選科大煩惱..

先更正你的一個謬誤, 香港是沒有心理醫生這個職位. 如果你是說臨床心理學家, 最基本要求是臨床心理學碩士畢業. 香港只有港大及中大有這個碩士課程, 而且收生人數不多, 所以競爭會很激烈, 成績唔好會幾難同人鬥. 臨床心理學碩士其中一個入學要求是申請者要係讀心理學畢業, 所以你大學要讀心理學. 目前心理學學位無要求學生中學要讀文、理或商, 你符合入學要求就可以選擇, 但收唔收係另一回事.
如果做精神科醫生, 你就要讀醫科. 目前只係港大及中大有得讀. 港大要化學或組合科學(含化學)合格, 中大要化學、生物、物理及組合科學合格. 值得留意係醫科係兩間大學中收生成績頭幾名的科目.
想做物理治療師, 可以去理大讀物理治療, 而該課程特定要求相關單一科學科目/相關的組合科學合格為佳.
設計方面, 理大要求視覺藝術、設計及應用科技或資訊及通訊科技合格為佳.
另外, 我建議你了解清楚每份工要求甚麼性格的人, 以及其工作內容係點, 唔好單睇薪酬. 而加高人工唔等於將來都係, 你想高人工就一定要付出. 而加同事之間可以係互相競爭, 就算人地請你都要好好努力工作.