成日被家人每日催婚,真係好煩呀!!

你屋企人都係關心你姐
你自己都話你身邊只有女性朋友
係佢地角度都係出自好心怕你嫁唔出-.-..
介紹男仔都係為你做機會姐~其實都無咩野既
真係唔岩既咪當識多位男性朋友lo
你係後面講會羨慕人地..但係你連機會都唔比對方同自己..又何來搵到鐘意既人呢?

我都有自己鐘意既男仔
識左好耐..見住佢由無女朋友變到有女朋友
又何來唔會傷心呢..
但係始終都要醒~明知無可能做咩仲要等黎自殘自己呢?
放低真係唔易..
我嫁陣已經想放底7個月..都未放得灑
但係至少比個機會人亦比個機會自己會好d..

成日被家人每日催婚 , 佢地只系關心 / 擔心你 !

家人當然想你得到幸福 !

( 一雙一對可以光明正大地拍拖,真係好羨慕人家)

系 ! 佢地表面系好開心 , 但實際上又系咪真系甘開心 ?

要佢地自己本人先會知 !

( 好多時佢地吵吵鬧鬧 , 旁人系冇人知 )

好多人拍拖只系為吾想寂寞 , 吾系真心愛大家 !

甘拍黎冇意思 !

一定要大家岩 feel 先會開心.

( 以前我都好似你甘, 羨慕人家 , 所以試下拍拖 ,

點知 : 被人呃感情 , 傷到入肉 ! )

所以真系要睇清楚個男人系咩人先好拍 !

你更吾需要羨慕人家 , 吾系一定要有拖拍先會開心 ,

寄情於事業 / 朋友 / 家庭 , 一樣會開心 !

你這個問題, 我身邊朋友都有, 我自己屋企人之前都係咁, 總之一日未嫁係屋企出現佢唔想見到咁, 還會駡呢! 迫到你一定要搬走咁, 我自己事隔幾年, 問返屋企人同現身邊朋友看法, 大致如下:

屋企人角度: 老人家思想, 覺得一生人一定要揾個伴, 老來有倚靠, 最好有兒有女, 老左還有囝女照顧, 老人家會想佢哋始終有一日要離開, 怕離開後放唔低, 擔心你到時孤獨到老, 有病時無人照顧、慰問, 唔開心時揾唔到人傾談。因為你身邊朋友/ 兄弟姐妹到某個年紀已經成家,通常自己成家後大多照顧自己囝女或伴侶已好忙, 再不是兒時/單身時可以隨時出來傾談、出來玩果種心態, 關係變得比以前無咁親密。 故此, 佢哋係出於關心, 可能係見你返工太辛苦, 找個好歸屬你就唔使捱及著力工作揾錢。但現時環境真係唔係人人得, 好多為頭家大家公一份婆一份。

我自己的角度係隨緣, 勉強無幸福。"命裡有時終需有, 命裡無時莫強求。"千奇唔好因為屋企人成日要快快趣趣找一個, 胡亂揀一個, 到最後係無好結果, 而且你會在過程之中很痛苦。若自己揀的, 無論另一半將來好與壞, 起碼是你情我願, 後悔咪最多離婚, 起碼叫經歷過, 現時離婚在香港己很普遍, 但當然係大家唔希望發生的事。 而屋企人安排介紹, 你看看情況, 如果之前係見過幾個, 好似勉強將個女要賣咁, 咁你要好好同屋企人講清楚你的想法, 無謂令大家花費時間和精力。如果未安排過, 而你又想, 咁咪安排一兩次見見 (有的話),通常老人家自己安排的好多都未見過,而是搭上搭, 你咪當識下朋友, 啱咪試, 唔啱咪下次唔好出來, 到時話事權係你, 屋企人都知你有嘗試 +誠意 +聽話, 佢哋會順氣一點。

除非你想自己一個唔想找伴, 咁另有一個講法, 不過你用唔到, 不說了 。