,
個樣就好似平時睇醫生用尼聽肺嗰D,
如果我冇記錯聽診器係喺村長道買嘅...

2.你開咗瀑布旁邊嘅風車未?
尼個風車可以做種子,
如果係普通農作物嘅話就係將農作物放落去,
例:土豆--->土豆種子
如果係用果樹種嘅果實,(要加肥料)
例:蘋果+肥料--->蘋果種子
其實002嘅意思係話你可以不斷咁升農作品嘅品質...
因為你可以用以上提及嘅方法不斷重複,(當然你喺種植時要落肥料尼升品質)
咁樣你就可以得到高品質嘅農作物

1.
因為呢,轉左季就唔適合種前果季既野架啦,所以隻game叫你快d收成左佢/割左 佢,你自己計住31號/唔夠時間就唔好種咁就得架啦^^
2.
貓呢,你同佢玩多d鈴鈴,即係飛出去等佢汁番黎比你,玩得多,就會同你fd d,會幫你拎多幾隻雞出黎
狗呢,你就dum舊骨出去,隻狗見到會幫你拎番番黎,玩多幾次好感度就會高d,會幫你趕多d動物番屋企
雞羊牛只要每日同佢地講下野,刷牙毛,渣下奶,剪下毛,佢地就會開心架啦^^
3.
你只要落肥料就會升半粒星,半粒星之後,係風車入面變佢做種子,種出黎既野就會係1.5粒星,1.5粒星既農作物種既時候再落肥料,就會變做2粒星,再放入風車,再種,
如此類推
4.
用斧頭劈落街邊既木度就有木材,用錘打街邊d石就會變做石材
5.
送d花比佢地就得架啦