為何法國人是最懂得食的民族?為何世上大部份食家都來自法國?

法國人最識嘆偏偏又係最懶

05.05.2009 16:32












【商台互動國際組】邊度嘅人最識嘆世界？好多人都知答案係法國，因為佢哋最食得、著衫又有taste，兼且成日都好似悠哉悠哉咁。近日，經濟合作發展組織（OECD）就公布咗一項最新統計，以一系列數據證實法國人唔單止最識嘆世界，亦都係最懶！

全球一共有18個國家參與是次調查，內容包括睡眠時間、食飯時間、休閑時間、同埋肥胖率等。結果顯示，法國人每日平均睡眠時間係9個鐘，美國係8.5小時，而韓國就最短，得7.8小時，因此法國得到咗「貪睡王」稱號。而法國人每日會有2個鐘會喺飯枱前度過，美國、加拿大同墨西哥人僅僅用1個鐘左右，係法國人嘅一半，所以法國同時亦奪得「貪食王」之稱，但原來工事繁忙嘅日本人亦都係用差唔多兩小時食飯，僅次於法國人及紐西蘭人。雖則連數據都話佢哋係最懶，不過唔少接受訪問嘅法人就認為自己懂得享受生活，更加話三文治、漢堡之類快餐要留返俾美國人！

調查亦發現，居住於寒冷北歐嘅挪威人休閑時間最長，平均每日會用四分之一時間享樂；而墨西哥人就最短，得七分之一時間左右。至於全球關注嘅肥胖問題，美國依然「穩居」榜首，超重人口達到總人口34%；而最fit嘅係韓國人，全國僅得4%人超重。
除咗食同瞓,調查中亦顯示各國人民得閒無嘢做時最中意做啲乜, 出咗名勤力嘅日本人最主要嘅休閑娛樂係睇電視，平均會花費約五成嘅空閒時間喺睇電視上；而G20中最窮嘅土耳其人就最中意社交活動，會用35%嘅時間進行各種社交娛樂。

本來應該係中國人, 不過..........中國人越食越變態.......