倉鼠柯綠色便便

有綠色既排泄物有以下可能:
A.食左有綠色既食物
食左有綠色既食物都有機會會令便便見到綠色,留意返有冇鼠食物係綠色,有D食物色素太多都會呈現在便便入面


B.受驚
受驚都會有青便既情況,因為膽汁係青色既,鼠鼠受驚有機會誘發疾病,特別係皮膚及腸胃既問題,所以要特別留意鼠鼠身體及排泄物有冇異常,新鼠未習慣特別易受驚,如果太快接觸鼠鼠,鼠鼠就更驚


而家可以留意以下既事:
1)檢查鼠鼠身體及排泄物睇下有冇異常,有事就要盡快處理,檢查便便方法
a)嚴重既好易分,會明顯地見到鼠鼠既便便爛同濕,如果初期既肚瀉就較難去分
b)你可以拎鼠鼠既排泄物上手咁下,最好係佢排出唻冇耐(過一陣,1分鐘度啦,即摸好易係好林),睇下會唔會好林,唔洗擔心,佢身體冇咩事既話唔會好臭.其實最好係成日咁樣去檢查鼠鼠既排泄物,因為如果之前你冇掂過,就好難分係咪特別林or硬左,我成日都會咁做
c)留意鼠鼠肛門一帶會唔會成日濕濕地,但便秘都會濕,但應該唔難分佢係肚瀉定便秘
d)清晒個籠之後,再仔細留意佢既排泄物係咪真係比平日多左,如果平日冇留意既話,就較用呢個方法難分,不過多數之前講既方法已可分到


2)除左檢查外,就唔好打擾鼠鼠,唔好抱鼠鼠住


3)如果有第隻鼠就要分籠,鼠鼠係獨居動物,有第隻鼠一齊都會更神經質,又易咬人,而且兩隻鼠仲好易會打交


4)留意鼠鼠有冇飲食,有時鼠鼠受驚就唔食唔飲


5)到鼠鼠正常返d之後,再俾佢靜多兩日之後,可以試返呢個方法,慢慢同鼠鼠熟,唔好太心急,唔係反而對鼠鼠唔好:(耐左都同鼠鼠唔熟,都可以試下做)
a)你可以隔住個籠叫多d佢,在籠邊拎d野食引佢埋唻(主要係想有食物袋既聲音俾佢聽到),隔住個籠俾野食唔會咬到你,唔洗擔心;唔一定要拎零食引佢,拎主糧入面既野食都ok架啦,唔食零食會健康d.日日叫佢都有野食既話,佢好快就會記得你把聲or裝食物既袋既聲音,我覺得鼠鼠認食物袋既聲比較快
b)叫鼠鼠既名時,最好用疊字,會令鼠鼠更易記得,平日對鼠鼠既指令,例如叫鼠鼠食野之類,都最好用疊字或簡單聲音,鼠鼠係聽唔明你講野既內容,只係會記聲
c)等到你地熟d,做到你一行過佢就行埋唻or冇咁驚你,之後你可以試下伸隻手入籠隻俾野佢食
d)再熟d再試下俾野佢食既摸下佢頭or身
e)佢都唔抗拒之後,可將食物放在手心,等佢行上唻食,慢慢佢會習慣左你既手
f)再熟d就可以抱佢,抱既時候唔好忽然由頭or從後抱起佢,咁會令鼠鼠以為有敵人攻擊,最好慢慢叫住佢先抱佢,如果抱唔到,可以用乾淨既杯唻俾佢上去咁樣抱

2010-01-21 15:08:02 補充：
食左有色素既食物會令身體唔好,可以用熱水浸下D食物,睇下D水有冇色
令鼠鼠冇咁驚就要留意返B項講既事

唔同意樓下網友maing1338既講法,希望網友唔好介意及可留意一下:
只係從便便係綠色並唔可以話鼠鼠有肚瀉,係咪肚瀉要睇返便便既狀況,如果便便質地冇異常就食止瀉藥,會傷害鼠鼠既身體,又或令鼠鼠出現便秘既問題

疴綠色便便，表示牠有少少腸胃病，可能是凍病，因為最近凍，你留意為牠保暖，你可買止疴葯水，混合飲水樽給牠飲，停止食生果或菜，請記注倉鼠只可以食倉鼠糧食，不要隨便給其他食物

您問下 杰 la,he will answer you

唔洗咁緊張,佢可能胃部有點不清潔,有時係會咁樣的,唔洗理會,柯幾次應該唔會再有,柯係正常的,人都會柯綠便