杰兄請入我有鼠鼠ＧＡ問題想問下

你好,唔好客氣!唔知你而家三隻鼠係一籠一鼠定係點分籠呢?如果唔尊重返鼠鼠獨居既天性,鼠鼠好難同到你熟
A.因為有死鼠既情況,先仔細檢查所有鼠鼠身體及排泄物有冇異常,確定冇唔舒服後再俾佢靜兩日,再試呢個方法慢慢同鼠鼠建立關係,再慢慢抱鼠上手,以下既步驟唔係幾日內就做到晒既事,唔好太心急,唔係反而對鼠鼠唔好,如果鼠鼠太驚,就要再俾鼠鼠靜下,一定唔可以急:(耐左都同鼠鼠唔熟,都可以試下做):
1)你可以隔住個籠叫多d佢,在籠邊拎d野食引佢埋唻(主要係想有食物袋既聲音俾佢聽到),隔住個籠俾野食唔會咬到你,唔洗擔心;唔一定要拎零食引佢,拎主糧入面既野食都ok架啦,唔食零食會健康d.日日叫佢都有野食既話,佢好快就會記得你把聲or裝食物既袋既聲音,我覺得鼠鼠認食物袋既聲比較快
2)叫鼠鼠既名時,最好用疊字,會令鼠鼠更易記得,平日對鼠鼠既指令,例如叫鼠鼠食野之類,都最好用疊字或簡單聲音,鼠鼠係聽唔明你講野既內容,只係會記聲
3)等到你地熟d,做到你一行過佢就行埋唻or冇咁驚你,之後你可以試下伸隻手入籠隻俾野佢食
4)再熟d再試下俾野佢食既摸下佢頭or身
5)佢都唔抗拒之後,可將食物放在手心,等佢行上唻食,慢慢佢會習慣左你既手
6)再熟d就可以抱佢,抱既時候唔好忽然由頭or從後抱起佢,咁會令鼠鼠以為有敵人攻擊,最好慢慢叫住佢先抱佢,如果抱唔到,可以用乾淨既杯唻俾佢上去咁樣抱


B.同鼠鼠熟落左,可以訓練鼠鼠唔好咬籠
訓練唔咬籠我覺得係實用既一項,因為咬籠會整傷鼠鼠鼻同下巴,又嘈,所以我養鼠一同佢熟就第一件事就係訓練佢呢樣:
試下教佢,我習慣見到鼠鼠咬籠既時候就會叫佢,用d好似鬧佢既語氣叫佢,多數佢會停一停,之後又咬過,咁就再鬧,佢一唔咬既時候,我就俾野佢食,慢慢佢會明白,唔咬就有野食.我試過好多次都會學得識,當然可能係要試好多好多次.


C.之後再可以訓練佢聽你話,其實呢樣係由同鼠鼠熟既步驟申延出唻,keep住同鼠鼠咁做,鼠鼠自然會愈唻愈聽你話,聽到你既聲or知你行近,就會訓緊都出唻睇下你
之前我有隻鼠試過走佬,半夜俾我見到佢在廳行緊路,我又未訓醒,就同佢講:"你出左唻邊個俾野你食呀!"(我都唔知做咩會同佢講野,而唔係捉住佢先),跟住佢就行返去籠邊,望住我,好似等我抱返佢入去咁(佢自己入唔返去),當然,唔係隻隻鼠都會咁,唔好亂試
好多隻都試過放出唻玩時會自己返入籠or乖乖地唔亂走,不過呢d我覺得熊仔鼠會較易做到


D.可以買迷宮去訓練鼠鼠
在實際情況下其實就冇咩用,學術研究會有用D,多數用唻測試鼠鼠既記憶力,但實際養鼠鼠唻講,就算鼠鼠識得點行迷宮,都唔代表識認路,而且你放鼠鼠出籠既話,十成十都係走左去
而且迷宮好少見到有得買,我只係見過一次,好似五百幾


熟左之後平日可放鼠鼠出籠行下同玩玩具,放鼠出籠要留意既事可參考:
http://hk.knowledge.yahoo.com/question?qid=7009111801635 第3/項

2010-01-10 21:33:33 補充：
希望網友coffeehk可以尊重一下,唔好多次copy我既回答,我所有回答除提供必要既官方資料外(例如環保署處理動物屍體方法),都係自己親自打出唻,希望大家都可以尊重原創,謝!