論述題技巧

你指既係咪中史評論題?
第一,二題其實背書背得熟就已經可以攞到果8分
至於另外果兩題,我係網上見到有個人既意見都唔錯(下面)
你都可以去書店買本中國歷史最後一分鐘睇下既...

-----------------------------
中史我都讀緊 希望以下既少少心得幫到下你
如果想拎C以上既朋友仔 大概將每課結論部份既標題背晒佢
當然考評局係CE出題都係佢既大方向 而方向就係本書好長既概要度
呢方面會運用到係第3問同第4問上
而第3問基本上係資料性既題目
我既方式係按輕重既層次黎先
而每段上大概會先將標題擺出黎 先後就將一句既分析寫出黎
用資料加以論證 之後每段做一個小結
慣例上 第3問係要針4個要點答 因題目當時情況而異
CE大概有比較題 資料題 *分析整合題
係呢PART上答題方式 最好循序漸進
有條理同足夠資料就十拿九穩
(大前提當然要你有溫熟晒書 小弟上年就係半桶水去考 結果唔洗講:smile_30: )

跟住落黎第4問 考評局最中意問''有言.....XXX''你同意?
你認為 原因/成就/結果 是XXX嗎? 冇咩大既花樣
主要係考你史觀 分析說明 對歷史既理解方向?
呢部分我諗都係用黎俾拎A同B既人分高下
如果你主攻呢科 可以做PP卷練下組織 再睇下D史書
(最好由基本入手啦 如果真係有心)
因為結構 剖析史料係呢PART不可缺少
答法大致上 首段用你自己對該問題既認知同見解 寫出立場
然後有層次咁分析同推論
大致上我會寫下一般人會既見解 (當然呢個過程係好睇你當日腦部狀態)
跟住寫一D另類或者深層既論點 每一個論點 按重要性比重而劃分
咁樣我諗已經有5段 姐係大半頁 其後有機會既話可以進行''反證''
或者提出最後既分析 最後重頭戲就係結論
我多數會用邏輯說明呢個方法
贊成既話就用相對既概念解釋 反對既話就要係題目基礎上進行駁論既昇華
講多句你同意/唔同意 收筆
但要做到呢個步驟 需要你隻手既意志同腦部既轉數 仲有組織天份
而溫書時 我都會係每個論點加上引導性既申論同分析
咁會加深你答題既創造能力
但求合格既朋友仔
可以係前段寫一D說明同已見
用一D標題同內容黎吹水 都應該過到關
或者對於高手黎講只係微不足道
但都希望係答題概念上解答到大家既疑問啦
而上邊既答題過程或者宥漏洞
大家有唔同見解既都可以一齊討論下