馬會更紙 唔見左,點算??

如果你唔見左更紙，你可以打番去你所屬的centre問，因為個個centre唔同電話，你最好問番同你同組的同事會好d。

你更紙入面是你要返的日期及時間，而時間亦會有所變動，你要於返工前最少幾個鐘再打電話去centre問下返工時間有沒有改變。

至於馬會職員可否自己投注馬會的賽事（包括：足球、賽馬、六合彩），答案是：不可以。

其實馬會於職員入職時已經講明職員是不可以擁有職會戶口、投汪馬會賽事等，違者會被辭退，而所獲發的彩金亦會沒收。

曾經有報導表示一名馬會職員投注賽事，並勝出，後來領獎時核對身份時發現是馬會職員，結果馬會引用馬會條例，不對有關人士發放彩金，並辭退有關職員。

2010-01-10 21:55:35 補充：
可以咁講，但都建議你要於返工前最少幾個鐘再打電話去centre問下返工時間有沒有改變。

2010-01-12 19:10:31 補充：
1) 如果出現[戶口結存不足]時,我應該要做D咩??
係唔係同佢講返原因之后,等佢收線?

你可以答：「唔好意思，閣下戶口結存不足，請問有咩可以幫到你？」

因為既然對方戶口唔夠錢，你無可能叫佢「請投注」，你只可以問「有咩可以幫到你」

不過，我試過答呢句比個客「問候」，但呢個係個客的問題。

2)如果每注金額超出上限,係唔係叫佢等等,之后搵組長??? 如果個客話,咁改返個金額,咁係唔係,唔洗搵組長,自己改?? (達幾多要搵)

如果每注超過$10000，就要組長監聽，mon都會有顯示，你就要即時叫組長，並叫個客等等，得組長指示再覆飛。

如果個客改價，就梗係唔需要組長啦。

2010-01-12 19:12:16 補充：
3)如客人要求自動轉脹,就自己處理,但即時轉帳就要轉駁到服務部門1886???
如果要即時提款要點做??

電話投注不可以即時提款的，只可以叫個客去投注站。

4)如個客叫我取消并更改注項,我係唔係要叫佢等等,之后搵組長???
咁如果我發現自己輸入左錯誤的注項時(已被接納的),我可唔可以自行取消,之后再叫個客重新覆述??
如果可以我應該點取消??

如果你已經去左飛，你是不能自己取消條飛，你一定要叫組長取消，不論是個客講錯定係你落錯。

2010-01-12 19:15:36 補充：
5)如果個客叫我唔洗複飛,咁我應該點答?

唔可以。

馬會規定一定要覆飛，仲要個客明確表示「正確」、「岩」、「無錯」先可以去飛，如果個客答「唔」都唔可以去，因為個客可能是答「唔...岩」

6)我可唔可以在,同一來電中, 幫2個人下注??

不可以。

由你聽電話那一刻起，你就只可以幫第一個出聲的人落飛，如果對方講講下比左第二個人聽，你就要同對方講返，要第一個人投注。

2010-01-12 19:17:59 補充：
7)如客要存款,係唔係要我轉駁到服務部1886,而自己是不可幫客存款的?
8)如客人拒絕接受 最高派彩,搵組長前應該同個客講D咩???
9)如客人查閱派彩有幾多,要點

其實以上全部都要轉去客戶服務部，不過如果你有需要搵組長 / 客戶服務部，你可以同個客講「麻煩等等，我依家搵組長 / 客戶服務部解答你的問題」，跟住比音樂個客聽，再搵組長 / 客戶服務部。

2010-01-12 19:31:41 補充：
另外比個心理準備你，你做左一個月之後，你就會變「舊人」，就會輪到你帶「新人」。