點樣可以生快D？ 下個月預產期

大部份既答案以上幾位都答晒，我都冇謂再重覆

我生左兩個，兩個都冇用任何止痛方法，純粹靠深呼吸。兩個B生產時間差唔多，由覺得痛開始計，三個鐘就出世。一個6.5磅，一個7磅幾8磅

最痛係開到7度，陣痛既時候會有好急好急好急屎既感覺，但係你又唔可以出力谷佢，要忍住。不過當你忍得過呢關，好快就可以用力生個BB出黎架喇

到時最緊要係要放鬆，你越驚越緊張就會越開得慢，咁你就有排痛。深呼吸係一個好有效既放鬆方法。你可以先練習，用鼻吸氣，吸到盡直至胸肺脹大到再吸唔到氣為止，跟住慢慢用口呼出黎，直至呼晒為止。呢個過程大約會用15-18秒，係開到7度既時候，我自己可以重覆呢個動作4-5次，咁你而家就大約估計到到時會痛既耐一次

另外你最好就唔好係痛既時候嗌，一來助產士同醫生都唔多喜歡D咁嘈既孕婦，二來嗌到攰晒，到生果時就氣力去生。因為由你開到可以用力生，直到BB出世都仲需要一段時間，快既十幾分鐘，慢既都要半個鐘。係呢段時間你要用晒你畢生既氣力去谷個BB出黎。所以若果有穿水或者見紅要入院既話，第一時間唔好走去沖涼，係要食個飯先。沖涼你前一日都應該一定有沖涼啦，隔左一日都唔方會污糟得去邊，但係你入院之後就未必有機會食飯架喇。因為入院後首先要訓床CHECK下BB心跳，咁岩係食飯時間既話就算你好彩啦，如果唔係就要等到下一餐先有得食。但若果到時你開始痛，咩都食唔落。又若果你需要吊催生針既，咁你就唔使旨意食喇。雖則到時會幫你吊埋鹽水，但始終都冇食飯咁有氣力。一吊吊十幾個鐘，真係生到腳軟架！

2010-01-15 16:09:14 補充：
補充一點，係你可以用力去谷個BB出黎果時，記得聽助產士/醫生既指示先好用力，否則好易會傷到會陰位置，甚至爆裂

1)其實個個都唔同..好難可以講實比你聽幾耐到生到個b出黎.
生BB係10級痛,你每開1度..你就會痛1度...(不過我記得我開到3度果陣.已經想暈)
2)行多d.食多d涼既野.(例如:綠豆沙,腐竹蛋);但到你生既時候,你記住一大痛,你就出力痾個b出黎..甘樣可以幫你加快生BB既過程

1.一般來講，由見紅穿水入醫院開始計，到生個BB出來，要幾耐？ 最痛是幾時/什麼階段？

呢個真係因人而異, 有D BB大件D會生耐D, 細件D會快D
我自己第一胎, 因見紅入院, 住左兩都無跡象要生, 就要同我催生, 我仲可以自己行入產房
姑娘同我穿水計至生, 前後用左四個幾鐘, 但我個仔得5.5磅喎, 屬細仔會易生D
我有個朋友生個仔成8磅幾, 佢用左三十幾個鐘先生到, 仲要做埋無痛分娩
所以真係個個唔同
最痛係開到7-8度 唔係肚痛係尾龍骨位勁痛同有勁急屎感覺(但只係感覺)


2. 我明白痛是避不了，但是我希望自己的產程可以越短越好，痛的時間可以短D。現階段有什麼可以做，等到時可以生得快D？？ 聽人講懷孕時行多D，會容易生D，是不是真的？？ 一日行幾耐好？（我每日都有出街，前前後後加埋，一日都會行到1～2個鐘，夠不夠？）



行多D係會快D生, 行樓梯最好, 不過真係要好小心, 因為個肚會阻擋視線,
同埋唔好自己一個人去行, 要搵人陪呀
(我果時行屋企樓下樓梯, 唔會太多級, 十級以下, 重覆上上落落, 又有人見到, 有咩事都有人知)
仲可煲D涼野食--腐竹蛋, 綠豆沙, 芝麻糊, 呢D都有幫助, 但都要視乎你自己體質
首先試少少, OK先再食多D

你快生啦，你要行多d呀，早上行1-2個鍾，晚上食完飯又行1-2個鍾呀，那對你生bb時好有幫助，生bb要幾耐，好快，但bb未出生時的陣痛就好辛苦，尤其第一胎，陣痛痛1幾先入產房生都唔出奇，但有d人陣痛幾個鍾就入產房生，所以你發現有陣痛或穿羊水就入醫院呀，陣痛指痛一陣隔幾分鍾或＋幾分鐘又痛。

1. 第一，唔可以用見紅來計算，係以穿水時間而定，穿水24小時內要生，唔係就好大機會感染。第二，見紅亦唔係必要入院，係要有定時陣痛或穿水就一定入院。第三，要幾耐真係個個唔同，通常第一胎係長時間d，但有朋友都係2-3個鐘就生咗，無得講！有d人見紅痛咗十幾個鐘都係開得幾度，要催生，再生仔，可以長達40個小時唔定，而最痛時係尾段，但我就覺得催生後係重痛，想生但助產士又叫你唔好生住係最難頂。
2. 物理治療師就叫人行多d同做多d產前運動，產前運動就令bb的出生體位正確，出世易，而行多d就開快d！至於一日行幾耐就量力而為，因為有些孕婦個肚好大同好低，好快攰同痛，人人不同！

用幾多時間才生得出，其實每個人都唔同，而每個人穩痛的能力都不同。每個階段都有唔同的程度。行多些是真的有幫助，不過要小心。可以看i-cable裹面的一個節目home and health，裏面的媽咪都會做運動，不過每個人體質不同，最好先問問你的婦產科醫生。祝你心想事成。