法律/毒品

咳藥水係受到香港法例第 138 章<藥劑業及毒藥條例> 所規管嘅第 I 部毒藥. 任何人非法管有第 I 部毒藥, 一經定罪, 可處罰款$100000及監禁2年.
而家有兩個情況, 睇你好唔好彩.
(a). 咳藥水通常主要成份係 Codeine. 根據香港法例, 如果咳藥水含 Codeine 濃度唔超過 0.1%, 咁就唔算犯法. 即係如果政府化驗報告話濃度低過 0.1%, 你就唔會俾人告.
(b). 如果含 Codeine 濃度超過 0.1%, 咁就犯法.
我唔知你講嘅9係指幾多. 一般嚟講, 咳藥水係 "毒藥", 無正式 "毒品" 咁嚴重. 除非藏有好多及有証據顯示你用嚟賣, 否則初犯通常都係罰款. 再犯就有可能坐監. 如果你無案底, 有正職, 份量咁少唔似用嚟賣, 肯認罪加上律師求情, 一般只會罰款 (大約 $2000). 但留案底就無可避免.

2010-01-14 16:49:19 補充：
1. 我唔係太識計 “120毫升內含9mg” 即係過唔過標.
2. 唔會. 得果一支, 你估報告唔使錢咩.
3. 不同類案底唔關事.
4. 千五至二千差不多啦. 亂拋垃圾都千五啦.
5. 攞唔攞綜援同判罰幾多無關. 無錢可向官申請多d時間交.
6. 會. 如你有好多支會當你販賣, 到時唔係罰錢.

2010-01-18 17:19:25 補充：
得果一支, 沒可能判監, 最多罰錢. 不會判感化令或社服令. 每個囚犯每日成本係$700. 感化 / 社服令成本更高. 判你監 / 感化令 / 社服令是浪費金錢.