請問現時修讀哪一科會比較有前途呢?? ^0^

前途呢樣野今日前途好唔代表將來幾年後前途都一定好, 香港以前唔少前途好的行業已經變差, 例如: IT、工程. 有些人覺得某科前途好, 乜都唔理就走去讀, 但到市場飽和時, 搵份相關工種係唔容易. 仲有, 你自己性格及興趣係唔係適合去做, 你對某行業無興趣會做得唔開心, 唔開心仲點長遠地做落去?
由於內地競爭及政府欠缺市場觸覺, 香港物流地位已經不斷減弱. 內地成本低, 又不斷起碼頭, 而且貨源多, 內地海運已經比香港發達好多. 空運仲有少少優勢, 但內地及新加坡已經不斷進步, 甚至可能超越香港. 香港如果再固步自封, 香港物流業一定唔夠其他國家競爭.
會計方面, 受惠於IPO及私人機構對會計從業員需求增加, 過往幾年前景算唔錯. 但會計行業一樣會受金融海嘯影響. 上年年初經濟仲係好差, 大型及中型會計師樓已經不斷推出節流措施, 例如放無薪假(但亦要返工)及裁員. 經濟唔好, 升職唔容易(就算升都係加幾百人工), 而且搵工亦係難. 會計行業有好多工種, 學歷要求及起薪點都唔一樣, 所以唔可以一概而論話一踏入會計一定有10k月薪. 會計文員工作前景其實唔穩定, 因為有D公司唔係太重視會計工作, 簿記工作交比會計師樓或會計公司做, 自己唔會請會計文員, 開單開票做紀錄這些工作多數比文員或其他職員做. 起私人機構做緊既怕自己會被裁而自我增值, 而且唔少公司會計工作已經搬上內地.
就算有牌都唔代表前景一定好好, 大會計師樓做到Partner的, 無錯人工真係好好, 但100個新入職都未必有一個將來會做到, 因為好多人做夠3-4年頂唔順就走, 而且會計一行幾講connection, 你connection唔好, 點吸引人幫襯你? 會計亦有D筍工係人地叫你過去幫手, 但通常佢地條件係對公司系統有一定熟悉. 有d人考完牌會申請去私人機構做, 但你幾年核數經驗, 有d人會懷疑你有無足夠commercial experience, 所以一般都會找Internal audit的工作. 將來前景我覺得唔會太好, 有個topic係上年會計界已經係hot topic, 就係香港會接受內地會計師簽發的審計報告. 現時香港法例規定香港有限公司(不論有沒有上市)一定要搵會計師樓audit盤數, 在港上市的公司一定要搵香港會計師核數. 其實呢個topic諮詢結果係讚成多過反對, 讚成包括Big4老闆及一些上市公司(例如匯豐銀行). 如果匯豐意見真係代表大部分甚至全部公司意見, 你覺得香港會計仲有無得做?
Marketing方面, 你要先了解marketing主要有乜方向, 參考資料有條link可以了解下.