有關養倉鼠既問題..

1.有鼻敏感養唔養得鼠,主要要睇返係唔係對動物既毛過敏,同埋病發時有幾嚴重,倉鼠既毛雖然短,但過敏既人就會好感覺到既
我有幾嚴重既鼻敏感,接近冇嗅覺,食藥都冇咩幫助,亦有皮膚敏感,係會對動物既毛過敏,次次洗完籠都要沖涼先得,掂完都會手痕,不過皮膚過敏我就唔嚴重,只係痕冇出疹之類,對住鼠鼠鼻都會好辛苦,但都養左十幾年,因為覺得冇咩事,沖下涼洗下手都可以冇事,只係間中處理完鼠鼠係要搽皮膚藥膏


因此,個個人情況唔同,嚴重既當然會好大問題,最好可以問下醫生,如果輕微既話,可以去鼠店對住鼠鼠耐D,試多D有冇問題先決定養唔養


2.平日養鼠要留意既事:
a)每日換水,並檢查水樽係咪真係出到水同會唔會漏水
b)食物要有足夠既份量,多d都唔緊要,鼠鼠係知飽既.最好放多d,多d食物先令鼠鼠有安全感,一般乾糧可以耐d先換
c)糧食方面只要俾鼠混合糧同草就可以了,好多人既食物都係唔適合鼠鼠既,甚至蔬果我都覺得唔好,原因可參考以下我回答既知識:http://hk.knowledge.yahoo.com/question?qid=7009080600917
d)一星期用沖涼粉沖一次涼,真係太熱太臭最多都係兩次,有病先例外.唔好用水同鼠鼠沖涼
e)一星期大洗籠一次,平日覺污糟都可以打掃一下,鼠鼠多數排泄得好集中,打掃排泄開既位置同佢訓既位置就已經好好多(因為鼠鼠用排泄物去表示呢個係自己地頭,所以訓既地方都會排泄)
f)唔好用有味or有色既木糠,最好買d冇咁碎既.有味既木糠加埋鼠鼠既排泄物係好臭既,有色就可能會甩色,碎既木糠就易影響鼠鼠呼吸道.以甘既都易令鼠鼠敏感.
g)個籠一定要安全,唔會有野整親鼠鼠,唔好用一間間好通風既轉輪同地板,好易卡住鼠鼠隻腳.
h)鼠鼠好叻走佬,留意有冇咩位鼠鼠會走到
i)鼠鼠怕凍,更怕熱,凍同熱都要為鼠鼠保暖or解暑
j)好緊要既係,平日多d留意鼠鼠既身體同排泄物,有咩異常就可能係有病
k)鼠鼠既牙係不斷生長,所以要有野俾鼠鼠磨牙,唔磨牙既話,d牙會插穿鼠鼠,令鼠鼠死亡,如果你隻鼠唔咬磨牙石,就可以買一d木制玩具俾佢咬(磨埋爪都得),又或可以試下鹽磚
l)除左轉輪,鼠鼠玩既玩具最好係鼠鼠專用既木制玩具,因為自己整既木易有刺,可以俾鼠鼠爬唻爬去,鑽唻鑽去既就多數都會玩
m)新買鼠之後要俾佢靜兩日,再試呢個方法慢慢同鼠鼠建立關係,以下既步驟唔係幾日內就做到晒既事,唔好太心急,唔係反而對鼠鼠唔好:(耐左都同鼠鼠唔熟,都可以試下做)
i)你可以隔住個籠叫多d佢,在籠邊拎d野食引佢埋唻(主要係想有食物袋既聲音俾佢聽到),隔住個籠俾野食唔會咬到你,唔洗擔心;唔一定要拎零食引佢,拎主糧入面既野食都ok架啦,唔食零食會健康d.日日叫佢都有野食既話,佢好快就會記得你把聲or裝食物既袋既聲音,我覺得鼠鼠認食物袋既聲比較快
ii)叫鼠鼠既名時,最好用疊字,會令鼠鼠更易記得,平日對鼠鼠既指令,例如叫鼠鼠食野之類,都最好用疊字或簡單聲音,鼠鼠係聽唔明你講野既內容,只係會記聲
iii)等到你地熟d,做到你一行過佢就行埋唻or冇咁驚你,之後你可以試下伸隻手入籠隻俾野佢食
iv)再熟d再試下俾野佢食既摸下佢頭or身
v)佢都唔抗拒之後,可將食物放在手心,等佢行上唻食,慢慢佢會習慣左你既手
vi)再熟d就可以抱佢,抱既時候唔好忽然由頭or從後抱起佢,咁會令鼠鼠以為有敵人攻擊,最好慢慢叫住佢先抱佢,如果抱唔到,可以用乾淨既杯唻俾佢上去咁樣抱


3.冇話邊間買鼠有保證,鼠既來源其實好多都係一樣,而個人認為大多數寵物店都有好多黑暗既情況,千萬唔好聽店員講既野就作出決定,一來因為鼠店係做生意既地方,講既野未必可信,二來鼠店店員既鼠知識都未必正確,我細個就係誤信俾鼠店好多錯誤既知識害死好多隻鼠
最緊要買既時候自己仔細觀察,唔好急慢慢揀,買之前了解多d,去到就要有自己既主見


揀鼠要留意既事可參考:
http://hk.knowledge.yahoo.com/question?qid=7009062502420


養鼠前亦要多了解,養前要考慮既事:
http://hk.knowledge.yahoo.com/question?qid=7009121001450
鼠用品資料及價錢:
http://hk.knowledge.yahoo.com/question?qid=7009112801771


買鼠最好凍完先,凍既時候買鼠,易有以下既問題:
1)鼠店較凍既話,鼠鼠好易已經冷親,冷親又未有病徵時,就易買到病鼠
2)鼠店較熱既話,出到街再拎返屋企時,就會有強烈既溫差對比,鼠店->街->屋企,3個較大變化既階段
3)返到屋企之後,新鼠未咁快習慣環境,未必會用屋仔之類唻訓覺,有鼠棉都未必會用
4)天氣凍易冷親,如果係新手既話,未必處理or發現得到

1.其實我都有鼻敏感，亦好想養倉鼠。但係倉鼠....倉鼠的毛其實很小很小，會經過空氣從我們的鼻孔進入體內，引起鼻敏感。
2.買了倉鼠，最緊要、最少，你要給他一個[轉轉輪]、[磨牙石]和一個[小兜]，當然不少得[籠子]、[木糠]、[食物]、[洗澡粉]和[洗澡屋]。如果你錫佢，可以買更多的設施架~~
3.其實邊到都有得買倉鼠，沒什麼所謂~

p.s.
1.洗澡粉：係一種幫倉鼠洗澡的「洗衣粉」,但係係倉鼠專用的,你千其唔好給洗衣粉幫他洗哦!!
2.洗澡屋：把倉鼠放進去bug一匙的洗澡粉放在倉鼠身上，即可。
3.木糠：你要一個禮拜換一次。
4.倉鼠糧：差不多吃完就換一次。(有些倉鼠不喜歡兜裏面的食物有木糠，所以會要經常換！)
5.要幫他起個名字，並經常呼喚他。(秘訣：放一些食物在手上，一直叫著他的名字，並給他食物。一至兩個星期後再叫他的名字，他可能會應你哦！)
但只是可能~~ =_____=

＊切記把任何東西包括水或洗洗澡粉等碰到倉鼠的眼睛＊

2010-01-08 19:55:44 補充：
千其唔好 嚇他或滴水在他的身上，唔係他會脫毛或突然變肥，很快便會死掉哦WoW~~