✔ 最佳答案
well,你應該唔係姓李讀中三咖可…隨口問下。
1)究竟結他好??定Bass好??
冇話好唔好既,但bass存在感一定冇guitar咁強,有啲農夫默默耕耘既感覺。
2)可以話我知結他同Bass要幾錢一把??(一手同二手)
樂器呢家野,價錢同質素絕對係成正比
有平有價,平既(我講有brand果啲)千o靚蚊,貴既去到幾萬蚊都有。
其實bass同guitar都差唔多價,新手一手package既話都係around二千左右。
二手你要預散買,未必抵。
3)邊樣易d???
兩樣都係易學難精,冇話易唔易,但玩bass可以會覺得悶,建議玩guitar先,慢慢就會感覺到其實bass都幾有趣,我就係咁,而我有個朋友就岩岩相反,學左bass冇耐就覺得guitar好玩啲,搞到冇晒heart。
4)咁彈Bass需5需要d咩配件一齊???
同guitar一樣,你主要係需要一個amp(結他用既喇叭,bass=低音結他),調音用既tuner(當然,你唔tune又唔會死既),其他(唔係必要)就strip、pick(s)、拍子機等等。
5)如果比較keyboard,鼓,Bass同結他?邊樣好??
邊有得比架,完全係睇你自己興趣!不過anyway,我都俾啲我個人既睇法你參考下,你最終都應該諗下自己興趣響邊。
keyboard,你未學過琴唔洗諗,而家識琴既人太多喇,是但搵個都好過初學者。(當然,keyboard=/=piano,但有個底實好好多)
drums,你要有番咁上下拍子感,雖然呢個唔係大問題(?),但drummer要搵地方練鼓都幾唔方便,租鼓房要錢,自己band房又遠/未必有,淨係上堂練又唔夠皮,買套軍鼓番屋企又嘈到人,買電鼓又貴 (今日響柏斯先見到套全網roland 一萬七…) 。
guitar,你想玩到勁就預左要時間,同埋佢都幾洗錢,因為你玩玩下就想換支靚聲啲既、靚仔啲既。但我覺得佢除左solo之外,你得閒可以當木結自彈自唱,都幾過癮。
anyway,仲有好多其他位,vocal、混音等,點都係睇你興趣,難唔難根本唔算問題。