請問一般按揭程序係點架

1) 現在買樓唔算平, 話就話今年會有10-15%升幅, 但係視乎區份而定, 未必係全部樓有得升。上年好多舊樓價位已去返96年價錢, 但97-98果段升浪當時買左仲有排都未到, 新盤就例外, 因為無乜實際參考, 只是做樓市價格升幅指引同附近還有無新盤推出。如果你唔急切, 又有一筆錢, 可等等。

2) 匯豐/恒生/中銀按揭息率普通, 批核過程嚴謹, 借出銀碼不會太大, 還要按你收入、年齡、樓齡考慮批出銀碼及年期,估價亦相對保守。 建設、東亞、永隆批銀碼、年期、息率會低少少, 而星展、華比富通會以HIBOR計, 看來息率更低但息口浮動比較大及風險高, 你並要考慮每間銀行附加條款, 例如中途贖樓、賣樓罰款或出租息率調整問題, 甚至現金回贈。
至於息率不同, 係看看銀行想吸客而提供的優惠, 你要看看邊間適合你。

3) 一般按揭程序係睇啱樓, 簽左份臨時買賣合約 ---> 問銀行估價--->提供自己/聯名人身份証、收入証明 (稅單最緊要, 薄仔, 定期之類)聯絡律師資料, 銀行通常會在3-7日內回覆臨時批出銀碼、年期、息率) ---> 當你無問題, 就要上銀行簽返份確認信己可以, 之後你再可以順便做埋自動轉賬等手續。

你可以上去 http://www.28hse.com/ 看看相關樓盤價格, 而中原/美聯..等等網站你可以參考下最近成交紀錄價錢會實際點。

至於估價, 你可以參考匯豐/恒生/東亞 樓宇按揭網站, 裡面有埋計算每月供款價錢參考。

1:到中原or美聯樓市成交的網頁，有成交的資料！

2:p是最優惠利率，約5%，p-1.5%即是5%-1.5%=3.5%

3:拿着臨時或正式買賣合約去銀行分行填表:亦会通知利率多少！

a:銀行初步估該單位價值，例如130萬，咁按七成即係按91萬！
b:銀行要最近3個月有出糧月結單，然后以月薪一半估計可否借91萬！當然還有樓齡、買家年紀等因素！

c:分行初步評估ok的話，便sent去信貸部作最后批核，大新銀行先收3000元按金，舊樓要銀行睇樓！亦要通知銀行你用邊間律師樓！

d:ok的話，銀行会通知已批核，銀行会把支票於交易日前交律師樓！


現在買樓貴，不是時机！細銀行普遍利息低D！

小心,上面條LINK是大陸PHISHING SITE, 如果曾登入馬上改PASSWORD